Karai Kasang, Anhte Hpe Shi Hte Rau Kabu Gara Kam Hpa Manoi Let Rau Hkawm Sa Nga Na Matu Saw Shaga Ai Hpe Anhte Ni Kawn (Yes) Mai Sa Ngu Nna Bai Htan Tsun Nga Ga

Wa sarabyin Francis gaw lai wa Laban shani na Missa hpe garai nhpang shi yang Karai Kasang anhte hpe shi a Hkungran Poi daw sha lamang ngu na hta shang lawm na matu saw shaga ai hpe anhte ni hkap la nna shang lawm , n shang lawm na gaw anhte nan lata la mai nga ai lam hpe tsun lai wa ai. Karai Kasang saw shaga ai  hpe galoi mung (yes) mai sa ngu nna, anhte a prat hta Karai Kasang a matu shara jaw da yang galoi mung shi hte htani htana kabu gara ai hte rau nga lu na lam hpe n-gun jaw tsun lai wa ai.

Wa sarabyin gaw lai wa sai Laban shani na Missa  Hkungga a matu St.Peter shawa pa kaba hta sa du shang lawm nga ai hpung masha ni hpe shawng shakram ai lam galaw nna dai shani  na ja chyum mungga rai nga ai Mahte a kabu gara shiga hta Madu Yesu tsun lai wa ai HkawHkam langai gaw shi a Kasha a matu Hkungran poi kaba galaw ai hta yawng hpe alum ala hte saw shaga lai wa ai lam tsun lai wa ai. dai hta e Hkawhkam wa gaw shi a myit masin kata na km0uu7          aja ai lam hpe madun dan ai rai nna, kadai hpe mung sa du shang lawm na matu shadut ai lam n galaw ai sha tinang hkum tinang daw dan nna sa wa na hpe sha ra sharawng nga ai lam mu chye lu ai.

Ndai mabyin lam gaw Karai Kasang anhte a matu shi hte rau daw sha poi hta shang lawm lu na matu lajang da ai lam rai nga ai. Bai shi kawn na anhte ni yawng hpe saw shaga nga ai lam mung rai nga ai. Wa sarabyin kawn ndai daw sha poi hta shang lawm na matu anhte hpe Karai Kasang gaw tinang ra sharawng ai hku daw dan na shanglawt ai ahkaw ahkang jaw da nga ai hpe myit sawn sumru la lu ai lam tsun lai wa ai. Ndai zawn rai matut mahkai ai lam gaw galaw ra ai ginlam langai hku nre sha Kawa hte Kasha a lapran na kanawn mazum ai lam hku Karai Kasang anhte hpe ra sharawng nna lata ai lam ni hpe wanglu wanglang ahkaw ahkang jaw da ai lam hpe tsun san lang dan lai wa ai.

Anhte mung Hkawhkam wa a kasha a hkungran poi de saw shaga hkrum ai hpe shi a mayam n kau mi sa na matu nyet kau ma ai n kau mi tinang a magam bungli hpe galaw sa mat ma ai ndai lam hpe la kap nna Wa sarabyin gaw Karai Kasang a saw shaga ai hpe Nyet kau ai lam re hpe ga shadawn hku na madi madun tsun lai wa ai. Anhte ni shi madu a saw shaga ai lam hpe nyet kau ai raitim Karai Kasang gaw anhte hpe shi a tsawra myit kaba hte matut nna anhte shi hpang de bai nhtang wa na matu ahkaw ahkang jaw let la taw nga ai lam hpe Wa sarabyin kahtap tsun lai wa ai.

Kawa, Karai Kasang,  Hkawhkam wa gaw anhte a ntsa myit daw ai lam n nga ai sha galoi mung anhte hpe matut nna shi a saw shaga ai lam hta shang lawm nga na matu ala nga ai zawn jam jau hkrum nga ai ten hta raitim hkap la aten jaw nga ai wa rai nga ai.

Anhte ni kalang lang Karai Kasang a saw shaga ai lam hpe n dum n sawn ai hte n mu n chye kau ai sha tinang a tinggyeng myit hpe sha madung da nna galaw sa chye nga ga ai, bai anhte hpe Karai Kasang gaw anhte ra sharawng ai lam hpe galaw na matu shanglawt ahkaw ahkang jaw da ai zawn anhte mung shi ra sharawng ai hpe hkan galaw ra ai, shi hpe bai aten jaw ai a marang e anhte hta byin nga ai yak hkak jam jau lam ni hte nga rai ngu na nsin htawng kaw na hkye hkrang la ai hte anhte a myit masin salum hta sim sa ai hte kabu myit pyaw ai lam hpe jaw ya nga ai lam hpe madi madun tsun lai wa ai.

Karai Kasang hpe Missa hkungga hta anhte mung shi a matu aten jaw mai nga ai, shi a ga hpe madat mara ai, akyu hpyi ai, matsan mayen hkrum nga ai ni, machyi makaw hkrum nga ai ni, garen gari byin taw nga ai anhte a kahpu kanau ni hpe garum shing tau pawn ba la ai hte anhte ni shada da madat mara hkat ai lam ni hku nna mai galaw nga ai. Jam jau hkrum nga ai ni hpe shalan shabran n-gun jaw ya ai lam gaw Karai Kasang hte rau anhte ni rau nga nga ai lam mung rai nga ai.

Anhte hkum anhte Karai Kasang a saw shaga ai hpe gara hku bai htang na ngu ai hpe san jep yu nga ga. Hpang jahtum hku nna Wa sarabyin kawn anhte ni a shani shagu na prat hkrun lam hta tinang a magam bungli ni hte Karai Kasang hpe kade ram aten jaw nga ai kun? anhte ni myit sumru la mai nga ai hte yak hkak nga ai anhte a kahpu kanau ni hpe karum shingtau ai lam ni hpe galaw sa ai a marang e anhte hta kaja wa myit sim sa ai hpe lu la na lam re hpe tsun lai wa ai.

Kanu Chyoi Pra Ai Maria kawn mung anhte hpe Karai Kasang a saw shaga nga ai hpe n na kau ai lam n nga ai sha shi a matu anhte adddddddcvfvvfvfvfvvu prat hta aten jaw nga lu na matu Karum hpyi ya u ga.

Add new comment

1 + 10 =