Nawku Hpung Shiga ( 15 July 2021 )

Wa Sarabyin: Tsi Tsi Hkam La Nga Ten, Akyu Hpyi Garum Ya Sai Ni Yawng Hpe Chyeju Dum Ga Tsun

July 4, Laban shani, Wa Sarabyin Francis, A.Gemelli Tsi Rung kaw, pudung kan ga tsi tsi hkam la hpang ai lam chye lu ai. Pudung kan gyip ana re ai lam chye lu ai. Kan ga tsi tsi ai aten ahkying hkum masum (3) na mat ai rai nna, tsi rung kaw sanit (7) rawng ra ai lam mung chye lu ai.

July 6 ya shani Vatican kaw nna bai ndau ai hta Wa Sarabyin Francis shawoi na hte maren bai hkam ja wa sai lam bai ndau da ma ai.

Bat lahkawng (2) ya shani Wa Sarabyin Benedict XVI (Hkringsa) gaw, Wa Sarabyin Francis hkam ja lam lawan bai lu la na matu laksan akyu hpyi ya ai lam, Italy mungdan kata hpung masha ni mung dai shani hta sha Wa Sarabyin Francis a hkam ja lam a matu laksan akyu hpyi ya lai wa ma ai lam, Mungdan ningbaw ningla ni hte Makam masham hpung woi hpa-awn ni mung Wa Sarabyin Francis a matu akyu hpyi ya ai lam hte shalan shabran ga tsun n-gun jaw laika ni shagun ya nga ma ai lam chye lu ai.

The Republic of Turkey a Gumsan Magam, Recep tayyip Erdogan gaw, “Wa Sarabyin Francis kan ga tsi tsi hkam la ai hta atsawm sha, awng dang ai hte ga tsi la lu sai hpe na chye lu ai majaw na kabu lawm nngai; tsi rung rawng matut tsi lajang ai aten hta mung lawan dik ai hku maitsai wa nna, n-gun lagaw lawan rawng wa let hkam ja wa u ga ngai hte rau mungdan masha yawng akyu hpyi ya nga nngai,” ngu bat lahakwng (2) ya shani shagun laika hte akyu hpyi shalan shabran n-gun jaw da nga ai.

The Republic of Cyprus a Gumsan Magam, Nocos Anastasiades hte the Republic of Cuba a Gumsan Magam, Miguel Diaz-Canel Bermudez yan mung shagun laika hte Wa Sarabyin Francis lawan hkam ja wa u ga matu akyu hpyi let n-gun jaw shalan shabran da ma ai.

Wa Sarabyin Francis mung “ndai masum (3) ya laman, ngai hpe messagae ni hku n-gun jaw, shalan shabran, yu lajang ya ai ni law law rai nga ai; yawng hpe grai chyeju kaba sai,” ngu shi a twitter ntsa mara da nga ai.

Vatican Shiga Dap kaw nna ndau da ma ai.

By Fr. Patrick Gawmaw Hkawng Yae

#vaticannews

#rvakachinservice

04 July 2021, 15:37