Portugal Mungdan Na WYD Gaw Hkristu Hte Hkrum Kadup Ai Lam Langai Rai Nga Ai 10 Aug 2023

Wa Sabyin Franics  Shawa Hpang De: Portugal Mungdan Na WYD Gaw Hkristu Hte Hkrum Kadup Ai Lam Langai Rai Nga Ai

 Wa sarabyin francis gaw shi a nawng na htung lai masa zawn July shata  hkring sa ai ten ngut ai hpang shi a bat shagu na hkrum shaga nga ai shawa ni hpe bai ga hkrum shaga ai ten hta lai wa sai laman na shi a sasana hkrun lam hpe bai sawn dinglik let Portugal mungdan na lisbon hta galaw lai wa sai  WYD laman hta hkam sha ai shi a dai aten ni gaw christu hte hkrum zup lu ai zawn  tingnang a makam masham hpe tam mu lu ai hte Karai kasang a tsawra myit hpe hkam la lu ai ten ladaw hku nna shagrau kungdawn nga ma ai.

   WYD gaw Christu hte hkrum katut ai,makam masham. hta rawt jat wa ai hte Karai kasang a matsan dum lama chye ai tsawra myit kaba hpe shinggyim masha ni hkam sha lu ai mabyin rai nga ai.

   Ndai gaw Wa sarabyin francis Portugal mungdan na Lisbon de lai wa sai laman na shi a sasana hkrun lam hte 37 lang na WYD hpe shi gara hku manu daw dan masat lai wa ai lam rai nga ai.

   Wa sarabyin Franics a myit ningmu gaw du wa na Masum ya shani Vatican hta bat shagu masum ya shani hkrum shaga nga ai shawa ni hpe shi a July shata na hkring la ai ten ngut ai hpang shawng n nan hku nna Vatican hta nga ai Paul VI Hall gawknu hta myit ninggun lu na matu Roman jan ja nga ai ka ang kaw pru nna tsun shaga na lam rai nga ai.

   Pope Franics gaw shawa hpang ni de lai wa laman na shi a sasana hkrun lam hta kaja ai apu asi ni hkam la lu ai hpe tsun dan lai wa ai.

  ''Lisbon kaw na WYD gaw mungkan ting hta kap bra chye ai ana zinli byin ngut ai hpang Karai Kasang a shaman kumhpa langai hku nna masha shagu hpe hkam sha shangun ai.''

Wa sarabyin hku nna ramma ni hpe shanhte a masin salum hte lagaw lahkam ni gaw Madu Yesu hpe tam mu chye ai ni tai na matu shadum tsun lai wa ai.

 '' Karai Kasang gaw kawa langai zawn sha shi a kashu kasha ni yawng hpe tsawra nga ai.''

   WYD ngu ai gaw nawku hpung kaw nna sak hkrung ai Christu hte hkrum lu na matu san da ai.'' Hkrum lu ai ngu ai gaw makam masham shangang shaking ya ai hte Karai Kasang shaga ai nsen hpe masha law law na lu ai rai nga ai.'' Dinghku de ai,Karai Kasang kaw ap nawng da sai ni, jau aya, mama aya hkam la ai ni yawng mung lawm nga ai.

''Dai zawn masha yawng gaw Karai Kasang a shaman chyeju hte shaga nsen hpe na lu ai hte bai masha shagu gaw shaga la hkrum ai hkrang n bung tim Christu a hpung hta n bung ai hku  shaga la hkrum ai lam gaw kabu  tsawm htap ai lam rai nga ai nga nna ''Wa sarabyin tsun lai wa ai. Masha yawng hpe kabu gara let ndau shabra ai gaw '' Karai Kasang gaw kawa rai nga nna shi a kasha yawng hpe tsawra nga ai''.

 Wa sarabyin Franics gaw ningpawt mara nkap ai Nu Maria hpang de akyu hpyi ai a marang e daini du hkra shi shaman chyeju hte hpring nna lai wa sai aten ni hta hkam la lu sai chyeju ni hpe mung, myit dum lu ai lam tsun dan ai.

