Makam Masham Gaw Hkristan Hpung Masha Langai A Karai Jaw Ai Kumhpa Rai Nga Ai

 Wa Sarabyin Francis kawn shi a kaja ai hte n kaja ai lam hpe shadum sharin ding yang rai nga ai  hta makam masham ngu ai nawku hpung a shawng nnan na virtues re ai hpe tsun lai wa ai. Wa Sarabyin Francis kawn lai  wa sai bat masum ya shani shawa masha ni hte hkrum ai ten “three theological virtues” ngu ai kam sham tsawra myit mada ai lam n nga yang nsin kata hta myi tu nga tim n mu lu ai, n tsawra ai ngu ai hta tsawra chye ai salum n nga ai, myit mada ai lam mahkra hpe ninghkap nna myit mada lam nga wa na  n re hpe tsun lai wa ai.

Anhte shinggyim masha ni anhte hkum anhte Karai Kasang hpe ap jaw ai lam hte seng nna, “theological virtue langai rai nga ai “faith” Makam masham lam hpe bai sharin ya lai wa ai. Wa Sarabyin kawn makam masham “faith” a ga shadawn hku nna Karai Kasang a ga hpe madat nna Madu gaw shi a nta hpe tawn kau da ai hte  Karai Kasang hpe kam let shi a kasha Issak hpe pyi nawng gwi ai Abraham a lam hpe tsun dan lai wa ai. Matut nna Moses mung Karai Kasang a ntsa hta aja wa kam sham ai wa rai nna  kam sham ai myit n nga ai masha ni hpe pyi ninghkap makawp maga lai wa ai. Wa Sarabyin kawn lamu kasa ga  shana ai lam hpe shagrit shanyem ai myit hte bai htan tsun lai wa  ai Kanu Maria hpe madi madun let “ yu u ngai gaw shi a nchyang mayam Jan ngai rai nga nngai”   ngu tsun ai dai ga gaw shi a myit masin mahkra hte Karai Kasang hpe kam ai a majaw rai nga ai, Maria gaw ndai lam hte du wa na mayak lam ni hpe n chye tim shi ra sharawng ai lam hku hkan sa lai wa ai hpe tsun lai wa ai.

Hkristan Makam masham gaw, “Hkristan langai a matu htunghking lai len gaw shawng nnan n mai nga ai” Karai Kasang rau matut mahkai ai lam gaw No.langai rai ra nga ai hpe tsun lai wa ai. Ja chyum mungga hta lawm ai Galile nawng na mabyin lam rai nga ai nbung laru kaba ja wa ai shaloi Kasa ni hkrit ma ai lam rai nga ai. Dai gaw “reason or intelligence” n rai nga ai, dai gaw anhte a makam masham a n’gun she rai nga ai lam tsun dan lai wa ai. Ndai gaw “anhte Hkristan hpung masha ni a prat hta No.langai kum hpa rai nga ai”, anhte a kanu ni kawn tinang a kasha ni hpe kashin kamun sa hkam ai shaloi hpyi ai lam rai nga ai. Dai hte anhte a kashu kasha ni kashin kamun hkam la ngut ai hpang “prat a mawru ngu na mayak ni a lapran hte hkrit tsang hpa ni hta n hkrat bang sai hpe” kam sham nga ma ai.

Hpang jahtum hku nna Wa Sarabyin Francis kawn anhte masha shagu hta makam masham nga ai n re, anhte Hkristan ni hta pyi makam masham yawm wa nga ai hpe mu taw nga ai lam tsun lai wa ai. Makam masham gaw anhte a matu lak san kumhpa re ai majaw anhte masha shagu pyi manawn na zawn “permit” ahkang jaw da ai virtue langai rai nga ai, bai nna dai gaw anhte Karai Kasang a mung sung lam hpe hpaw ya nna anhte hpe chyeju jaw ya nga ai lam langai mung rai nga ai hpe tsun lai wa ai. Wa Sarabyin kawn “Kasa ni zawn Madu e nye a makam masham hpe grau law htam wa hkra lajang ya e”ngu tsun let shangut lai wa ai.