Nawku Hpung Hte Wuhpung Wuhpawng Ni Hpe Kadai Mung Kadai Mung Ngam Kau Da Nmai Ai

Wa Sarabyin Francis kawn Lai wa sai Laban shani na Missa hkungga hta dai shani na hti ang ai Maku a kabu gara shiga na Madu Yesu kawn “sai htaw ana” byin hkrum nga ai Num langai hpe Mau hpa lamik kumla hku nna shamai shatsai ya ai hte si mat sai Jairus a Kasha Num sha hpe bai mung jahkrung sharawt ya ai lam hpe tsun lai wa ai rai nga ai.

“Wa Sarabyin Francis kawn dai jahpawt na Missa hkungga hta Karai Kasang gaw anhte yawng hpe tsawra nga ai majaw gadai hpe mung ginhka ai lam nnga ai” hpe tsun lai wa ai.Wa Sarabyin kawn dai shani hti ang jachyum mungga hta shada da matut manoi nga ai : Madu Yesu a hpun palawng hpe kahtawk hkra nna “sai htaw ana” byin ai num langai mai tsai hkrum mat ai hte si mat sai Jairus a Kasha a ta hpe lang nna bai jahkrung sharawt ya Lai wa ai Lam hpe la kap nna tsun lai wa ai.

Wa Sarabyin Francis kawn ndai mabyin lam lahkawng gaw lak lai hku na hkum shan hkra nga ai hpe mu lu ai, Dai hta lawm ai masha nkau gaw shanhte a yuda htung hku yu nna nsan sen ai hku myit sawn shut ma ai. Wa Sarabyin kawn “Physical touch” hkum shan hkra nna shamai ya ai lam garai n galaw shi yang Karai Kasang kaw na gara lam gaw san seng ai nsang sen ai hpe galaw lajang da chyalu rai nga ai hpe , anhte nawku htung hte seng ai ni a chye na shut ai lam hpe Madu Yesu dahkat galaw ai lam hpe tsun lai wa ai.

Wa Sarabyin kawn kam sham ai hpung masha ni hpe anhte a masin salum kata na ndai hkrang nsam hpe shading sharai na matu saw shaga lai wa ai. Karai Kasang gaw shi a lata hte anhte hpe Ladawn nga ai hte sharawt ya nga ai, tinang hkum tinang hpe machyi shangun ai rai tim shi gaw lata Ladawn nna shamai shatsai ai hte nang ngai hpe prat nnan bai jaw ya nga ai.

Wa Sarabyin kawn anhte a prat hta ndai zawn tsin yam mahkra hkam sha ra ai rai tim, grau nna anhte ni mara hte hkrum wa ai shaloi rai tim Karai Kasang gaw anhte hpe shi hte tsan ai de ntawn kau ai sha shi hte nihtep ai shara de mahtang anhte hpe shaga la nna anhte hpe galoi mung si hkrung si htan lam kaw na shalawt la nga ai lam hpe tsun lai wa ai.

Wa Sarabyin Francis kawn “anhte ni Karai Kasang a Salum hpe atsawm yu ga” kaning re ai Nawku hpung hte Wuhpung wuhpawng ni gaw nang ngai hpe nsan sen ai ngu nna n kabai da ai, dai majaw anhte marai hkum shagu arawng aya marin hte nju ndaw ai myit ni n nga ai sha tsawra myit hte shada hkalum  la hkat na lam hpe tsun shadum lai wa ai.

https://www.vaticannews.va/en/pope/news/2024-06/pope-at-angelus-a-church-and-a-society-that-excludes-noone.html