Nawku Hpung Shiga ( Church News )

Nhtoi : 31-3-2024

Karai Kasang hkrung rawt wa ai marang e anhte hpe kaba dik ai kabu hpa shiga la wa ya nna anhte a prat hpe galai shai ya nga ai

Wa Sarabyin Francis kawn lai wa sai Bat langai ya shani na paska Missa hkungga hta Regina Coeli hku kyu hpyi let St. Peter shawa pa kaba hta sa du nga ai kam sham ai hpung masha ni hpe tinang hkum tinang ahtsawm sha myit sawn dinglik yu nna Karai Kasang hkrung rawt wa ai lam a marang  e anhte prat hpe tsep kawp galai shai kau ya ai hpe kam sham ai hte anhte nga taw ai shara kaw na shi hpang de hkan nang nna shi a kabu hpa lam hpe sakse hkam ra ai lam tsun lai wa ai.

“Madu Yesu hkrung rawt wa ai gaw Mau hpa shi ga (or) kabu hpa lam hku Nna ngut mat ai mau mwi sha nrai nga ai, Maga mi hku Nna anhte a prat hpe htani htana galai shai kau ya ai lam” Rai nga ai hpe tsun lai wa ai.

Wa Sarabyin Francis kawn Lai wa sai Bat langai ya shani na Easter Missa hkungga hta Regina Coeli akyu hpyi lamang garai n hpang shi yang St.Peter Shawa pa kaba hta du sa ai kam sham ai hpung masha ni hpe “aja wa shadum ga”(powerful reminder) hpe tsun lai wa ai.

Wa Sarabyin kawn dai shani hti ang ai Mahte a kabu Gara shiga hta na “num langai mi lup na bai hkrung rawt wa sai Madu Yesu hpe hkrum ai” lam hte la kap nna n gun jaw tsun shadum lai wa ai.

Wa Sarabyin kawn “kabu gara ai lam gaw hkrung rawt wa ai hpe anhte ni tatut hkam la lu ai lam kaw na byin wa ai lam re hpe tsun lai wa ai” dai gaw atsam Kaba ai myit makam “Powerful emotion” anhte hta byin shangun ai majaw anhte hta byin hkrum ai hte mu lu ai lam ni hpe bai tsun shapraw dan  na matu shadut ya nga ai lam hpe tsun lai wa ai.

Wa Sarabyin kawn kabu gara lam hpe garan gachyan ai (sharing joy) ngu ai gaw anhte ni kaji ai ten hta hkrum lai wa nna hkaja la lu ai mau hpa mahkrum madup langai rai nga ai hpe tsun shadum lai wa ai.

Wa Sarabyin kawn “anhte ni kaji ten hta amat gaja lu wa yang bai nna ginsup ai hta no langai kumhpa lu wa ai hkan anhte ni a Kanu Kawa ni hpe madun na jinjin rai nga ai (or) nta langai hta ma langai shangai wa ai ten” ndai zawn re ai pyaw hpa aten ni hpe myit dum na matu madi madun tsun lai wa ai, dai lam ni hpe ga si hte tsun shapraw na yak tim anhte ni kawn masha shagu hpe kalang ta tsun dan mayu nga ai.

“Bai hkrungrawt wa ai marang e anhte a prat hpe htani htana ngu na de tsep kawp galai shai kau ya ai”.

Wa Sarabyin kawn “si ai hpe aung dang ai hte anhte hta myit htum nga ai hpe tawt lai shangun nna myit mada ai lam hpe jaw ya ai” gaw Karai Kasang a hpung shingkang shi a nhtoi rau anhte ni a ra mara hpe jahpring shazup ya nga ai hpe tsun lai wa ai.

“Shi hte rai yang shani shagu htani htana asak hkrung ai lam hta hkawm nga lu ai, daini na nhtoi ngu ai htum mat ai lam gaw hpawt ni na matu myit mada shara nnan jaw ya nga ai, ya ya jang lajang da nna masat da nga ai aten ni hta lai nna htani htana aten hpe lajang ya nga ai.”

Wa Sarabyin kawn anhte a kabu Gara lam ngu na hkrung rawt wa ai lam gaw (the joy of resurrection) anhte hte ntsan ai sha ahni sha rai nga ai hpa majaw dai chyeju gaw anhte ni hpe kashin kamun hkam ai ten kaw na jaw dai sai hpe tsun san lang dan lai wa ai. “dai kawn anhte mung dai num zawn hkrung rawt sai Madu Yesu hpe mu lu sai...hkum hkrit mu ngu” tsun lai wa ai.

“Mara, hkrit tsang ai myit hte Si du hpe dang kau ai Madu Yesu gaw anhte hpe hkum hkrit mu nga Nna tsun yang anhte ni n hkrit tsang ra ai, myit mada ai myit htum ai lam hta sha nnga ra ai, paska ladaw na kabu hpa lam hpe mung n shamat kau nna”, maga mi hku rai yang anhte ni Madu Yesu hpe lu la ai marang e kabu hpa hpe jahpring ya lu ai Sau anhte ni rai nga ai, shi gaw anhte a prat a engine langai mung rai nga ai, hkrung rawt ai Madu hpe num langai hkrum lai wa ai, shi gaw si hkrung si htan ngu na hpe dang nna hkrung rawt ai hte galoi mung nhtum nwai ai kabu hpa lam a npawt re ai hpe tsun lai wa ai.

“Dai majaw anhte ni lawan ai hku Chyoipra ai hkum hta Madu Yesu hpe mu hkra tam ga, shi anhte hpe mara dat ya na matu hpyi nem tawng ban nga ga ...bai nna masha hpe karum shingtau ai Chye ai myit ni rau sak hkrung hkawm sa lu na matu anhte hpe tsun shadum n gun jaw lai wa ai.”

“Bai nna anhte ni kabu Gara ai (joy) hpe galu kaba wa na matu Num langai anhte hpe madun dan lai wa ai zawn shi a lam hpe shakawn shagrau nna sak se hkam na lam hpe tsun lai wa ai.. Hpa majaw nga yang kabu gara lam (joy) hpe garan gachyan yang (share) she galu kaba wa ai (grow) lam re hpe tsun shadum lai wa ai.

Wa Sarabyin Francis kawn “ Karai Kasamg a kasha bai hkrung rawt wa ai hta Kabu lawm ai Kanu Maria kawn anhte ni mung shi kabu hpa lam a sak se ni tai lu na matu karum ya na hpe kyu hpyi let shangut lai wa ai.

By; Fr. Patrick Nawlang Zau Jat Awng

https://www.vaticannews.va/en/pope/news/2024-04/pope-francis-at-regina-caeli-on-easter-monday.html