Misa Hkungga Gaw Hten Run Mat Ai Matsing Nyan Hpe Tsi Shamai Ya Ai Nga Nna Wa Sarabyin Tsun

“Misa hkungga gaw hten run mat ai matsing nyan hpe tsi shamai ya ai hte anhte hpe kabu pyaw ngawn ai lam bai jaw ya ai” nga nna Wa Sarabyin a Mungga hta tsun da nga ai.

Chyoi Pra Hkum hte Sai Poi, June 14, laban shani, San Peter Nawku Htingnu hta nawng jau ai, Misa hkungga hta “hten run mat ai matsing nyan hpe tsi shamai ya ai hte anhte hpe kabu pyaw ngawn ai lam jaw ya ai gaw Misa hkungga re” ngu shi a mungga hta tsun da ai.

Ndai Misa hkungga hta hpung masha marai 50 daram sa du lawm ma ai rai nna, Misa hkungga nawng jau ngut jang Chyoi Pra Hkum kawan nawku daw jau lamang galaw, shaman hkam la ma ai.Shi a mungga hta, Wa Sarabyin shi hkum nan hkam la lu ai Karai Kasang a chyeju ni hpe ahkyak madung da sumru ai.

“Matsing nyan nnga ai rai yang anhte hkum hpe namhpun rawng ga sau nga ai kaw na la kau ai hpun lap ni nbung hta poi lawm mat ai zawn rai nga ai. Matsing nyan gaw, kaga laksan n rai nga ai. Karai Kasang hte masha kaga ni hpe matut mahkai ya ai rai nna, rau jawm pawng wa lu na matu rai nga ai. Karai Kasang hpe myit dum na matu shi hkum nan anhte hpe matsing nyan jaw da ai. Dai gaw ga hte kumla ni hta grau sung ai. Karai Kasang gaw anhte hpe malu masha jaw da ai. Anhte sha yu sai nam chyim hpe galoi mung malap nlu ga ai re. Tengman sak hkrung nga ai  shi a tsawra myit kaba hte anhte hta nga nga ai asak muk (Chyoi Pra Hkum) hpe anhte a matu tawn da ya ai.

Misa hkungga hta Madu Yesu a si hkam ai lam hte bai hkrung rawt ai lam hpe anhte a matu, anhte a shawng kaw tawn da ya ai. Grau nna, Chyoi Pra Hkum hte Sai Poi nawku daw jau lamang gaw, chyahkrai ma hpe shalan shabran ya ai zawn mat mat ai matsing nyan ni hpe tsi shamai ya ai. Masha law law shanhte lu la gring ai kanu kawa ni a tsaw ra myit n hkam la lu ai chyahkrai ma ni zawn, shanhte a matsing nyan hpe tsawra myit kata hkam sha ra ai hte myit htum lunghkrung tai shangun ai a majaw, myit dum na lam nnga ai ni tai wa ai.”

“Misa Hkungga gaw Kawa Karai Kasang a sadi dung ai tsawra myit hpe gun sa ya nna, anhte chyahkrai ma ni zawn, bai myit dum sumru na matu chyip mak rai taw nga ai lam ni hpe tsi tsi shamai ya nga ai.

“Misa Hkungga gaw Kawa Karai Kasang a sadi dung ai tsawra myit hpe gun sa ya nna, anhte chyahkrai ma ni zawn, bai myit dum sumru na matu chyip mak rai taw nga ai lam ni hpe tsi tsi shamai ya nga ai. Misa hkungga gaw Chyoi Pra ai Wenyi a shalan shabran ai hpe anhte a masin salum hta jahpring ya ai.

“Misa Hkungga hta Kawa Karai Kasang a sadi dung ai tsawra myit hpe hkam la lu ai. Dai tsawra myit gaw chyahkrai ma zawn hkam sha ai lam yawng hpe tsi shamai ya lu ai. Chyoi Pra Wenyi a shalan shabran ya ai tsawra myit hpe anhte a masin salum hta bang ya ai. Lai wa sai aten na manghkang ni hte shut shai lam ni hpe myit dum nna, hkra machyi shangun ai n kaja ai dam ana ni hpe mung tsi shamai ya ai,” nga nna Wa Sarabyin tsun da ai.

Bai, “Anhte ni n gingdan ga ai rai tim, Yesu Madu gaw anhte hpe, shi a myi npu na daw sha poi hta, shi hte rau dung sha na matu tsun nga ai. Dai gaw, shi a shawang tsawra myit, anhte hpe jaw ya mayu ai majaw rai nga ai. Anhte hta nga ai tsawm htap ai mai kaja lam hpe mu chye ya nna tsaw ra nga ai re” ngu nna matut n gun jaw da ai.

Misa Hkungga gaw anhte ni hkingdang kau sai matsing myit nyan hpe bai hpaw ya ai. “Tinang hkum hta makoi magap da ai hkrit tsang lam kaw na anhte hpe shalawt dat ya lu ai gaw Karai Kasang a tsawra myit nan  rai nga ai. Misa hkungga gaw anhte ni ra ai ra ai sut gan ni hpe jaw ya lu ai hte daw jau mayu ai myit hpe mung jahkum shatsup ya lu ai. Misa hkungga hta Madu Yesu anhte hpe zinglum la ai. Shi kaw na tsan ai de hkum pru mat ga. Anhte a makau grupyin kaw na mung hkum hprawng mat ga,” ngu Chyoi Pra Hkum hte Sai laban shani na Misa hkungga hta Wa Sarabyin Francis hkaw tsun da nga ai.

14 June 2020, 10:25

Source : Vatican News