Karai Kasang A Nsen Hpe Madat Mara Nna Lusha Gam Ladaw Hpe Tawt Lai Sa Wa Ga

Wa Sarabyin Francis kawn anhte Christan hpung masha ni hpe Lusha Gam Ladaw hta lahkam langai hku nna anhte a kraw kata na manghkang ni hpe shawng sharai nna Karai Kasang hpe anhte a salum kata hta ga shaga na aten jaw na matu saw shaga lai wa ai. Wa Sarabyin Francis kawn Lusha gam ladaw (Lent) laban langai hta hti Ang ai (Mk; 1: 12-15 ) hpe lakap nna Madu Yesu gaw zaibru jang nam mali hta e gara hku na tsadan wa a gunglau ai lam kaw na tawt lai lu wa ai lam anhte hpe shadum sharin ya nga ai hpe tsun lai wa ai.

Dai shani na Missa hkungga hta anthe christan ni hpe “laklai ai wilderness a symbolic significance hpe reflect nna “anhte hpe nam mali ngu na inner world kata de shang nna tara jaw ai lam rau matut mahkai let anhte a myit salum kawn shaga ai ga hpe madat na lam tsun lai wa ai. Matut nna Madu Yesu hpe zaibru jang  hta dusat yam nga ni hte lamu kasa ni gaw shi hpe madat mara nna manang tai ya ai lam hpe mung tsun lai wa ai. Symbolic sense hku rai yang anhte ni a manang sha rai nga ai, bai nna anhte mung tinang a myit kata ngu na nam mali de (inner wildness) shang yang anhte a zai mazut nhkru ai myit (wild beast) hte lamu kasa ni rau mu hkrum na hpe tsun sang lang dan lai wa ai. Anhte a Wenyi lam yan hta ndai zawn grai n hkru ai myit (wild beast) ni gaw anhte a masin salum hpe garan ginhka kau chye ai, anhte a myit hpe ka up (Possession) kau lu na matu shakut nga ai ni rai nga ai hpe anhte ni mai myit sawn la nga ai.Ya na zawn anhte hpe gunglau nga ai, dai wa hpe anhte ni sadi maja ai lam n nga ai rai yang shanhte a majaw anhte ni jam jau hkrum ai hte hten za hkrum mat chye ai lam tsun lai wa ai. Wa Sarabyin kawn  sut gan ni hpe ra marin ai myit (the lust of wealth) ndai gaw anhte hpe galoi mung ngarai hkrat shangun ai zawn, myit n dik shangun nga ai, pyaw hpa lam hpe ra marin ai myit (the vanity of pleasure) hte mying kaba na hpe sha ra sharawng ai myit (the craving for fame) ni gaw anhte a grai nhkru ai myit “beasts of the soul” rai nga ai hpe gawn dan nna tsun lai wa ai. Ndai ni gaw anhte a matu “wild beasts” zai mazut n hkru ai myit ni rai nga ai a majaw dai hpe lawan chye nna gasat kau ra ai, dai nrai yang anhte ni a shanglawt hpe shanhte ni ka up (devour) kau ai lam galaw mat na hpe dum chye ra ai nga nna tsun lai wa ai. Dai majaw anhte ni gaw nam mali (wilderness) ngu na myit mungkan kata ngu na de shang nna dai lam hpe atsawm sha chye hkra galaw ra ai lam hpe tsun da nga ai.

Wa Sarabyin kawn zaibru jang na lamu kasa ni hte seng nna shanhte gaw Karai Kasang a shiga htawn tsun ai ni (God Messangers) rai nga ai, bai anhte hpe kaja sha galoi mung karum ya nga ai hte mungga hku yu yang lamu kasa ni (angels) gaw anhte hpe (service) galaw lajang ya nga ai hte bung nga ai lam tsun lai wa ai. Ndai zawn re ai ningmu ni rau anhte a shingra tara a marin ai myit (nature possessive disordered passion) hpe shingdaw yang tsawra myit hte ra marin ai lam gaw grai shai nga ai (opposite) lam re hpe tsun lai wa ai. Ndai zawn ra marin myit ni anhte hte rau tsan garan ginhka nga ai ten anhte a myit kata kaja ai myit ni rawt jat ai hte gahkyin gumdin lam byin shangun nga ai,  “Sumsing lamu a namchyim, Madu Yesu a namchyim anhte hpe bang ya ai hte anhte a masin salum na hpang gara nga ai lam ni hpe jahpring ya nga ai lam tsun lai wa ai. Dai majaw Karai Kasang jaw ya ai myit simsa lam hte hkam sha ai lam (feeling) ni hpe lu la na matu azim sha (silence) nga nna akyu hpyi ra ai lam tsun lai wa ai.

Ndai lam ni hpe hkan shatup na gaw ndai wangam ladaw (Lent) hta galaw shakut sa wa na mung grau mai kaja nga ai hpe tsun shadum lai wa ai. Wa Sarabyin Francis kawn anhte hpe ga san lahkawng (two crucial questions) hte rau hpang jahtum hku nna san lai wa ai. “Kaning re ai ra marin ai myit (disordered passion) ni gaw nye a myit hpe shadut ya nga ai kun?” “Karai Kasang a nsen hpe nye a salum kata hta ga shaga na ahkang jaw nna kaja ai lam ni hpe hkan galaw na matu nye hkum ngai “nam mali (wilderness) ” kaw nna nhtang wa let nye a myit masin hta shara kachyi mi sha pi jaw na matu ngai myit nga ai kun?”nga nna san lai wa ai. “Karai Kasang a ga hpe madat mara let nat tsadan a gunglau ai lam hta n kadawng lawm mat nna shi a ga hte maren hkan sa ai Kanu Maria kawn anhte hpe ndai Lusha Gam Ladaw (Lent) hta garum ya na matu kyu hpyi let shangut lai ai hpe chye lu ai.

Add new comment

18 + 1 =