Hkristan Ni Hpe Zingri Ai Ni Grau Grau Law Wa Ai Nga Nna Wa Sarabyin Tsun

Wa Sarabyin Francis gaw 2013 shaning, March shata hta Sarabyin tang da hkrum ai hpang jahkring hkring hkrum katut nga ai Hkristan masha ni zingri hkrum ai hte seng nna law law lang shadum da lai wa yu sai rai nga ai.

“Dai ni Na Hkristan Nawku Hpung ni hta zingri hkrum ai lam hpe grau grau hkrum sha ra nga sai” 

San Stephen sat hkrum ai nhtoi December 26 ya shani Wa Sarabyin a mungga hta Hkristan ni zingri hkrum nga ra ai hpe myit dum nga ga ngu shadum da ai. San Stephen a sat hkrum ai lam gaw Calumny zingri ai zawn rai nga ai. Hkristan masha ni, Kabu gara shiga chyum laika hta na makam masham a majaw sat hkrum ai ni zawn zingri zingrat sat hkrum ai lam law law nga nga ai.

“Hkristan masha ni makam masham a majaw zingri zingrat hkrum sat hkrum ai aten gaw htum ngu n nga shi nga ai; daini na prat ni hta mung nawku hpung masha ni sat hkrum ai law law nga nga ai. Nawku Hpung masha ni hta na num/ la n ginhkra zingri hkrum ra nga ga ai; calumny myit jasat rawng ai ni, Madu Yesu hpe n dawng n yawt ai ni, Hkristan makam masham hpe n dawng ai ni a zingri zing rat hpe hkrum sha ra nga ga ai.

Ndai zawn zingri hkrum ai gaw ya daini na prat hta mung matut nga nga ding yang rai nga ai majaw shan hte a matu galoi mung akyu hpyi garum ya nga ga” nga nna, laban shani na Madu a lamu gasa akyu hpyi ngut ten hta Wa Sarabyin tsun dat nga ai.

Source : Vatican News