Cardinal Farrell Hpe Nawku Hpung Tara Rung A President Aya Tang Lit Shatsam Dat Ai Lam

Wa sarabyin Francis gaw Vatican City ngu ai Vatican Mungdan kata nga ai Tara agyi du ni hte  hkrum shaga ai lam matut manoi galaw nga ai. Ya na zawn galaw ai lam gaw  2024 ning hta Vitican City na tara rung ni hta lit  magam gun na matu tara agyi du lit shatsam lata ai hpe galaw nga ai lam chye lu ai.

June shata Praw 2, bat 5 ya shani Cardinal Kevin Joseph Farrell hpe hpung masha hte seng ai, kun dinghku hte seng ai, asak hkrung lam  hte seng ai magam dap hte (the Dicastery for the Laity, Family and Life) Camerlengo of the Holy Roman Church ngu ai Wa Sarabyin a sutgan arung arai hte shang gum hpraw ni hpe reng hkang ai rung hte Vatican City state a Tara rung a daw dan masa a matu kaba dik ningbaw aya hpe lit shatsam da ya sai.

Shi hte rau Cardinal marai masum hpe mung Tara agyi hku daw dan ai shara hta lit shatsam da sai. Dai lit shatsam hkrum ai Cardinal ni gaw Matteo Maria Zuppi, Archbishop of Bologna; Paolo Lojudice, Archbishop of Siena- Colle di Val d’Elsa Montalcino; Cardinal Mauro Gambetti, O.F.M. Conv., Vicar General of His Holiness for Vatican City ni rai nga ma ai.

Lit shatsam hkrum ai ni yawng gaw du wa na 2024 ning January shata praw (1) kawn magam gun hpang sa wa na re hpe chye lu ai. Matut nna Wa sarabyin kawn Sannio Dakkasu kaw na, Criminal Procedure law kaw na Professor rai nga ai Antonia Antonella Marandola hte Brescia Dakkasu  na, Canon Law Professor rai nga ai Chiara Minelli yen hpe mung shawng e shatsam da sai hte maren aten du wa ai shaloi ta  tut Tara rung hta galaw sa wa na lam re hpe chye lu ai.

Matut nna, Wa sarabyin kawn, du na 2024 ning January shata praw (1) ya shani kaw nna ta tut galaw hpang wa na Tara rung magam bungli hta Vatican City na Tara agyi wa rai nga ai Professor Venerando Marano hpe mung ningbaw malai hku nna lit shatsam da let, ya ten hta Giuseppe Pignatone kaw na ta tut magam bungli gun hpai nga ai lam Vatican shiga dap kaw na chye lu ai.