Chyoipra ai Wenyi Gaw Kashuk Kashak Nga Ai Lam Ni Hpe Gahkyin Gumdin Ai De Galai Shai Ya Lu Ai

Wa Sarabyin Francis kawn lai wa sai laban bat masum ya shani “the spirit and bride” chyoi pra ai wenyi hte num nnan ngu ai lam hpe  shawa masha ni hte hkrum shaga ai ten hta tara ga nnan hku sharin ya ai hte Chyoipra ai wenyi gaw Karai Kasang a Myu masha ni hpe anhte a myit mada ai shara rai nga ai Madu Yesu hpang de du wa hkra lam madun ya ai” hpe nnan hpang ai hku na sharin ya lai wa ai.

Wa Sarabyin kawn shinggyim hpe hkye hkrang la ai labau hta na kaba dik lam masum rai nga ai “Ga shaka dingsa, Ga shaka nnan, hte anhte a myit mada shara Madu Yesu hpe aten tup yu lajang nga ai Nawku hpung aten” ngu ai ni gaw anhte ni nan tawt lai ra ai hkrun lam rai nga ai hpe tsun lai wa ai.Wa Sarabyin kawn chyum laika a shawng nnan daw hta lawm ai “hka ntsa e wenyi ni kawai hkawm nga ai, shul shani taw nga ai lam ni hpe tsawm htap ai lam lama ma hku bai galai shai shangun ai hte “Cosmos” byin hkra mahkyen lamang  nga ai hpe tsun lai wa ai.

Chyum laika a hpang jahtum daw hta  “Chyoipra ai Wenyi bungli galaw ai lam hpe madung da nna asan sha tsun da nga ai, anhte ni “Chyoipra ai Wenyi a nnan hpan ai lam hta shanglawm nna bungli galaw ai hpe” Ga shaka nnan hta mu lu na hpe tsun lai wa ai.Wa Sarabyin kawn “Wenyi hte hpan da ai lam yen a kanawn mazum nga ai lam ni hkam sha ra ai hte Karai Kasang hte rau anhte ni daw hka wa ai lam gaw anhte “shinggyim masha ni a mara ngu na hte tara lam ni hpe tawt lai ai a majaw jam jau ai hkrum sha ai lam re hpe tsun lai wa ai.“Ndai lam ni gaw ya du hkra teng nga ai hpe Kasa Pawlu shawng ningnan ka lai wa ai laika hta tsun da nga ai”.

Wa Sarabyin Francis kawn ndai zawn daw hka shangun ai a mahtai hte seng nna San pra ai Francis Assisi kawn madun dan lai wa ai shagrau sha-a ai hte myit sawn sumru yu ai lam hta mu lu nga ai lam tsun lai wa ai. Wa Sarabyin kawn anhte ni Mungkan ntsa e sa pra ai ten hta San Pawlu hpe kasi la nna Madu Yesu a hpung shingkang hpe shakawn kungdawn ai zawn  anhte ni lu la ai kabu hpa lam hpe tau nna kabu hpa lam hpe myit sawn sumru yu ra ai hpe tsun lai wa ai.

Wa Sarabyin Francis kawn ndai zawn kashuk kashak re ai lam ni hpe grau kaja ai hku galai shai ya nga ai wenyi gaw anhte masha shagu hta du shang wa nna bungli byin shangun nga ai hpe madung da tsun lai wa ai.Bai nna anhte mu mada nga ai Mungkan hta na “social or Politicl” hkan na shuk shanuk nru nra ai lam ni hpe shazim kau na matu gaw anhte a masin salum hta shawng simsa hkra galaw yang she mai byin nga ai lam hpe tsun lai wa ai.

https://www.vaticannews.va/en/pope/news/2024-05/pope-at-audience-holy-spirit-transforms-chaos-to-cosmos.html