Ramma Ni Gaw Nawku Hpung A Sakhkrung Shamu Shamawt Ai Myit Mada Shara Rai Nga Ai Lam Wa Sarabyin Tsun Lai Wa Ai Shiga

Ramma Ni Gaw Nawku Hpung A Sakhkrung Shamu Shamawt Ai Myit Mada Shara Rai Nga Ai Lam Wa Sarabyin Tsun Lai Wa Ai Shiga

Wa Sarabyin Francis kawn manga lang na “Apostolic Exhotation” hta Ramma ni hpe “masha ni yawng a shawng hta Madu Yesu hte rau kabu gara ai myit hte hkuhkau ai lam hpe sakse tai madun dan ai zawn “shanhte a nsen hpe na lu hkra” galaw na matu saw shaga lai wa ai.

Wa Sarabyin Francis kawn lai wa sai 2018 na Synod hta ramma ni hpe “makam masham hte kanbau magam bungli” (faith and vocational discernment) hpe chye garan ginhka ai lam hte seng nna laika ka tsun shadum lai wa sai Rai nga ai. Ndai kalang e bai kahtap nna Manga lang “Apostolic Exhotation” ngu na  ramma hpawng hta “Certainty”ngu ai “sak hkrung nga ai Madu Yesu gaw anhte ni shi hta manoi let sakhkrung nga na hpe ra sharawng nga ai”lam hpe tsun shadum lai wa ai.

Lai wa sai Bat Langai ya shani e twun lai wa ai Wa Sarabyin a mungga gaw “yawng hta grau ahkyak ai hpe tsun shana lai wa ai. “mayak mahkak hte jam jau jam hkau lam ni law la nga ai ndai Mungkan  hta myit daw myit hten let hkrit  tsang nga ai ramma ni a matu nye a ndai shiga gaw shanhte a matu myit mada lam langai mi byin na matu” myit mada nga ai lam tsun lai wa ai.

Wa Sarabyin kawn Ramma ni hpe sak hkrung ai Karai kasang gaw shi a nhtum nwai ai tsawra myit hte anhte hpe teng sha tsawra nga ai lam tsun lai wa ai. Wa Sarabyin kawn “Ramma ni hpe shi hte rau manang zawn rau hkawm na , anhte a prat hta shi hpe hkap la nna, anhte a prat hta hkrum sha nga ai mayak mabyin ni, myit mada lam ni hte pyaw hpa lam ni hpe shi hte rau hkamsha garan gachyan  nna tsun dan ra ai lam”hpe tsun lai wa ai.

Anhte ni Karai Kasang hte rau hku hkau nga ai a marang e hkamla lu nga ai kabu hpa lam ni hpe masha ni hpe bai saksa hkam garan gachyan  na gaw “kaba htum ai sa sana” lam rai nga ai hpe tsun shadum let, “shaga la hkrum ai lam hpe myit dum nna shi a n-gun jaw ga (encouragement) hte tsun ai nsen hpe na hkra galaw ra ai hpe “make a mess” Spanish hku “Hagan Lio” ngu tsun shadum lai wa ai.

Wa Sarabyin kawn Ramma ni hpe “Madu Yesu anhte hte rau sak hkrung nga ai gaw anhte ni a lai mat sai mabyin lam ni hpe bai shadum ya nga ai (memory of the past) dai lam ni gaw ya anhte ni tatut sak hkrung nga ai lam hpe n gun jaw ya ai zawn anhte a htawm hpang na matu myit mada ai lam ni hpe karum ya ai lam rai na hpe tsun lai wa ai.

 

Wa Sarabyin kawn Nawku hpung gaw Karai Kasang ra sharawng ai hpe atsawm sha madat mara ai, shi hte ga shaga ai hte ahtsawm sha myit sawn sumru nna shawnglam de hkawmsa ai hpe ra sharawng nga ai hpe “Christus vivit” hta n gun jaw tsun da nga ai, ya anhte ni hkan sa nga ai gaw lai wa sai 2018 ning Synod hta galaw shajin Lai  wa ai a apu asi (result) rai nga ai hpe tsun lai wa ai.

Wa Sarabyin kawn Ramma ni hpe “ ya anhte a Sasana ninggam nnan hta anhte ni lam mahkrun nnan tam sa ai hte npawt ru madung ngu na hta galoi mung sadi dung nga let tam sa ai hta grau grau nnna ahtsam dat shakut ra ai lam”hpe tsun lai wa ai.

Wa Sarabyin kawn Ramma ni hpe “nanhte gaw Nawku hpung a asak hkrung ai myit mada lam” re ai hpe tsun shadum let ya du hkra Nawku hpung hta apnawng dawjau let  madi shadaw Shang lawm ya nga ai majaw chyeju dum ai lam hpe tsun lai wa ai.

 

Wa Sarabyin kawn shi a mungga hpe “Madu Yesu a si ai kaw na bai hkrung rawt wa ai kabu gara shiga hte shi a lak san sakhkrung lam hpe  ahtsawm sha jasan jaseng da ai jak langai zawn, bai nna na a shut la ai kaja ai lam nlawm ai sha anhte hpe hkum ngam da e” ngu ramma ni hpe n gun jaw let hpungdim da tsun lai wa ai lam chye lu ai.

 

 

 

Add new comment

12 + 7 =