Mara Kap Ai Wa A Matu Madu A Hkye Hkrang La Ai Lam Gaw Galoi Mung Myit Mada Shara Nga Ai

 

Wa Sarabyin Francis kawn Christan ngu ai gaw tinang a mayak ni hpe Karai Kasang hpang de makoi magap da ai lam n nga ai sha tsun shaga ai hte tinang a lai kyang ni hpe tinang lit la chye ra ai nga nna tsun ai lam rai nga ai.

Wa Sarabyin Francis kawn lai wa sai laban shani na Missa hta Christan hpung masha ni hpe tinang hkum tinang grai chye dum,byin dum ai myit ni n rawng ai sha tinang a mayak lam, hkrat sum lam hte gawng kya ai lam ni hpe Karai Kasang a man hta makoi magap da ai lam n nga ai sha sit shang na matu saw shaga tsun lai wa ai.

St.Peter’s shawa pa kaba hta lamu kasa kyu hpyi ga tsun ai hte Wa sarabyin kawn laban shani na Matthew a Kabu Gara shiga (Mt: 21- 28-32) la kap nna Kawa gaw shi a Kasha lahkawng hpe tsabyi sun de bungli sa galaw na matu san ai lam hpe mahta na tsun lai wa ai.

Shawng shangun ai kasha gaw nyet kau tim hpang e bungli bai sa galaw ai lam, hpang na kasha kaji wa gaw galaw na ngu tsun da tim ta tut hta bungli sa galaw ai lam n nga ai, ndai kasha lahakwng yan a kyang lailen hpe Wa sarabyin kawn shing daw na tsun lai wa ai.

Wa sarabyin kawn sun de bungli sa galaw ai hta ap nawng mayu ai myit hte ap nawng ai manu jahpu ra nga ai hpe tsun lai wa ai, “ndai lam hta tsabyi sun de sa na n sa na hte seng nna nyet kau ai lam gaw madung n re sha shan lahkawng a myit masin hta kawa hte makoi magap ai lam nga ai hte n nga ai sha madung rai nga ai”.

Wa sarabyin kawn kasha langai gaw masu ai rai tim shi a myit hta makoi magap ai myit n rawng nga ai lam hpe madun nga ai, langai chyawm gaw kawa a yaw shada ai hpe n kam galaw ai zawn kawa hte jahkrum na mung nkam ai hpe mu chye lu ai lam hpe tsun lai wa ai.

“Yes” ngu tsun nna tinang a n kaja ai myit masa hte lagawn ai lam ni hpe jahkring mi gaw magap da mai ai, masan gaw sa ai rai tim ndai zawn re ai lam gaw tinang a Kawa hpe masu ai hte n hkungga ai lam rai nga ai, dai majaw ndai zawn re ai gaw “no” ngu nna nyet kau ai htan grau n kaja ai akyang rai nga ai.

Wa sarabyin kawn ndai zawn galaw nga ai masha ni gaw mara lu ai wa gaw.. n rai tim shanhte ni a mayak hte madat mara ai lam n nga ai ni hpe ding man ai hku tsun shaga ai lam n galaw na makoi magap mayu ai myit rawng ai hten za nga ai masha ni ngu tsun lai wa ai.

Wa sarabyin Francis kawn shawng na Kasha kaba wa gaw sa na ngu ai lam hpe nyet kau tim bai nhtang myit sumru yu let tsabyi sun de bai sa galaw ai hpe: “He is not petfect but sincerce” shi gaw n hpring ntsup ai rai tim myit malang nga ai ngu nna tsun lai wa ai.

Wa sarabyin kawn shawng na Kasha gaw nnan daw hta nkam ai ngu tsun tim, shi hkum shi san jep la nna shi shut sai hpe myit dum lu ai majaw bai shading sharai nna shi hte seng ai bungli ni hpe lit la nna bai galaw ai lam hpe tsun san lang dan lai wa ai.

 “He is sinner but he is not corrupt”shi gaw mara lu ai wa raitim kyanglai n hten ai ..anhte ni mara galaw shut tim sharai la lu na matu anhte hta myit mada shara galoi mung nga nga ai lam tsun lai wa ai. Mara kap ai wa a matu Madu a hkye hkrang la ai lam gaw galoi mung myit mada shara nga ai “There is always the hope of redemption for sinner” Wa sarabyin kawn tsun lai wa ai.

Kyang lailen hten ai masha ni a matu gaw galai shai na matu grau yak la nga ai ..hpa majaw shanhte ni gaw tinang hkum tinang byin dum, chye dum, gawng ai myit ni rawng ma ai dai zawn myit gaw shanhte a chye chyang myit ni hpe ka up mat ai, dai majaw shanhte a myit gaw lagut damya hkrang (rubber wall) hte bung ai lam tsun lai wa ai.

Ngai, Karai Kasang hpe shani shagu sharawng awng ai myit hte (yes) ngu nna tsun na matu myit hkut nga sai kun?

Wa sarabyin kawn kam sham ai kashu kasha ni hpe tinang a shani shagu na sak hkrung hkawm sa ai lam hta yak hkat ai lam ni nga ai rai tim teng man ai hte jaw lu jaw sha chye ai myit ni rau tinang a prat hpe Karai Kasang ra sharawng ai hku hkawm sa nga na matu saw shaga let anhte hpe ga san san lai wa ai.

Matut na ngai shani shagu hta manu jahpu law law jaw ra na rai tim Karai kasang hpe (Yes) ngu tsun na matu ngai hta myit sharawng shara rai nga ai kun? Ngai hta hkrat sum ai, jam jau ai, yak hkak ai, gawng kya ai lam ni hkrum ai ten Karai Kasang a man hta teng man ai hkum nga hkawm sa nga ai kun? ngu ai lam ni hpe Wa sarabyin kawn tsun lai wa ai.

Matut nna Wa sarabyin kawn “ngai shut shai ai lam ni nga wa ai ten bai nhtang na sharai na ngu ai myit rawng nga ai kun? shing nrai tinang hkum tinang gaja ai, jaw ai ngu nna tinang a prat tinang lam shagu hta kaja ai lam  hku sha makoi magap let nga sa nga ai kun? ngu ai hpe san lai wa ai.

Hpang jahtum hku nna tinang hkum tinang hpe ngai gaw “sinner” mara lu ai wa kun shing nrai nye hkum ngai “corrupt” laikyang hten nga ai kun ngu ai hpe tinang hkum san yu na matu tsun lai wa ai.

Wa sarabyin kawn myit san seng ai Christian byin tai na matu anhte hpe garum ya na matu kanu Maria kaw akyu hpyi ya lai wa ai.

Add new comment

13 + 0 =