Sharaw Wan A Majaw Jam Jau Jam Hkau Hkrum Nga Ai Greece Hte Ukraine Mungdan Na Hpyen Yen Tsin Yam Hkrum Nga Ai Ni A Matu Ahkyu Hpyi Ya Ai Shiga.

online image

Nhtoi: 27-8-2023

Wa Sarabyin Francis Kawn Sharaw Wan A Majaw Jam Jau Jam Hkau Hkrum Nga Ai Greece Hte Ukraine Mungdan Na Hpyen Yen Tsin Yam Hkrum Nga Ai Ni A Matu Ahkyu Hpyi Ya Ai Shiga.

Wa sarabyin Francis kawn Sharaw wan a majaw jam jau hkrum nga ai Greece mungdan  masha ni hte rau sha myit yawn nga ai lam tsun dan lai wa ai, bai nna Ukraine mungdan na mung masha ni the rau ni htep hkat nga na matu anhte yawng hpe saw shaga lai wa ai hpe chye lu ai.

Laban Missa ngut ai hpang Wa sarabyin Francis kawn Northern Greece hta Sharaw Wan a majaw asak si hkrum mat sai ni a matu aja awa akyu hpyi ya nga ai lam hpe chye lu ai.

European Union (Uropa Munghpawng Dan) kata hta byin lai wa sai Sharaw Wan hkru ai hta na kaba dik langai hku rai nga ai ndai sharaw wan a majaw Masha yawm dik marai 21 n-ga si hkrum mat sai hte Masha hkyin lam tinang a nta hpe tawn kau da na hprawng hkawm nga ra ai lam re hpe chye lu ai.

Wa sarabyin kawn St. Peter pa kaba hta du sa ai kam sham ai hpung masha ni hpe Ukraine mungdan hta majan a majaw jam jau jam hkau hkrum sha nga ai masha ni hte matut mahkai let garum ya na matu garum hpyi saw shaga lai wa ai hpe chye lu ai.

Wa sarabyin Francis kawn St. Augustine a Kanu rai nga ai St. Monica na Feastday hpe nawku jawng kaw galaw ai, bai nna “n gun ja ai Kanu” “gaja ai Kanu” ngu na shaming shaga let shagrau sha-a hku tsun lai wa ai hpe chye lu ai.

Wa sarabyin kawn san monica gaw “shi a kasha galai shai ai hte myit su wa na matu shi a myi prwi hte rau Karai Kasang kaw ten tup kyu hpyi ya lai wa ai” lam re hpe tsun lai wa ai.

Wa sarabyin kawn kashu kasha hpe sum mat ai, kashu kasha ni lam nshe de hkawm nga ai ni a majaw yawn hkyen hkrum nga ai Kanu ni yawng a matu akyu hpyi garum ya na matu hpang jahtum hku nna yawng hpe saw shaga let tsun lai wa ai hpe chye lu ai.

https://www.vaticannews.va/en/pope/news/2023-08/pope-francis-prays-victims-fires-greece-ukraine.html

 

 

By; Fr. Patrick Nawlang Zau Jat Awng

Add new comment

1 + 6 =