Kaja Wa Ngai Nye A Myit Masin Hpe Wenyi Sau Ngu Na Zawn Galoi Mung Hpring Taw Hkra Shajin Galaw Nga Ai Kun

Wa sarabyin Francis kawn lai wa sai Laban Missa hta Mahte a kabu gara shiga na hkunran na la nnan hpe la taw ai num mahkawn ajet marai shi a lam hte anhte a myit masin wenyi a sau ngu na hpe shajin da ra ai zawn anhte hta ra nga ai lam ni hpe galaw shajin da ra nga ai hte shani shagu anhte ni Karai Kasang hte kaga masha ni rau gaja wa ni htep ra nga ai lam ni hta anhte ni a aten hpe ap nawng jaw da chye ra ai lam tsun lai wa ai.

Wa sarabyin Francis kawn kam sham ai hpung masha ni hpe shani shagu na prat hkrun lam hta Karai Kasang hte masha uga ni a matu anhte a myit masin na wenyi sau ni hpe shajin da na matu hpyi lajin lai wa ai.

Lai wa sai Laban shani St.Peter shawa pa kaba hta sa du shang lawm ai kam sham ai hpung masha ni hpe Mahte a kabu gara shiga hta lawm ai du wa La nnan hpe la taw nga ai num mahkawn ajet marai shi a lam hpe madung da let tsun shadum lai wa ai.

Mungga hte la kap nna Wa sarabyin kawn anhte marai hkum shagu a prat hte seng ai ga shadawn langai mi hpe tsun lai wa ai.

Chyum mungga hta na La nnan hpe la taw ai num mahkawn ajet marai shi hta na Marai manga gaw shanhte a wan kawk hta bai jat bang na sau hpe shajin da ma ai ngam ai myit nsu ai marai manga gaw n shajin da nga ai. Du wa na La nnan hpe la na matu shajin da ai marai manga gaw shagrau kum hpa lu la ma ai.

 La nnan du wa na hpe shanhte ni chye ai hpang “wan kawk lang nna la taw ai ten hta” hpaji byennya rawng ai num mahkawn marai manga hte myit n su ai num marai manga yan  a “tau nau shajin” ai lamnga ai hte n nga ai lam gaw gade daram shai ai hpe madi madun tsun lai wa ai.

Hpaji rawng ai num marai manga gaw “shanhte a wan kawk hte rau sau hpe la mat wa ai” “dai gaw nmu lu ai arai kawn nhtoi hpe jaw ya nga ai” hte ngam ai marai manga chyawm gaw n galaw shajin ai hpe Wa sarabyin tsun lai wa ai.

Wa sarabyin kawn “ndai hta shai taw ai lam gaw Sau shajin lang ai” rai nga ai hpe madung da tsun lai wa ai, “Sau a lak lai ai atsam gaw hpa ta?” “Wan kawk kata hta kade ram rawng taw ai hpe  nmu lu ndan dawng ai rai tim “ Sau nrawng yang gaw Wan nmai shatu nga ai”lam hpe tsun da nga ai.

Wa sarabyin kawn Mahte a kabu gara shiga hte la kap nna anhte ni a prat hpe shing daw mu chye na matu aja wa n gun jaw tsun shadum da nga ai.

“Anhte ni a prat hpe yu yu ga, anhte a prat mung ndai zawn mayak lam ni hte hkrum sha nga ai” anhte ni a hkum gawng shing yan hpe sha grau nna manu shadan ai,masha ni shawn la hkra tinang hku na  law malawng galaw la chye nga ai hpe mung tsun lai wa ai.

“Anhte a prat hta hpaji rawng ai hku nga sa ai gaw: anhte nmu lu ai lam ni hpe sadi nna galaw nga ai lam re, grau nna anhte a myit masin hpe manu shadan nna shajin ai lam gaw grau ahkyak ai lam re hpe” “Madu Yesu” anhte hpe tsun shadum da ai hpe tsun lai wa ai.

