Hkristan Hpung Masha Ni Hpe Karai Kasang A Mungga Hte Lusha N-Gun Ban Ya Na Matu Ra Kadawn Nga Ai Lam Wa Sarabyin Tsun Lai Wa Ai Shiga

Hkristan Hpung Masha Ni Hpe Karai Kasang A Mungga Hte Lusha N-Gun Ban Ya Na Matu Ra Kadawn Nga Ai

Wa sarabyin Francis kawn Italian Biblical Association na uhpung masha ni hte Italy’s National Bible Week na shang lawm masha ni hte rau hkrum shaga ai hta kam sham ai hpung masha ni hpe Karai Kasang a mungga hpe hkan nang hkan sa let shi hpang de ni htep ai hku sit shang nna nawku hpung hpe garum shingtau nga na matu saw shaga lai wa ai hpe chye lu ai.

Grau nna ya na zawn hpang jahtum aten ladaw ni hta anhte ni yawng gaw Karai Kasang a Munnga hpe grau nna chyam bra wa hkra Karai Kasang a Mungga hte rau hkawm sa nga ai kam sham ai masha ni hpe jawm garum shingtau ai hta shakut ra nga ai.

Wa sarabyin Francis gaw Italy mungdan Roma mare kaba hta (47) lang na Italy’s National Bible Week a matu sa du hpawm chyawm nga ai Italian Biblical Association na hpung kaw lawm ai masha ni hte Sacred Scripture na chyum dakkasu sara ni hpe kabu gara hkap tau la ai lam tsun let dai ning a “Covenant and Alliances between Universalism and Particularlism” ngu ai ga baw hte n-gun jaw ga tsun lai wa ai.

 “tsawra ai hpu nau ni e, sa ga, Karai Kasang a amyu masha ni hpe Karai a Mungga nli hte gat hkai hkaw tsun na matu na a sasana magam lit hpe gun hpai nga ga, shing rai yang chyum mungga gaw anhte yawng a myit masin hta manu dan dik ai sinli wunli rai wa na hpe Wa sarabyin kawn  tsun lai wa ai.

Chyum mungga ngu ai gaw Karai Kasang a masha ni madat mara ai a majaw arai aya rai nga ai the garan ginghka nga ai lam ni hpe langai sha kahkyin gumdin ai lam byin wa shangun ai rai nga ai. Dai lam ni gaw Karai Kasang galoi mung anhte a ntsa bungli galaw nga ai lam re ai hte garan ging hka nga ai ni hpe myit mang langai sha shabyin ya nga ai lam rai nga ai hpe tsun lai wa ai.

Wa sarabyin kawn ndai lam ni hpe shi n tsun shi yang dai ning na ladaw hta shi a myit masin salum ni hpe nawku hpung hte seng ai lam hta ap tawn da ai, bai nna ya na mungkan prat masa hte nawku hpung a matut mahkai ganawn mazum ai lam hta n shut n shai na matu nawku hpung tara ni hpe sanglang garum ai ni hpe chyeju dum ai lam tsun lai wa ai.

Wa sarabyin Francis kawn ya na zawn anhte ni hkrum zup hpawng galaw ai a majaw “ anhte ni nawku hpung makam masham lam hta rau chyawm galaw sa wa ai gaw” grai manu dan akyu rawng wa na hpe madi madun tsun lai wa ai.

Wa sarabyin Francis gaw  Italy Mung hta nga ai nawku hpung hpe galoi mung npawt da let Bible Association ni kaw nna rau sha shang lawm na lam saw shaga ai lam galaw nga ai lam mung dam lada ai hku shamu shamawt taw nga ai salum langai re ai hku nna myit manaw jaw lai wa ai hpe chye lu ai.

Ndai wuhpung wuhpawng gaw saradaw ginwang ni yawng hta shawng nnan na (first) theological association rai nga ai hpe tsun lai wa ai, grau nna Diocese of Bible week na Animation gaw Italian Bishop Conference kaw na Biblical Apostolate ni hte rau chyawm madi shadaw galaw nga ai lam re hpe chye lu ai.

Wa sarabyin kawn ya na zawn re ai gin lam ni gaw ten tup shara shagu hta galu kaba wa nga ai bai “Elitism hte Preclusion forms” ngu ai masha ningtawn uhpung uphkang masa hte pat shing dang ai lai ladat lam ni hpe koi gam lu na matu myit mada nga ai lam hpe aja awa tsun lai wa ai hpe chye lu ai.

Wa sarabyin hkap la da ai The Biblical Association gaw Pontifical Biblical Institute hte rau chyawm galaw nna, ndai ten hta Pontifical Universities hpe “reform” galaw na matu academic institution ni a lapran hta n loi nga ai lam mung tsun lai wa ai.

Raitimung, shang lawm ai uhpung masha ni a matu Pontifical Biblical Institute gaw shanhte hpe  sawk sagawn ai lam hte sasana magam  “research and apostolate” galaw nga ai lam hta “alma mater” hku nna shamu shamawt ya nga ai lam tsun lai wa ai.

ndai lam hpe Wa sarabyin kawn “ga shadawn hku nna Roma hta sha nrai shara shagu hkan, bai hpaji hkaja ai lam the seng ai uhpung ni a lapran hta ra kadawn nga ai hte  anhte hkrum mat wa na Mayak ni hpe sha koi gam ai nre sha rau chyawm galaw ai lam ni hpe anhte ni hta rawng nga ra ai lam” hpe tsun lai wa ai.

Wa sarabyin Francis kawn yawng hpe Shaman ai hte shi a matu akyu hpyi garum ya na matu hpang jahtum hku na tsun lai wa ai hpe chye lu ai.

Add new comment

5 + 3 =