Shawang Tsawra Myit Kaba Ai Rai Yang Hkyik Hkam Ai Lam Ni Hpe Anhte Hta Karai Kasang Shabyin Ya Nga Ai, Nga Nna Wa Sarabyin Tsun

2019 Frebruary 10 ya shani Mungga Htawn Nga Ai Wa Sarabyin / Vatican Media

Shawang Tsawra Myit Kaba Ai Rai Yang Hkyik Hkam Kaba Ai Lam Ni Hpe Anhte Hta Karai Kasang Shabyin Ya Nga Ai, Nga Nna Wa Sarabyin Tsun

Karai kasang hpyi lajin ai lam hpe shawang tsawra myit kaba, myit kaja ai myit masin hte hkan madat galaw shatup ai lam ni galaw ga ai rai yang, hkyik hkam kaba ai lam ni hpe anhte hta Karai Kasang shabyin ya nga ai, nga nna lai wa sai laban shani, San Peter pa kaba hta shani ka-ang Angelus akyu hpyi ai aten Wa Sarabyin tsun dat nga ai.

Mau hpa lamik kum la the nga law law magawn la lu ai hpang, Simon Petru hpe Madu Yesu shaga la ai dai shani na ja chyum mungga hte lakap nna lahta na zawn Wa Sarabyin Francis hkaw tsun lai wa ai lam rai nga ai.

Wa Sarabyin tsun ai hta, “Simon a hkali ntsa de ntau shalau lung wa nna shawa masha ni hpe hkaw tsun lam galaw lu hkra li hpe hka gin gau kaw nna hka de loi sit nawt ya na matu Madu lajin lam galaw ai, de a hpang  sung ai de sit nna sum gawn jahkrat na matuSimon hpe madu tsun lai wa ai.

Nnan daw hta sum gawn jahkrat na matu Simon nau nsharawng lai wa ai, raitim mung madu a ga hpe madat nna sum gawn jahkrat ai, ndai gaw Madu hpe kam sham ai makam masham a majaw madat galaw ai lam rai nga ai, anhte hkum shagu mung dai zawn madu hpe kam sham ai makam masham the madu matsun ai lam hpe galaw na matu shaga la hkrum ai ni hkrai anhte rai ga ai.

Madu hpe kam hpa kam sham ai myit the madat mara ai lam a majaw nga law law magawn la lu ai mau hpa lamik kum la hpe Simon hkam la lu lai wa ai rai nga ai.  Karai kasang hpyi lajin ai lam hpe shawang tsawra myit kaba, myit kaja ai myit masin hte hkan madat galaw shatup ai lam ni galaw ga ai rai yang, hkyik hkam kaba ai lam ni hpe anhte hta Karai Kasang shabyin ya nga ai,” nga nna wa sarabyin hkaw tsun lai wa ai.

Anhte a prat hka li de madu hpe hkap tau bang la nga ga, Madu the rau Mungkan pang lai hpe lai rap nga ai aten maau hpa lamik kum la ni law law hpe madu shabyin nga ya na rai nga ai, nga nna Wa Sarabyin hkawn tsun lai wa ai lam Vatican shiga dap kaw nna shana dat nga ai.     

Source : Vatican News

 

Add new comment

15 + 3 =