Sarabyin A Mungga 23 January 2024

Nhtoi: 17-1-2024

Myit Masin San Seng Ai Hpe Galoi Mung Myit Hta Bang Da Na Hte, Ra Marin Ai N Kaja ai Myit Hpe Myit Dum Nga Ga

Wa Sarabyin Francis kawn Lai wa sai bat masum ya Shani shawa Masha ni hte hkrum shaga ai ten hta myit masin san seng ai hpe manoi let anhte a tingkyeng myit a majaw matsan jam jau ai, mayam byin tai na de lam woi ai hpe ninghkap ra ai hpe aja wa tsun shadum let kaja ai hte n kaja ai nga sat nga sa lam hpe mung tsun shadum sharin ya lai wa ai hpe chye lu ai. Ra marin ai myit , n kaja ai myit ni rawng chye ai hpe myit hta galoi mung dum let san seng ai myit masin hte sak hkrung nga sa na matu tsun shadum da ai. Wa Sarabyin kawn ndai zawn shadum ai ga hpe Vatican Paul VI gawknu kaw shawa ni hte hkrum ai hta tsun lai wa ai hpe chye lu ai. 

Wa Sarabyin kawn matut nna kaja ai hte n kaja ai nga sat nga sa hpe tsun lai wa ai, grau nna Lai wa sai bat hta “the sin of lust” ngu ai hte seng ai hpe madung da nna tsun lai wa ai. Wa Sarabyin kawn Hkristan sharin ajin ai lam hta Sexual instinct gaw mara hku nre ai hpe tsun da nga ai, bai nna shada da tsawra hkat ai lam gaw kaja wa tsawm htap ai hte si mani ai mahkrum madup langai re ai lam hpe tsun lai wa ai. “N kaja ai lam ni rau ka-up n hkrum ai, San Seng ai myit hte tsawra gaw san seng dik ai tsawra myit langai re ai lam hpe tsun lai wa ai.”

Wa Sarabyin kawn “nang tsawra ai masha langai hpe hpa majaw tsawra ai rai ngu nna san yang shi kaw na mahtai law law hpe nang na lu na nre” tsawra myit gaw myit da ai hta grau kaba nga ai ngu ai lam hpe tsun san lang dan lai wa ai. Wa Sarabyin gaw anhte ni myit galu ra nga ai “anhte a Tsawra myit n gun gaw grai kaba ai raitim nnan hta e ra rawng chye nga ai. “ Tsawra ai masha hta lai na u-ga masha a myiman hpe shanhte nchye masam maram ma ai, bai shanhte tsawra ai masha hpe sha yu nna kasi la chye nga ai, shanhte nan dai hpe tatut n madun lu ai raitim tsawra myit a matu ga sadi jaw na jin jin rai nga ma ai.”

Wa Sarabyin kawn ndai zawn mau hpa law ai “garden” ngu ai hta n kaja kata hta zim na n mai nga ai. Ndai zawn lam hpe n kaja ai myit hte ra marin ai, n kaja ai lam rai nga ai n ju ndawn ai myit ni hku nna jahten shaza na lam lahkawng nga ai lam tsun lai wa ai. Wa Sarabyin kawn jahten shaza ai gin lam lahkawng nga ai hta nga “lust” gaw shada da kanawn mazum ai lam hpe jehten lu ai hte masha langai a “freedom” hpe mung kashun la kau ya lu ai hpe tsun lai wa ai. Wa Sarabyin kawn “Lust” ngu na “ra gasit myit, n San n Seng ai, ra marin ai myit” ngu ai gaw tsawm htap ai tsawra myit ni hte san seng ai tsawra myit ni hpe jahten kau ya ai myit rai nga ai hpe tsun lai wa ai.

“Dai hta senseng ngu na maju hta Hkam Sha ai lam yawng lawm nga ai, hkum hte myit masin hkawng yen hta nga taw ai, ndai hpe myit galu ai hte tara masat da ai lam n nga yang, masha lahkawng yen a kanawn mazum ai hte tsawra myit rau shamu shamawt ai lam ni hpe matsing ka da ai lam n nga yang dai tsawra myit gaw shinggyim masha langai a Freedom ngu na shanglawt ahkang hpe lu la na matu pat shing dan da ai lam de galai mat hkrum chye ai lam” hpe tsun lai wa ai.

“Lust” ngu ai Ra gasit myit masin gaw Karai Kasang anhte hpe jaw da ai tsawm htap ai tsawra myit hpe jahten ya nga ai lam hpe anhte ni masam maram yu lai wa nna chye lu ai, bai dai gaw anhte hpe masha shada da matut mahkai tsun shaga ai hte grau nna anhte rau kanawn mazum ai lam hpe gara hku jai lang ra ai lam hpe tsun lai wa ai. Wa Sarabyin kawn ndai zawn re ai powerful vice ni gaw anhte ni myit galu ai hte masha langai a shi hta rawng ang ai kaja ai n kaja ai lam ma hkra hpe hkap la ai lam ni hpe hkrit hpa byin shangun chye ai lam tsun lai wa ai, dai gaw anhte hpe ya jang e myit pyaw hpa jaw ya lu ai (satisfaction) hte madu mayu ai myit masin ni hpe byin shangun chye ai lam tsun lai wa ai.

Karai Kasang kaw na kum hpa langai rai nga ai Sexuality gaw anhte shinggyim masha a matu ra ai kaw jahpring ya ai hte teng man ai myit prut pru ai lam langai hku galaw ya lu ai.. shi a mau hpa tsawra myit re ai hpe chye lu nga ai. Wa Sarabyin kawn Lust ngu ai Ra gasit myit hpe dang ninghkap lu na matu gaw anhte a prat hta galoi mung shakut shaja nga yang she mai byin ai lam re hpe hpaji jaw tsun shadum lai wa ai.

“Ndai lam ni yawng hta grau ahhkyak ai gaw (battle of prize) rai nga ai, hpa majaw nga yang Karai Kasang gaw tsawm htap ai shingyim num hte la yen a lapran na Tsawra myit hpe shi hta npawt de tawn da na lam ka da ai hpe tsun hkang da ai.” “Shi tsun da ai gaw (adventures) ngu nhkrit ntsang galaw ai lam ni hta rau chyawm galaw shakut ai gaw grau gaja nga ai bai anhte a si mani ai myit hpe gaw gap ai gaw satan hpe baw dagum jaw ai hta grau gaja ai lam rai nga ai, sak jaw ap nawng ai (serving) gaw masha a ntsa hta dang hkra galaw la ai lam (conquering) hta grau gaja nga ai, dai tsawm htap ai lam ni gaw anhte hpe (believe) jaw ya nga ai”.

Wa Sarabyin Francis kawn “ anhte a matu Karai Kasang a nhtum nwai ai Tsawra myit hpe garan gachyan na hte dai tsawra myit a tsawm htap ai hpe anhte a myit masin salum hta galoi mung manu shadan nga na matu”tsun shadum let hpang jahtum kyu hpyi ya let hpung dim da Lai wa ai hpe chye lu ai.

https://www.vaticannews.va/en/pope/news/2024-01/pope-at-audience-resist-the-vice-of-lust.html

By; Fr. Patrick Zau Jat Awng

Coodenator Of RVA Kachin