Makam Masham  Hte Shani Shagu Na Sak Hkrung Hkawm Sa Ai Lam Gaw Rau Matut Mahkai Nga 26 October 2023

Anhte A Makam Masham  Hte Shani Shagu Na Sak Hkrung Hkawm Sa Ai Lam Gaw Rau Matut Mahkai Nga Ai

Wa sarabyin Francis kawn Makam masham hte shani shagu na sak hkrung hkawm sa lam hpe garan ging hka nna myit sawn ai lam gaw “schizophrenia” ngu na myit nmat ana hte bung nga ai lam tsun lai wa ai.

Ndai zawn Makam masham hte shani shagu na sak hkrung hkawm sa ai lam (faith and Daily life) gaw langai hte langai matut mahkai nga ai lam n nga ai ngu nna gunglau hkrum myit sawn la ai masha ni hpe Wa sarabyin gaw ndai zawn lam gaw n jaw nga ai hpe asan sha tsun lai wa ai.

Wa sarabyin Francis kawn St.Peter shawa pa kaba hta lai wa sai Laban….shani kaang na Missa hkungga hta sa du shawng lawm ai kam sham ai hpung masha ni hpe dai shani hti ang ai Mahte a Kabu gara shi ga hte shadum jahpran ga tsun lai wa ai. Dai hta anhte gaw Karai Kasang hte seng nga ai hte Mungkan ga hta nga ai ahtsam hpa mung anhte rau n seng nga ai lam tsun lai wa ai.

Hti ang ai ja chyum Mungga hta (Gospel) hparishe ni gaw Herodian myu sha ni hte pawn nna Madu Yesu hpe gyam na maw ai lam hpe Wa sarabyin tsun lai wa ai. Shanhte ni Madu Yesu kaw sa nna “Caesar hpe (tax) ngu na ahkun hkanse jaw na tara nga ai kun nnga ai kun ngu ai ga san hpe san ai lam (Mt: 22; 17) hta mu lu nga ai. Madu Yesu kawn Mai jaw ai ngu yang mung shi gaw mung shawa kawn mara dang da ai mung masa hte seng ai masha n rai tim ndai zawn ahkang jaw mai ai ngu tsun na matu bai njaw ra ai ngu nna tsun ga nga yang mung ya na hkawmhkam wa hpe ning hkap ai lam tai ai majaw Madu Yesu hpe mara hta na matu gyam ai lam re hpe tsun da nga ai.

Wa sarabyin kawn Madu Yesu gaw nanhte kaw na “coin” ngu na gumhpraw dingga langai mi la sa wa yu marit ngu tsun let shanhte a mahkam hta na lawt lu ai hpe tsun shadum lai wa ai. Dai hta Caesar na sumla hpe dip shakap da nga ai majaw shi hte seng nga ai, shi hte seng ai hpe gaw shi hpe jaw na lam hte Karai hte seng ai hpe gaw Karai Kasang hpe jaw na lam tsun shadum lai wa ai hpe chye lu ai.

Wa sarabyin kawn ndai lam gaw hpa hpe tsun shadum mayu nga a ta? Nga nna anhte hpe san nga ai. Madu Yesu tsun lai wa ai ndai ga shadawn hpe Wa sarabyin gaw anhte ni hta “commonplace” ngu na yu jin mu jin mat sai hku nna byin chye nga ai lam myit sawn la shangun ai lam chye lu ai, anhte ni kalang lang shara ra hkan njaw nteng ai hku jai lang chye nga ai hpe mu lu ai, tsun ga nga yang “Church and State”, nawku hpung hte mungdan  “Christians and Politics” ngu na hkristan masha ni hte mung masa lam ndai zawn re ai lam ni hpe law malawng myit shut chye nga ai, Madu Yesu hku nna  “Karai Kasang Caesar hte  a lam anhte hpe tsun shadum ai hku n re ai sha, lam kaga hku myit sawn la shut chye nga ai. Anhte ni mungkan lam hpe hkan sa shatup nga ai lam hte anhte a makam masham hpe hkan sa shatup nga ai lam ni hpe garan ging hka nna nmu ai sha shi lam hte shi matut mahkai nga ai hte rau hkan galaw ra nga ai gaw anhte a (Spiritual reality) ngu na tengman ai wenyi lam yan rai nga ai.

