Anhte Ni Hpe N Kaja Ai Lam De Hkawm Wa Shangun Ai Shing Nrai Satan Gung Lau Ai Hkrum Wa Ten Hta Madu Yesu Hpe Saw Shaga Na Dum Ra Ai Lam

Wa Sarabyin Francis kawn lai wa sai laban shani na Missa hta kam sham ai hpung masha ni hpe lam numshe de rai wa ai shing nrai n kaja ai lam de gung lau hkrum wa ten ni hta Madu Yesu hpe saw shaga garum hpyi ai a marang e anthe ni nat tsadan hpe dang kau lu na lam hte anhte ni gaw nat tsadan hte hkau chyap ai lam hpe chyi mi pi n mai galaw ai lam hpe aja wa tsun shadum lai wa ai. Na masin salum hta n kaja ai agung alau ni du shang wa ai shing nrai tsadan e nang hpe n kaja ai lam de woi gunglau hkrum ai zawn nga hkam sha ai ten hta Madu Yesu hpe myit dum nna saw shaga ra ai.

Wa Sarabyin kawn dai shani hti ang ai San Marku kabu gara shiga hta na Madu Yesu gaw Nat tsadan shang shanu nga ai masha kaw na nat tsadan hpe gawt shale kau ya ai lam hpe la kap nna, tsadan gaw anhte ni hpe shi ra ai lam de sa na matu gunglau nna, hkalem na ra sharawng nga ai rai tim anhte gaw Madu Yesu hte galoi mung ani sha nga ai marang e tsadan a gung lau ai lam kaw na lawt lu mai ai lam tsun lai wa ai. Tsadan gaw anhte a wenyi hpe gyit hkang na matu ra sharawng nga ai majaw anhte mung dai zawn re ai sumri anhte a “freedom” hte “salum hpe” n gyit hkang lu na matu galoi mung makawp maga hkang zing ra ai lam tsun lai wa ai.

Anhte hpe galoi mung myit n dik shangun ai lam, anhte a arung arai ni, n-gun atsam ni hte anhte a tsawra chye ai myit ni hpe law law htum shangun ai lam amyu myu ni anhte ni hta hkrum sha nga ai hpe tsun shapraw dan lai wa ai. Wa Sarabyin kawn Madu Yesu du sa wa ai a majaw tsadan n hkring n sa gunglau ai lam ni kaw na lawt lu wa ai lam hpe tsun lai wa ai. “Madu Yesu gaw tsadan a gung lau ai atsam kaba hta na lawt lu wa ai”, dai hta anhte atsawm matsing da ra ai gaw “tsadan hte galoi mung hku hkau ai lam n mai galaw ai” hpe tsun shadum da nga ai.

Anhte ni maga mi hku yu yang anhte hta jahkring hkring tsadan gung lau ai hkrum yang anhte ni tawt lai lu na lam grai yak ai ten ni nga chye wa ai. Dai ten hta anhte ni Madu Yesu hpe sha myit hta dum let saw shaga ra ai kachyi mi pi tsadan hte jahkrum ai lam n mai galaw ai lam hpe tsun shadum lai wa ai.” Anhte ni hpe tsadan gung lau ai hkrum wa yang hpa galaw ra na kun? ngu ai hpe Wa Sarabyin gaw anhte hpe Madu Yesu hpe saw shaga na hpe tsun shadum da nga ai. Anhte hta kaning re ai tsadan e gyit hkang hkrum ai , gung lau hkrum wa tim Madu Yesu hpe sha saw shaga nga na hte , tsadan rau kachyi mi pyi tsun shaga ai lam n galaw na hpe tsun shadum lai wa ai .

Hpa majaw nga yang anhte ni tsadan rau ga shaga ai (dialogue) nga ai kawn gaw shi anhte hpe dang mat sai re ai hpe galoi mung sadi sahka ra nga ai lam tsun lai wa ai. “Karai Kasang gaw Shi a Chyoi pra ai Wenyi atsam hte nat tsadan hpe anhte kaw na tsan tsan de daini du hkra galoi mung kahtap nna gawt kau ya taw nga ai. Hpa majaw nga yang shi gaw anhte hpe tinang a nta masha ni, wuhpung wuhpawng ni hte mungkan ga hpe garan kau ai lam n nga ai sha simsa lam hpe sha jaw ya mayu nga ai hte shi a wenyi ni anhte ni hta law htam wa na matu re ai lam hpe tsun lai wa ai.”

Madu Yesu gaw anhte a ra sharawng myit a malai anhte hta tsawra ai, kabu gara ai, sumnung shingdi ai “(love,joy, hte meekness) ni, bai nna dawsa ai lam (Violence) hte Cries of hatred a malai anhte hta shanglawt ahkang, ngwi pyaw simsa lam, lanu lahku ai lam (“freedom,peace and care”) ni rawng nga ra ai lam Wa Sarabyin  tsun lai wa ai. Anhte a prat hta tsawra myit hte kabu hpa lam law law sha nga na hpe (full of love and joy) tsun shadum lai wa ai. Madu Yesu anhte hpe tsadan hte ga shaga ai lam n nga na matu sadi maja nga ra ai lam tsun nna anhte a kyu hpyi nsen gaw anthe a prat hpe bai shading sharai ya lu ai lam hpe tsun shadum da nga ai hpe tsun lai wa ai. Wa Sarabyin Francis kawn hpang jahtum e chyoi pra ai Kanu Maria kawn anhte hpe tsadan a gung lau ai hta na makawp maga garum ya na matu kyu hpyi ya let shangut lai wa ai.