Chyoipra Ai Wenyi Gaw Anhte A Prat Hta Galoi Mung Lam Woi Ya Let Manang Tai Ya Nga Ai Nga Nna, Wa Sarabyin Tsun Dat Nga Ai Shiga.

Chyoipra Ai Wenyi Gaw Anhte A Prat Hta Galoi Mung Lam Woi Ya Let Manang Tai Ya Nga Ai Nga Nna, Wa Sarabyin Tsun Dat Nga Ai Shiga.

Wa Sarabyin Francis kawn San Peter Shawa pa Kaba hta Mungkan ting na Ma nhtoi hpe galaw ai let (the world children day) “Karai Kasang gaw anhte hpe hpan ai, Madu Yesu gaw anhte hpe hkye la ai, Chyoipra ai wenyi gaw anhte a prat hpe lam woi ningshawng tai ya nga ai”hpe tsun lai wa ai. Wa Sarabyin Francis kawn the first day of world children day hpe lai wa sai laban shani Rome’s Olympic shara hta ma kaji marai 5000 daram rau galaw lai wa ai shaloi hpyi shawn lai wa ai hte maren Hpang jahtum Missa hkungga hpe San .Peter Shawa pa hta galaw na lam tsun lai wa ai. Wa Sarabyin kawn daini gaw chyoipra ai Trinita laban rai nga ai hte maren ndai lam hpe myit sumru yu na matu tsun lai wa ai.

Wa Sarabyin Francis kawn sa du ai ma kaji ni hpe chyoipra ai Trinita gaw marai masum atai langai hta dinghku langai zawn sung ai hku kanawn mazum nga ai hte tsawra nga ai lam hpe tsun lai wa ai. “Anhte ni gaw Kawa Karai Kasang, Kasha Karai Kasang hte Chyoipra ai wenyi Karai Kasang hpe Shani shagun kyu hpyi ai. Karai Kasang kade nga ai rai? Ngu San Nna Marai masum atai langai sha rai nga ai hpe bai tsun sanglang dan lai wa ai. Wa Sarabyin kawn sa du ai ma ni hpe “anhte ni kyu hpyi ai ten hta anhte ni kyu hpyi ai hta hpa hpe kyu hpyi ai rai ngu nna mung san lai wa ai”. Shanhte bai htan ai gaw “The Our Father” ngu nna bai tsun lai wa ai, Chyoipra ai wenyi Karai Kasang gaw anhte hpe grai tsawra ai hte anhte hpe hpan ai Karai Kasang hpe galoi shagu tam lu na matu lam woi ya ai hpe tsun lai wa ai. Wa Sarabyin kawn shi a myit Maju Jung ai lam hpe Madu Yesu hpang de bai gayin nna anhte a prat hta Madu Yesu gaw gade daram ahkyak nga ai lam hpe tsun lai wa ai.

 Anhte Madu Yesu hpe akyu hpyi ai gaw shi gaw anhte hpe karum ya ai, anhte hte rau nga ai,anhte ni chyoipra hkum hkam ai shaloi shi hpe hkam la ai hte shi gaw anhte ni a mara hpe raw kau ya nga AI lam hpe tsun lai wa ai. Bai nna “Madu Yesu gaw anhte ni a mara mahkra hpe raw kau ya ai gaw teng ai i? ngu san lai wa ai. Ma ni gaw “Yes” ngu bai htan mu ai. Dai hpang Wa Sarabyin kawn Chyoipra ai Wenyi a lam hpe mung matut nna tsun lai wa ai. Chyoipra ai wenyi a lam hpe chyena na lam gaw anhte a matu “Challenge” byin chye ai, bai nna anhte hta rawng nga ai wenyi gaw anhte Scramentu hte kashin kamun hpe hkam la ai a marang e rai nga ai hpe tsun lai wa ai.  Shanhte ni yawng ‘ndai ga yan hpe rau chyawm tsun na matu n gun njaw shi yang” “chyoipra ai wenyi gaw anhte a prat hta manang tai ya nga ai hpe” tsun lai wa ai.

 Bai Chyoipra ai wenyi gaw anhte hpe galoi shagu gaja ai hpe galaw ai hte yak hkak ai lam ni hkrum wa yang daw dan gwi ai ahtsam ni hpe jaw ya ai hte lam woi ya nga ai hpe tsun lai wa ai. Hpang jahtum hku nna Wa Sarabyin kawn ma ni hpe Nu Maria” a lam hpe bai san lai wa ai. Sumsing lamu hta anhte kanu a mying gaw hpa rai ta? Ma ni gaw Mary ngu shawng tsun nna de a hpang gaw “Hail Mary” ngu nna bai htai lai wa ai. Wa Sarabyin Francis kawn shi a mungga hpe jahtum hku nna Ma ni hpe anhte a Kanu Kawa, Kachyum kadwi, Bai machyi ai ma ni hte  mungkan ting simsa wa na matu kyu hpyi na hpe aja wa tsun lai wa ai. Wa Sarabyin kawn “anhte ni yawng a matu” kyu hpyi karum ya rit dai yang she anhte ni yawng rau shawng de hkawm sa wa lu na re hpe tsun let ga hpumdim dat lai wa ai.

 

Add new comment

15 + 3 =