Nawku Hpung Shiga ( Church News ) 04 August 2023

my photo

Nhtoi: 2-8-2023

World Youth Day, Mungkan Ramma nhtoi poi a matu Portugal Mungdan de Wa Sarabyin Francis du sai Shiga.

Wa sarabyin Francis gaw shi a (42) lang ngu na, sasana hpung gawan ai hte hpawn Portugal Mung na Lisbon mare kaw galaw ai World Youth Day, Mungkan Ramma Poi nhtoi de sa wa ai shaloi shi a hkrun lam nbung li ntsa hta shi ga la ai (journalist) ni hpe ngai Rome de bai nhtang wa ai shaloi, grau nna, hkum ram ai Ramma zawn bai nhtang wa na re hpe mani hpa shatai let tsun jahta ai hpe chye lu ai.

Wa sarabyin gaw shi a (42) lang na sasana hpung gawan ai hpe European Mung Portugal, Lisbon de, (37) lang na World Youth Day hta du sa wa ai. Wa sarabyin jawn ai nbungli gaw Portugal Mungdan Lisbon Capital kaw nga ai Figo Maduro nbungli pa hta jau-man ten (10) am kawn minute kachyi mi jau nna, du yu wa ai hpe chye lu ai.

Wa sarabyin Francis a nbung li ITA gaw Wa sarabyin hte Journalist ni hpe htaw let Rome’s na Fiumicino International Airport kaw na hkying 8 am hta rawt pru sa wa ai hpe chye lu ai. Nbungli pa kawn rawt ai hte Wa sarabyin kawn Journalist ni hpe ngai bai nhtang wa ai shaloi grau pi kaji nna bai wa na hpe mani hpa hku tsun shaga lai wa ai hpe chye lu ai.

Lisbon hta nbungli hkring yu ai hte Wa sarabyin hpe hkap tau hkalum ai lamang hpe galaw let hkalum la ai hpe chye lu ai. Dai hpang kalang ta Belem kaw na National Palace hta President Marcelo Rebelo de Sousa kawn Wa sarabyin hpe hkrum shaga shakram ai lam galaw lai wa sai. Dai ngut ai hpang Wa sarabyin gaw Belem kaw nga ai Culture Centre kaw dai mung dan na seng  ang ai up hkang salang ni hte hkrum shaga ai lam galaw lai wa ai hpe chye lu ai. Shani shat sha ngut ai hpang Wa sarabyin nga ai Apostolic Nunciature de nwa shi shaloi hkrum shaga na lam lahkawng nga ai hpe chye lu ai.

Shana maga 4:45 pm hta Wa sarabyin nga ai shara hta Prime Minister hte hkrum shaga na hte 5:30 pm hta Famous Monastary dos Jeronimos kaw Saradaw, Jau , Deacon, Consecrated Men and Women , Samanarians hte Pastoral workers ni hte shana shat jawm sha let hkrum shaga ai lam galaw lai wa sai.

Du na laban shani ngut ai hpang gaw Wa sarabyin Francis Portugal mung dan de sa du ai lahkawng lang rai sai hpe chye lu ai, Wa sarabyin aya hkam la ai kawn Mung dan 60 hpang de sa gawan lu sai, dai hta Portugal kaw gaw lai wa sai 2017 May shata hta Fatima na Latsa ning hpring lamang hta kalang du da lai wa sai hpe chye lu ai.

Shaning shagu masha hkying kaba, Mun hku sa du kyu hpyi ai Marian Pilgrimate shara de Wa sarabyin kawn Lahkawng lang hku na sa du ahkyu hpyi na hpe chye lu ai. Wa sarabyin kawn Cova da Iria kaw na Latsa ning hpring Blessed Virgin Mary Shrine kaw 2017 May 12-13 hta sa du let Mung kan ting na majan sin yam lawan sha sim sa wa na matu ahkyu hpyi ya lai wa sai hpe chye lu ai. Lai wa sai 100 ning daram hta Fatima hta Portugal na ma kasha masum hpe Blessed Virgin Mary dan pru lai wa sai hpe chye lu ai, dai ten hta dai shara gaw Farming Village sha naw rai nga ai hpe mung mu chye lu nga ai.

