May 15 Ya Shani Sanpra Masha Dang Da Na Hta Marai Masum Jat Bang ( 16 March 2022 )

May 15 Ya Shani Sanpra Masha Dang Da Na Hta Marai Masum Jat Bang

March 4, bat manga ya shani, Vatican kaw nna ndau ai hta, dai ning 2022 May 15 ya shani Sanpra masha marai masum dang sa wa na re lam chye lu ai.

Dutch Jau langai hte France hte Italy mungdan na Ma Ma lahkawng mung, Wa Sarabyin Francis a lata hta, Sanpra masha nnan dang na masha marai shi (10) hta lawm ma ai lam chye lu ai. Shanhte hpe ndai May 15, bat lahkawng ya shani, Sanpra masha dang sa wa na re lam chye lu ai.

Dutch Jau gaw Carmelite Sasana Jau Hpung kaw na Wa Jau Titus Brandsma, Ma Ma lahkawng gaw Sisters of the Presentation of Mary sasana hpung hpe gaw de hpang ai French mungdan na Ma Ma Maria Rivier hte ‘the Cogregation of the Capuchin Sisters of the Immaculate of Lourdes’ hpe gaw de hpang ai Italy mungdan na Ma Ma Mary of Jesus ni rai ma ai.

Wa Jau Brandsma a labu kadun

Wa Jau Brandsma gaw Duth thelogian, journalist hte lahkawng lang na mungkan majan shawng kaw Germany kaw nga lai wa nna anti-Jewhish ni hpe ninghkap ai laika ka sara rai nga ai.  1942, January shata hta Germany gaw Natherland hpe gasat ai shaloi rim hkrum ai rai nna carbolic acid htu bang hkrum ai hpang dai shaning July 26 ya shani, asak 61 ning hta, n nga mat ai.

Ma Ma Maria Rivier a labau kadun

1768 December 19 ya shani, sinpraw French mungdan na Montpezat-sous-Bauzon mare kaba hta shangai wa ai. Shata 16 aten, yupku kaw nna hkrat nna shingma shadaw kau ai hpang shaning 10 ning machyi kaba hkrum lai wa ai. Shi a hkum hpe Karai hta ap nawng na myit kaba rawng wa ai. Raitim, kalang bai hkala nna grau machyi sawng wa ai. Tim, Karai Kasang hta kamsham myit grau ngangkang wa ai rai nna 1777 shaning hta atsai awai mai hkam kaja wa ai. French rawt malan ngut mat ai hpang sasana hpung de shang nna 1796 shaning hta “the Congregation of the Sisters of the Presentation of Mary” ngu ai Sasana hpung nnan hpe gaw de hpang ai. 1838 February 3 ya shani Madu hta yup pyaw wa ai.

Ma Ma Maria of Jesus a labau kadun

Carolina Santocanale hta shangai wa ai Ma Ma Maria of Jesus gaw “the Capuchin Sisters of Immaculate Mary of Lourdes” sasana hpung hpe gaw de hpang ai Ma Ma rai nga ai. Sasana hpung a ga sadi magam bungli gaw machyi makawp ni, matsan mayan ni, gaw ningja ni hte kau da hkrum ai ni hte rau nga rau bungli galaw ai rai nga ai.

Ndai Masum gaw, shawng de, lai wa sai masum ning, May 3 ya shani Wa Sarabyin Francis, ndau sai Sanpra masha dang na marai sanit (7) hte rau May 15 ya shani, Sanpra masha rau dang na rai nga ai. Ndai ni hta India mungdan na makam masham a majaw sat hkrum ai Davasahayam (Lazarus) mung lawm ai re lam chye lu ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-03/pope-francis-three-more-saints-canonization-may-15-202.html