September Hta Wa Sarabyin Francis, Italy, Assisi Mare Hte Dingda Matera De Sa Du Kawan Na

2022, Septerber shata htum wa maga de, Wa Sarabyin Francis Italy mungdan, Assisi mare de sut masa lam hte seng nna, bai dingda Matera de (27) lang ngu na Missa Hkungga hte seng ai hpawng kaba a matu sa du lawm na lam, July 8, bat manga ya shani, the Holy Press Office kawn ndau da ma ai hpe Vatican Shiga Dap kaw nna shalai ndau da ma ai.

Sa du hkawm na nhtoi hkrak gaw September 24-25 laman hta rai wa na hpe myit mada da ai re lam chye lu ai.

Ndai lang Assisi de sa du ai gaw Wa Sarabyin Francis a matu (6) lang ngu na lang rai wa na rai nga ai.

Ndai lang sa du na gaw Francesco Sut Masa lam hte seng na rai nna, grau nna, ramma hte sut masa lam hte seng wa na re lam chye lu ai.

Hpang shani gaw dingda Matera de sa du na rai nna, (27) lang ngu na Mungdan kata Missa Hkungga (National Eucharistic Congress) hte seng ai hpawng de ai kaw ginchyum dat lamang hta shang lawm na re lam chye lu ai.

Dai shani, mungdan kata htawt sit nga hkawm ai ni hte hpyen yen ni hpe hkrum shaga nna, “Missa hkungga kata na mungga” hte “Madu a Lamu Kasa Akyu Hpyi Ga” tsun ai hta woi awn ya na re lam chye lu ai.

Italy Saradaw Hpawng Kaba Hpa-Awn, Cardinal Matteo Zuppi hte Assisi-Nocera Umbra-Gualdo Tadino na Saradaw mung rai, Francesco Sut Masa Hpung a Ningbaw mung re ai Saradaw Kaba Archbishop Domenico Sorrentino yan kaw nna Wa Sarabyin Francis sa du kawan na hpe chyeju dum nga ma ai lam Vatican de tsun shapraw shana da ma ai lam mung chye lu ai.

Assisi Hkrun Lam Lamang

Nhtoi - September 24, bat kru ya

9:00 am - Assisi de rawt na

9:30 am – Santa Maria deli Angeli na Pala-Eventi pa kaw yu na, dai hpang mawdaw matut jawn nna Pala-Eventi de du shang wa na

Hkalum la na ni gaw -laksan masha san da hkrum ai ramma marai masum, cardinal Michael Czerny, (Prefect of the Dicastery for Promoting Integral Human Development), Saradaw kaba Archbishop Domenico Sorrentino (bishop of Assisi-Nocera Umbra-Gualdo tadino, and of Foligno), Dr. Donatella Tesei, (President of the Umbria Region), Dr. Armando Gradone (Prefect of Perugia), Dr. Stefania Proietti (Mayor of Assis and President of the Province of Perugia), Members of the Promoting Committee of the Event, Prof. Luigino Bruni, Dr. Francesca di Maolo, Sr. Alessandra Smerilli, Representatives of the Franciscan Families of Assisi and of the Pro Civitate Christiana ni rai na re lam chye lu ai.

10:00 am – Wa Sarabyin Francis a matu masat da ai shawa hpwng de pinra de du na

Dai shara hta Wa Sarabyin Francis hpe hkalum lamang hte shachyan shaga lamang galaw ngut ai hte daw dan myit hkrum lam hpe hti ngut nna ta masat htu shagrin ai lam galaw na.

11:30 am – dai shara kaw nna mawdaw hte hkrang shala (Theater) gawknu de du na.

11:45 am – Santa Maria degli Angeli kaw na Vatcan heliport nbungli pa de bai wa na

12:15 pm - Vatcan heliport nbungli pa de bai du na

Matera hkrumlam

Nhtoi – September 25, laban shani

7:00 am – Vatican heliport nbungli pa kaw na rawt na

8:30 am – Matera na Municipal Stadium XXI Settebre kaw du na

Hkalu la na ni gaw- Card. Matteo Maria Zuppi (Archbishop of Bologna, President of the Italian Episcopal Conference), Saradaw kaba Archbishop Antonio Giuseppe Caiazzo (Bishop of Matera-Irsina), Hon. Vito Bardi (President of the Basilicata Region), Dr. Sante Capponi (Prefect of Matera), Dr. Domenico Bennardi (Mayor of Matera), Dr. Piero Marrese (President of the Province of Matera) ni rai na

Tau hkalum la ai hte rau mawdaw hte Cathedral jawng kaba de rawt sa wa na

09:00 am – Cathedral jawng kaba hta hpyen yen ni hte hkrum shaga na

09:30 am – Cathedral jawng kaba kaw na Piazza Matteotti de rawt na

10:00 am - Piazza Matteotti hta mungdan kata madang Missa Hkungga hte seng ai hpawng shangut lamang hta shang lawm na

* Mungga htawn na

* Madu a Lamu Kasa Akyu Hpyi Ga tsun na

- Cardinal Matteo Maria Zuppi kawn chyeju dum mungga tsun la na

11:45 am – Wa Sarabyin mawdaw jawn nna Via Giacomo Racioppi na Don Giovanni Mele de sa wa na; dai shara kaw gawde hkrang ningnan hpaw hpang shaman lamang galaw na.

12:30 am - Municipal Stadium kaw hpung shawa masha ni hpe shakram let Vatican de bai htag wa na

2:00 pm – Vatican heliport nbungli daru du na

 

By Fr. Patrick Gawmaw Hkawng Yae

Add new comment

10 + 10 =