“Anhte a prat sak hkrum lam a matu hpaji byennya gaw kaga shara hta nga nga ai: anhte ni nmu lu ai hpe sadi sahka let galaw ai hta anhte a myit masin salum hpe kaja ai hku shajin galaw ai lam gaw grau ahkyak nga ai lam re ai hpe” Madu Yesu gaw, chyum mungga hte anhte hpe tsun shadum ya nga ai.

Wa sarabyin kawn “anhte a prat hpe up hkang ai” “the stewardship of inner life” ngu ai “ anhte ni galoi gaw hkring la ra na hte anhte a myit masin langai hte langai madat ya ai, tinang a hkam sha ai lam hte myit ni hpe yu reng ai hte anhte a kraw hta simsa ai hte Madat mara ai hpe shara jaw ai lam gaw Hpaji byennya rawng ai lam re ai hpe tsun lai wa  ai.

Matut nna anhte ni Phone Screen hpe yu nna sha aten jahtum na malai “Karai Kasang anhte hpe yu nga ai zawn, anhte mung nhtoi hte rau masha ni a myi hpe yu ga, masha ni a myit masin hpe yu ga”ngu nna mung tsun lai wa ai.

Wa sarabyin kawn anhte ni hpe “myit rawt hpa mahkam lam ni hta n hkrat sum na matu”, “Karai Kasang a mungga hpe madat let Karai Kasang hpe aten jaw ap nawng da na matu” ra kadawn nga ai lam hpe tsun lai wa ai.

Wa sarabyin kawn anthe hpe kabu gara shiga hku nna madi madun ya nga ai gaw “oil of inner life” or “oil of the soul” tinang a wenyi sau  ngu na hpe ngawn nsawn nmai galaw ai hpe tsun shadum lai wa ai.

Wa sarabyin kawn “inner life” ngu ai hpe kalang ta hta hkrup galaw na gaw nmai byin ai, rai tim shani shagu na magam lit kaji ni hpe galaw shakut yang mai byin nga ai lam tsun lai wa ai.

Ndai gin lam hte seng nna Wa sarabyin gaw kam sham ai hpung masha ni hpe gara hku galaw shajin da nga ai hpe tinang hkum tinang san yu ra ai lam tsun lai wa ai.

“Dai rai yang gaw, anhte ni ndai prat hta hpa baw ni hpe galaw shajin nga sai kun, tinang hkum tinang san yu ga”. Ngai mahkawng da ai gumhpraw ni hpe gara kaw jai lang ra na, nye a nta hte Mawdaw ni hte uga ahkyak ai pan dung ni hpe sha myit taw nga ai kun, dai zawn myit lam ni yawng gaw kaja ai lam ni rai nga ai. “dai hta lai nna Wa sarabyin gaw “ngai nye a myit masin hpe shading sharai na, akyu hpyi na, masha ni hpe daw jau na hte nye prat a grau ahkyak ai pan dung rai nga ai Madu Karai Kasang hpe aten jaw na matu myit nga ai kun” ngu ai lam ni hpe madung da nna mung shadum tsun lai wa ai.

“Hpa mi rai tim, ngai nye a myit masin hpe shading sharai lanu lahku na, akyu hpyi na, masha hpe daw jau na hte anhte a prat Pan dung rai nga ai Karai Kasang hpe aten jaw na matu ngai myit nga ai kun”.

Wa sarabyin kawn ndai lam ni hpe anhte a myit hta bang da nna gaja wa anhte a myit masin wenyi ngu na “Sau” zawn anhte san jep nga ai kun, gaja ai hku shading sharai shajin nga ai kun ngu nna anhte hpe san taw nga ai.

Wa sarabyin Francis kawn Kanu Maria mung anhte myit masin kata na Sau hpe ra sharawng ai myit rawng na matu karum akyu hpyi ya rit ngu tsun let mungga hpe shangut lai wa ai.