Madu Yesu A Hkrung Rawt Ai Lam Gaw Anhte A Matu Sumsing Mungdan Sa Na Lam Hpe Lam Woi Ya Ai Nga Nna Wa Sarabyin Tsun Lai Wa

Wa Sarabyin Francis kawn Madu Yesu sum sing lamu de lung wa ai poi Laban shani na Missa hkungga hpe San Peter Shawa Pa Kaba  hta du sa ai hpung masha ni hpe Madu Yesu shi a Kawa hpang de lu mat wa ai gaw anhte a matu sumsing chying hka hpe hpaw ya na matu re ai hpe tsun lai wa ai. Wa Sarabyin Francis kawn dai shani Madu Yesu lamu de lung wa ai poi hpe Italy mungdan hte Mungkan ting hta e masat nna galaw nga ai, “Madu Yesu sumsing lamu de lung wa nna Kawa Karai Kasang a hkra maga kaw dung nga ai gaw anhte ni a matu sum sing chyinghka lam hpe hpaw ya na matu re ai hpe” tsun lai wa ai. (Mk 16:19)

 Wa Sarabyin kawn Madu hkristu lamu de lung wa ai gaw anhte a matu lam hpaw ya na matu re  hpe tsun sanlang dan lai wa ai. “Madu Yesu ya na zawn Kawa hpang bai nhtang wa mat ai gaw anhte hpe kaga San da kau ai lam  n re sha anhte hte hpang jahtum ten hta Shi hte rau nga nga lu na matu Tau hkrau myit mada nga shangun ai lam re hpe tsun lai wa ai. “Bum lung na ngu galaw dat ai hte shi gaw anhte a matu bum lung manang tai ya ai” bai Madu gaw shi lung wa  ai sumsing shara de ..shi a hkum hkrang nawku hpung hpe mung woi dun wa na re hpe tsun lai wa ai. Anhte mung  kabu Gara rawt lung wa sai Madu hte rau Rai nga Ga ai Wa Sarabyin kawn “anhte gaw shi a lagaw lata ni  rai nga ai hpe”  tsun let, anhte gaw shi Madu hte hkrum hkrang langai sha hku jawm pawng nga ai majaw Shi a lagaw lahkam langai gaw anhte yawng a matu lagaw lahkam Rai nga ai majaw kadai  mung hkrat sum ai shing nrai hpang kaw ngam da hkrum na n re hpe tsun lai wa ai. Wa Sarabyin kawn “Madu Yesu gaw anhte hpe ninggam hte ninggam lam madun dan lai wa ai” lam hpe tsun san lang dan lai wa ai.  dai Shani na ka bu gara shiga hta Karai Kasang a magam bungli hpe tsawra ai myit hte shi tsang ninggam hte ninggam lit la galaw nga Ra ai hpe tsun da nga ai ..

Dai gaw “tinang a asak hpe jaw ai, myit mada lam hpe jaw ya ai wa, Maji ai lam n nga ai, nju nsawng myit n nga ai hte n kaja ai hpe kaja ai hku bai galaw ai, jam jau nga ai ni hpe ni htep ai hku karum la ai” ndai lam ni rai nga ai hpe tsun lai wa ai. Wa Sarabyin kawn “anhte ni Madu a magam bungli hpe law law galaw magang shi a wenyi a marang e anhte a hkum hpe grau galai shai  shangun magang” Rai nga ai hte, shi a kasi ni hpe law law hkan magang  Bum ntsa e du nga ai zawn anhte hkam sha Nna  San Seng ai nbung hte nhtoi hpe hkam la lu nga ai lam tsun lai wa ai. Dai majaw Wa Sarabyin Francis kawn kam sham ai ni hpe Madu Yesu a lam ngu ai hku hkawm sa nga ai kun tinang hkum tinang san jep na matu saw shaga lai wa ai. “shi a htani htana prat dingsa a matu, shi a nhtum nwai ai tsawra myit a matu, ahkrung nga ai Karai a matu sak hkrung na matu ngai myit hkut nga ai kun?” shing nrai tinang gaw n grin ai arung arai, Ja, gumhpraw, mying gumhkawng ai, pyaw hpa lam ni hpe lu na matu ngu AI myit hkam sha lam ni hte gyit hkang ai hkrum nga ai kun? Nye a ra marin ai myit a majaw sum sing mungdan a matu ngai jahka hkrum nga ai kun shing nrai (or) dai gaw sum sing mungdan de sa wa ai hkrun lam hta nye a kahpu kanau ni hpe tsawra nna ngai a manang gaja hku hkam sha shangun nga ai kun? nga nna tsun lai wa ai. Hpang jahtum hku nna Wa Sarabyin kawn “hpung shingkan hte hpring ai sum sing mungdan sa ai lam hta kabu gara myit hte rau hkawm sa lu na matu” Kanu Maria kaw kyu hpyi ya let hpung dim da tsun lai wa ai.