Wa sarabyin kawn ya na Apostolic Journey nnan hpang kaw na ngut ai du hkra Blessed Mother’s na makawp maga ya na matu Rome’s Marian Basilica, Santa Maria Maggiore kaw ap ya let akyu hpyi ai lam galaw lai wa sai hpe chye lu ai.

August 2, Bat Masum ya shani Portugal de du ai lam

Wa sarabyin gaw Bat masum August 2 ya shani Rome’s Fiumicino Airport kaw na 7:50 am kaw rawt pru wa na Lisbon kaw na Figo Maduro kaw 10 am hta du yu wa sai. Du ai hte kalang ta Belem kaw na National Palace kaw President of the Republic Marcelo Rebelo de Sousa kawn shakram hkalum ai lam galaw lai wa sai. Dai hpang gaw Belem ginra kaw nga ai culture centre kaw up hkang ai du ni, mare na seng ang ai salang ni hte hpaji hte seng ai salang ni hkrum shaga lai wa sai.

August 3 daini , Bat Mali ya shani gaw WYD hkalum ai lamang

Wa sarabyin Francis gaw Bat Mali ya jahpawt maga ten hta Universidade Catolica Portuguesa na Jawng ma ni hte hkrum shaga lai wa sai. Dai hpang Lisbon hte gade ntsan ai Cascais kaw na Scholas Occurentes na ramma ni hte hkrum shaga ai lam galaw lai wa sai. Shana maga de Edward VII Park kaw galaw na World Youth Day hkalum lamang hta shang lawm na matu bai nhtang wa ai hpe chye lu ai.

August 4, Bat Manga ya shani gaw Ramma ni hte U dang kawan ai,

August 4, Bat Manga ya jahpawt ten Wa sarabyin Francis a lata hta Ramma nkau mi Belem na “Imperio” shara kaw the Sacrament of Reconciliation hpe hkam la na lam hpe chye lu ai. Jahpawt 9:45 am ram hta Wa sarabyin Francis hkum nan “De Sarifina” jau ginwang de sa let representative of assistance hte Charity centres ni hpe sa hkrum shaga lai wa sai. De a hpang gaw shani ka nag 12 pm hta Ramma ni hte rau Wa sarabyin shani shat rau chyawm sha let shana daw 6 pm hta Potiff kawn Ramma ni hpe woi awn let Edward VII Park kaw Station of Cross hpe galaw sa wa na hpe chye lu ai.

August 5, Bat Kru ya shani gaw Fatima de sa na hte WYD vigil,

Wa sarabyin kawn Bat Kru ya jahpawt maga de The Shrine of Our Lady of Fatima de sa du gawan ai lam galaw sa wa na hpe chye lu ai. Dai hpang Wa sarabyin gaw Lisbon kaw na 8:00 am hta Helicopter hte pru sa wa na 9:30 am the Chapal of Apparitions kaw machyi makaw byin taw nga ai ramma ni hte Rosary hti ai lam galaw sa wa na hpe chye lu ai. Dai hpang gaw 6 pm hta Colegio de S, Joao de Brito kaw the society of Jesus ni hte hkrum shaga zuphpawng nga na, 8:45 pm hta Tejo Park kaw Vigil ramma ni hte rau aten jaw lamang lajang da ai hpe chye lu ai.

August 6, Laban ya shani gaw Chyoipra ai Missa hte Vatican de bai wa ai,

Wa sarabyin Francis jahpawt 9:00 am hta World Youth Day lamang yawng a gin chyum dat Missa hkungga hpe Tejo Park kaw nawng ya na hpe chye lu ai. Dai ngut ai hpang Figo Maduro kaw Farewell n galaw shi yang shani ka ang daw hta World Youth Day hta ap nawng nga ai Volunteer ni hte Passeio Maritimo in Agles kaw zuphpawng galaw na lam hpe chye lu ai.

Wa sarabyin na nbungli gaw shana maga 6:15 pm hta Rome de rawt sa wa na, Fiumicina Airport hta 10:15 pm hta du wa na re lam Vertican shiga dap kaw nna shana dat ma ai.

https://www.vaticannews.va/en/pope/news/2023-08/pope-francis-kicks-off-a...

 

By; Fr. Patrick Naw Lang Zau Jat Awng

Coordinator Of RVA Kachinservice

Add new comment

5 + 0 =