Mungkan Ting Hkristan Myit Mada Lam Hpe Ra Taw Nga Ai

Wa Sarabyin Francis kawn (virtues) kaja ai and (vice) n kaja ai lam sharin ai hta ndai kalang gaw theological virtue kaw na “hope” ngu na myit mada lam hpe bai sharin ya lai wa ai.Wa Sarabyin Francis kawn lai wa sai bat masum ya shani shawa ni rau hkrum ai ten hta “anhte a prat na hpang jahtum aten hta tinang hkum tinang bai myit sumru yu nna san jep yang, myit mada ai lam “hope” ngu ai sha anhte a salum hpe  htai ya na re ai hpe tsun lai wa ai.

Wa Sarabyin kawn theological virtues hpan masum Rai nga ai faith hope love kaw na lahkawng hta tsun da ai gaw “anhte a prat hta Gasan ni hpe negative hku htai ai rai yang” myit yawn hpa (sadness) ngu ai de sha anhte a prat sa mat wa na rai nga ai. “Anhte a prat nnan hpang ai Kaw na  si wa ai ten du hkra, anhte hkawm sa ai prat hkrun lam hta sak hkrung nga sa ai lam lachyum n pru ai rai yang hpa majaw naw sak hkrung hkawm sa nga na rai ta ngu na anhte hkum anhte san jep nna anhte a prat hpe hpa mi byin yang byin ngu nna hkawm sa jahtum kau chye nga ai. Wa Sarabyin kawn “Wa Sarabyin Benedict XI kawn tsun lai wa ga hpe la kap nna “Myit mada ai pan dung n nga na sak hkrung hkawm sa ai masha ni gaw, “kaga gaja ai lam law law hpe jahten kau ai hte tinang a prat hpe wanwu (ashes) zawn jahtum kau shangun chye ai lam tsun lai wa ai.
 

 “Anhte a htawm Hpang ngu na hpe positive hku galaw lajang da yang she ya ten hta kaja ai hku sak hkrung hkawm sa lu na hpe mung Rai nga ai lam tsun lai wa ai.Wa Sarabyin kawn anhte Christan ni a myit mada lam (hope) gaw anhte galaw ai lam ni (merit) kaw na byin wa ai nre ai hpe tsun lai wa ai. Lama na anhte hta “future” htawm Hpang ngu ai nga ai hpe kam ai rai yang dai gaw Madu Yesu si hkam ai hte bai hkrung rawt wa ai hte anhte hpe chyoipra ai wenyi ah tsam jaw da ai majaw rai nga ai hpe tsun lai wa ai. Dai majaw “hope” ngu ai gaw “theological virtue” langai nan re ai hpe anhte ni ading dawk chye lu ga ai, dai gaw anhte ni kaw na pru wa ai nre sha “Karai Kasang kaw na dan tawk (direct) anhte hpe jaw ai chyeju kum hpa rai nga ai hpe tsun lai wa ai.

Wa Sarabyin kawn “faith and disbelief” Kam sham ai hte n Kam n sham ai lam hpe garan gin hka nna San Pawlu tsun lai wa ai hta e “lama na Madu Yesu n hkrung rawt wa ai rai yang anhte a makam masham gaw gaman lila rai nga na hte anhte ni a mara hta naw lup nga na hpe” tsun lai wa ai. Lama na nang gaw Madu Yesu hkrung rawt wa ai hpe kam ai rai yang hkrat sum ai hte si ai gaw galoi mung n grin ai hpe nang teng teng chye na ra ai. Rai tim Madu Yesu hkrung rawt wa ai hpe nang ngai n kam ai rai yang gaw Kasa ni hkaw tsun ai lam ni pi n bung nga ai zawn asan brang rai mat na hpe tsun lai wa ai.

Wa Sarabyin kawn “Karai Kasang a Tsawra matsan dum ai lam gaw anhte a masin salum hta grau kaba nga ai, bai nna lai mat sai anhte a pyaw hpa lam ni hte myit kaji ai lam ni a matu, bai nan asawng asa  gaja ai hpe myit dum nga ai (bad nostalgia) a matu mada myit mada ai hpe ning hkap ai n gaja ai mara ni hpe tsun shadum lai wa ai.

Dai shani hti ang ai mungga  gaw anhte Christan ni a gaja ai kyang lailen nga sat nga sa (christan virtue) hpe grai ra taw ai hpe tsun lai wa ai nna dai hta anhte ni myit galu ai lam mung ra nga ai, dai gaw anhte a myit mada ai lam hte ni htep ai hku hkawm sa ai “virtue” mung rai nga ai hpe Wa Sarabyin Kawn tsun lai wa ai. Myit kalu ai masha ni gaw galoi mung simsa wa na hpe ra sharawng nga ai. 

Wa Sarabyin kawn anhte a makau grup byin hta myit daw nna asum jaw ai ni law nga tim hkam sharang let myit galu ai hte myit mada ai wa gaw sung dik ai nsin hpe tawt lai lu ai lam re hpe tsun lai wa ai.

Hpang jahtum hku nna Wa Sarabyin kawn hope ngu hte seng nna “ga Shaka nnan na Simon hte Anna yan gaw nawku jawng hta Messiah hpe mu lai wa ai” lam re hpe dan tsun let “myit mada lam ngu ai gaw young heart na virtue” re ai hpe tsun lai wa ai. Wa Sarabyin Francis kawn “anhte a prat jahtum hta e Simon hte rau rai nna Karai Kasang, masha shagu hpe mu lu hkra galaw ya ai nang madu a hkye hkrang la ai hpe mu lu na matu simsa ai hte na a nchyang mayam hpe pru sa wa shangun rit” ngu tsun lai wa ai.

Wa Sarabyin kawn kam sham ai hpung masha ni hpe “tinang a shawng lam a matu myit mada ai lam chyeju hpe hpyi let myit galu ai hte myit mada nna hkawm sa na matu tsun let hpungdim dat lai wa ai. Bai nna anhte ni hpe “galoi mung hpang jahtum byin wa na lam hpe yu na hte Karai Kasang gaw galoi mung anhte hte rau ah ni sha nga nga ai hpe dum chye nna, si ai gaw galoi mung anhte a ntsa hta ka up ndang lu na re hpe tsun lai wa ai.

https://www.vaticannews.va/en/pope/news/2024-05/pope-at-audience-the-world-needs-christian-hope.html