Anhte A Nni Nkri Nchyi Nmu Lam Hpe Karai Kasang Hte Masha Kaga Ni Hpe Garan Tsun Dan U

Wa Sarabyin Francis kawn “Verona’s Montoria htawng ”de sa kawan nna dai kaw rawng nga ai masha ni hpe “tinang a myit machyi hpa hkam sha lam ni hpe Karai Kasang hpe karan tsun dan nna shada da karum shingtau chye nga ga” ngu  nna tsun lai wa ai. Wa Sarabyin gaw lamang grai law ai raitim shi a lani mi na aten malawng maga hpe Montoria Htawng kaw aten jaw lai wa ai hpe chye lu ai. Wa Sarabyin Francis du Sa wa ai hpe dai kaw nga ai masha nkau mi gaw nta hkuwawt lam kaw na mada yu nga ai, law la ai masha hte bungli galaw ap nawng nga ai masha  ni kawn gawdin pa (sport field) de le pru nna hkap tau la lai wa ai hpe chye lu ai.

Htawng lit hkam  Francesca Gioieni hte hkyuk rawng ai masha ni hpe yu ai Duarte ni kawn ga hpaw ga shaga ngut ai hpang Wa Sarabyin Francis kawn shadum ga hpe tsun lai wa ai. Wa Sarabyin tsun ai hta  “nye a matu” gaw htawng kata de shang ai ngu ai gaw grai ahkyak ai aten ladaw langai re ai ngu ai hpe mu mada ai” hpa majaw nga yang “prison” gaw masha hpe masha zawn galai shai shangun ai shara langai mung rai nga ai lam tsun lai wa ai.

Matut nna htawng ngu ai gaw “anhte shinggyim masha hpe san jep ai shara re,kalang lang mayak mahkak ni, mara lu dum ai myit ni,daw dan hkrum ai lam ni, chye na shut ai hte myit ru hpa ni gaw anhte hpe san jep nga ai lam re hpe tsun lai wa ai. Wa Sarabyin kawn ngu ai gaw n gun atsam hpring ai, masha hpe mara dat ya ai hte tinang a hkum hpe lawt lu hkra galaw mayu ai myit hpe jaw ya shangun ai shara re ai” nga nna bai kahtap nna tsun lai wa ai.

Htawng kata hta nga ai masha nkau tinang hkum tinang sat si ai hpe ya hteng laman na lu ai majaw myit yawn lawm  ai lam tsun ai. Ndai zawn re ai gaw “myit ru hpa hte hkrit tsang hpa lai len re” bai nna ndai gaw anhte myit kaji ai ni hpe n lu shading sharai ai hte machyi hpa lam de hkrai lam woi ya ai re hpe tsun lai wa ai. Asak hkrung ai ngu ai gaw tinang hkum a matu sha n rai masha yawng a matu lak lai ai kumhpa (unique gift) rai nga ai hpe tsun let, anhte hpe galoi mung n kabai da ai, anhte hpe madat ya nga ai, anhte hte rau kabu lawm ai hte anhte rau hkrap lawm nga ai Karai Kasang rai nga ai hpe dum chye nga na lam tsun lai wa ai. Anhte a myit machyi hpa hpe Karai Kasang hpe tsun dan nna rau hkrun lam hkawm ai manang wa zawn shada da karum hkat na hpe n gun jaw tsun shadum lai wa ai. The Director of Prison tsun ai ga hpaw hta htawng rawng ai masha ni gaw  Mungdan 40 hte makam amyu myu kaw na sa wa ai ni rai nga ai hpe tsun lai wa ai. Wa Sarabyin kawn “Karai Kasang gaw langai sha rai nga ai” anhte a htunghking sharin ya ai hta hkan nna shi hpe lam amyu myu hku shaga ma ai rai tim shi gaw anhte  yawng a Kawa rai nga ai. Matut nna “shi hta langai zawn rai nga ai” anthe hpung ni hte htunghking ni kawn na Karai Kasang langai sha hpe nbung ai lam ni hte nawku nga ai hpe tsun lai wa ai. Anhte a makau hta shi hte rau rai nga yang anhte a prat hta myit kaji ai lam ni hpe tawt lai lu nna anhte a prat hpe aten dep nnan bai hpang sa wa lu ai lam tsun lai wa ai.