Namman Chya Sakramentu

Namman chya Sakramentu Jaw ai wa

Ndai sakramentu hpe Saradaw aya hte Jau aya lu sai ni sha mai jaw ai. Machyi msha a ntsa e, lata mara let shamai shtsai ya na matu Madu Yesu gaw shi a kasa ni hte shanhte a ahkang aya hkring htawng dagraw la sai ni hpe ap jaw da sai (Mk 16:18). Hpung masha ni hku nna, maachyi kaba hkrum wa ai shaloi Namman chya Sakramentu hpe hkam la na matu, Jau hpe tau nau shaga ya ra ai. Jau gaw, dai Sakramentu hpe dum nta masha ni hte, shing n rai, hpung masha ni hte rau jaw yang grau htuk dik ai.

Ndai Sakramentu hpe machyi masha a nta, tsi rung ni hta jaw ai raitim, kaga Sakramentu ni zawn Nawku daw jau ai aten hta mung mai jaw ai. Misa Hkungga Nawng jau ai shaloi, mara tawng ban ai ga tsun ngut ai hpang jaw mai ai. (If circumstances suggest it, the celebrtion of the sacrament can be precede by the sacrament of Penance and followed by teh Sacramentu of the Eucharist). Dai hpang, byin mai ai rai yang Chyoi Pra Hkum matut jaw mai ai.

Namman chya Sakramentu a kyu chyeju ni

Chyoi pra ai Wenyi a laklai ai chyeju: Ndai Sakranentu gaw machyi kaba hkrum nga ai ni hte asak kaba wa sai majaw hkrum ang ai nchyi nmu, ru yak jam jau lam ni hpe tawt lai la lu na matu n-gun atsam chyeju hpe jaw ai sha n-ga, shalan shabran ai chyeju hpe mung jaw ya ai. chyoi pra ai Wenyi jaw ya ai laklai ai chyeju a majaw, machyi makaw hkrum ai wa gaw, Karai Kasang hta shi a makam masham hpe ningnan bai garan la lu ai hte agung alau lam ni, myit daw myit hten ai hte pawt sindawng ai lam ni hpe awng dang lu na atsam lu la nga ai (Heb 2:15). Chyoi Pra ai Wenyi jaw ya ai Chyeju a majaw, machi ai masha gaw, wenyi shamai shatsai ya hkrum ai hte Karai Kasang ra sharawng ai rai jang hkum hkrang mung mai tsai wa lu ai. Shi mara kap nga yang mung raw dat kau hkrum na re ai (Yk 5:14-15).

Yesu Hkrsitu a nni nkri hte jawm pawng nga ai: Machui ai masha gaw, ndai Sakranentu a marang e, Yesu Hkristu a nni kri lam ni hte (shi  a nchyi nmu lam ni hpe) jawm pawng ap nawng nna, hkam sharang lu ai n-gun atsam lu la ai. Lamu mungdan na n htum n mat ai sut gan mahkawng da ai lam hte Yesu Hkristu a hkye hkrang la ai lam hta anhte shang lawm ai lam hpe dum chye la lu nga ai.

Kam sham ai masha yawng a chyeju (An ecclesial grace): (1) Tinang myit ra ai hte maren, Hkristu a nni nkri hte wudang ntsa si hkam ai hta jawm pawng ai hku nna ndai Sakramentu hpe hkam la ai. Machyi masha ni gaw, Karai Kasang a amyu masha yawng a akyu  a matu ap nawng ai lam rai nga ai. (2) Ndai Sakramentu hpe jaw ai shaloi Nawku Hpung gaw, San pra ai ni yawng mayawng hte rau jawm pawng nna dai machyi masha ni a matu htinglu htinglai akyu hpyi ya ai. Machyi masha ni mung dai Sakramentu chyeju a marang e, Nawku Hpung san seng san pra wa na matu hte masha yawng mai kaja ai akyu lu la na amtu garum ya lu nga ai.

Hpang jahtum hkam la ai Sakramentu (Viaticum, the last sacramentu of the Christian)

Nawku Hpung gaw, machyi ai masha hpe sau chya nna shamai shatsai ya ai sha n-ga, si wa maw sai masha ni hpe mung hpang jahtum na Chyoi Pra Hkum jaw aihte akyu hpyi ya dat nga ai. Chyoi Pra Hkum gaw Yesu a Hkum hte Sai rai nga ai. Yesu a Hkum hte sai gaw, htani htana asak jaw ai wenyi lusha rai nna, shi a bai hkrung rawt ai hpung shingkang hta mung shang lawm lu shangun ai lusha rai nga ai.

“Nye a ashan sha nna, nye a asai lu ai wa gaw, htani htana asak lu la nu ai: dai wa hpe mung, hpang jahtum na nhtoi hta ngai sharawt la na we ai,” (Yh 6:54). Madu Yesu a ndai Chyoi Pra hkum Sakramentu gaw, Yesu shi a nni hkri yubak lam shi a si hkam ai hte bai hkrung rawt ai lam a mung shung lam rai nga ai. Ndai mungkan ga de nna, shi a Kawa Karai Kasang hpang de sa ai lam jaritk mung rai nga ai. Anhte mungkan ga ntsa kaw nna bu hkawm ngut ai hpang, nta majing rai nga ai sumsing mungdan de du shang wa na matu lajang ya ai Sakramnetu rai nga ai.

Source

#nawkuhpungnasakramentuni

#fr.lazumtushan