Grau nna Fatima Nu Maria de shi akyu hpyi kam hpa yang hpring zup ai lam hkam la lu ai lam tsun ai.

 ''Nu Maria gaw masha yawng a kanu rai nga ai.Shi gaw anhte akyu hpyi mayu ai lam ni hpe galoi ma hpring zup wa na matu garum ya nga ai''.

Wa sarabyin franics gaw mauhpa lamik kum la shadan dan ai shara hta machyi makaw hkrum taw ai ramma ni hte rau ''Karai Kasang gaw mungkan ga kaw byin taw ai ana ahkya ni hpe shamai ya ai, a lak mi hku nna gumrawng ai ni,hkalen hkalau ai ni,nju n dawng ai myit gumrawng ai ni hte mawsa chye ai ni a matu'' mung myit dum akyu hpyi ya ai lam hpe tsun lai wa ai.  

   "Anhte gaw anhte hkum anhte, Europe the mungkan ting Nu Maria a masin salum ,mara nkap ai Nu Maria a masin salum de ap ya ai lam ni hpe anhte yawng bai hpang ra ai.Wa sarabyin franics gaw simsa lam a matu, mungdan shara shagu byin taw ai majan ni lawan sim sa wa na matu akyu hpyi ya lai wa ai.''

 Ndai prat hta Christu hte  hkrum katut lu na matu

  Wa sarabyin francis gaw grai law la ai ramma ni,shanhte a makam masham hte myit rawt ai lam ni hpe shakawn ya ai hte Grau nna Ukraine mungdan na ramma ni a yawng hkyen hpam hku sawn la nna Ukraine ramma ni gaw kaga ramma ni hte n bung ai mahkrum madup  la sa ai lam hpe myit dum shangun ai.

Wa sara byin francis gaw ramma ni yawng hpe Christu hte hkrum kadup lu na matu Ramma ni yawng hpe WYD de sa na matu hpaji jaw lai wa ai. majan ni gaw matut naw byin taw na re hpe tsun nna Ukraine mungdan kaw kasat dingyang mung rai nga ai hpe tsun lai ai.

''World Youth Day gaw kaga mungkan n nan langai bai byin mai ai hpe madun taw ai. Ndai lam hku Anhte yawng gaw hkrit myit nrawng ai,dinghkrai myit masa n nga ai hte lanak ni '' ngu nna aja awa tsun lai wa ai.

Hpang jahtum hku nna Wa sarabyin gaw Chyoi Pra ai Nu Maria gaw mungkan ting na ramma ni yawng hte Portugal mung masha ni yawng hpe shaman ya u ga ngu nna akyu hpyi ya ai lam hpe Vatican Paul VI gawknu Hall kaw masha yawng Ave Maria hpyi ga garai n tsun shi ai laman galaw lai wa ai.

 Sa sana hkrun lam hta shang lawm ya sai yawng hte Rome du hkra sa na  General Audience kaw shang lawm ya ai ramma ni hpe chyeju dum ai lam tsun lai wa  ai.

Wa sarabyin franics a Portugal mungdan na sasana hkrun lam sa ai gaw August hte September shata lapran masum lang hta na shawng nnan na lang mung rai nga ai.

August shata 31kaw nna September shata 4ya du hkra Mongolia mungdan de sa du na hte Wa sarabyin Franics gaw shawng n nan du ai Sarabyin rai wa na lam re mung chye lu ai. Ndai shata htum hta Wa sarabyin gaw hkarang panglai grupyin hkan bu htawt hkawm nga ai lam ni hte seng nna bawngban na matu France mungdan,Marseillie kaw lahkawng ya tup nga na mung rai nga ai.

https://www.vaticannews.va/en/pope/news/2023-08/pope-francis-resumes-general-audiences-recalls-wyd-in-portugal.html

ByL Fr. Patrick Nawlang Zau Jat Awng

Coordinator Of RVA Kachin