“Anhte ni (faith hte daily life) ngu na makam masham hte shani shagu na sak hkrung nga sa lam  hpe kaga san rai myit sawn ai lam ni gaw “schizophrenia” ngu na yu jin mu jin mat sai masha hte bung nga ai zawn anthe ni makam masham hpe ta tut prat hta tatut jai lang nga ai lam n rai nga ai hpe tsun lai wa ai” Ndai lam hpe anhte ni tatut gara hku jai lang sa wa na hpe Madu Yesu hku nna anhte hpe “Caesar hte Karai Kasang” hpe shi shara hte shi gara hku sak jaw nga sa wa ra ai lam madi madun ya nga ai.

Wa sarabyin kawn Madu Yesu gaw anhte a “affirms the fundamental reality” apawt rudi tengman ai lam hpe hkam tahka ya nga ai lam hpe madung da tsun lai wa ai; shi gaw Karai Kasang hte seng nga ai zawn anhte mungkan masha ni yawng mung Shi hte seng nga ai. Anhte ni gaw ndai Mungkan ga na nga ai hpa the mung n seng ai sha n-ga Caesar hte mung n seng nga ai lam hpe tsun mayu ai lam rai nga ai.

Anhte ni gaw madu rai nga ai majaw Mungkan ga ahkang aya lu ai gade a mayam mung n rai nga ai hpe tsun shadum da nga ai. “gumhpraw dingga hta hkawhkam wa na sum la hpe mai dip shakap da ai zawn” “ anhte a prat hkrung lam hta mung Karai Kasang gaw shi a hkrang sumla hpe gayet shakap da mai nga ai hpe” Wa sarabyin shi hku nna mu mada ai hpe tsun lai wa ai, gadai mung ndai hpe nmai shaprai kau lu na re.

Wa sarabyin Francis kawn “Caesar hte seng ai arai mi rai rai “masha hte Mungkan ting na arai ma hkra gaw Karai Kasang hte seng nga ai hpe n mai malap kau ai lam” tsun lai wa ai.

Madu Yesu gaw anhte marai hkum ngau shagu hpe shi a shara hte shi mi na raw bai gram tawm da ya nga ai hpe Wa sarabyin kawn tsun lai wa ai.

Wa sarabyin kawn na Kam sham ai hpung masha ni hpe ndai zawn re ai hpe chye na ai lam nga ai kun? n nga ai kun? bai anhte a tingkyeng kaja masu ai myit ni hpe tawt lai na matu ra gadawn nga ai lam hte tinang hkum tinang san jep na hpe aja ahwa nan tsun shadum lai wa ai.

“Mungkan na gumhpraw dingga hta gaw Caesar na sumla hpe dip shakap da nga ai” rai tim nang ngai a hkum  hta gade a sumla hpe nang dip shakap da nna hkawm sa nga ai kun? gadai gaw na a Prat a hkrang nsam rai nga ai kun?”

Wa sarabyin kawn matut na anhte hpe “na hkum nang Karai Kasang hte seng nga ai hpe naw dum nga ai kun?” shing nrai mungkan ga na nga ai arung arai ja sut gan ni hpe sha nang nawku na matu na hkum nang ap kau sai kun? ngu ai hpe shi hku nna san lai wa ai.

“Anhte hkum anhte chye lu na hte mungkan masha ni yawng tinang hkum a sari shadang hpe chye hkungga shagrau na matu Nu Maria kawn hpyi htinglu htinglai garum nga ya u ga ngu Wa sarabyin kyu hpyi ya let mungga hpumdim da tsun lai wa ai hpe chye lu ai.

 

By; Fr. Patrick Nawlang Zau Jat Awng

Coordinator Of RVA Kachin

Add new comment

8 + 6 =