Anhte Ni Chyeju Chye Dum Na Matu Nu Maria Kawn Garum Ya U Ga

 

Wa sarabyin Francis kawn lai wa sai laban shani na Missa hta Mahte a kabu gara shiga hte la kap nna myit n kaja ai hte lamu ga shap ai ni a lam hpe ga shadawn hku tsun lai wa ai.

Laban shani na mungga hta myit masin n kaja ai lamu ga shap ai ga shadawn hpe “anhte ni atsawm sha galaw nna lu wa ai arai mahkra gaw anhte madu ra ai” nga nna myit mada let tinang a myit hta chyeju dum ai lam n nga, tinggyeng law hpa ai myit ni sha kachyi chyi jat wa ai lamu ga shap ai lam hpe tsun lai wa ai.

Sun lamu ga hpe atsawm sha sin lit la galaw let lu wa ai arai ni hpe lamu ga Madu hte garan na malai shan hte chyu sha madu mayu ai myit nga wa ai majaw Sun madu  wa dat dat ai shangun ma ni hpe zingri ai hte hpang jahtum shi a kasha hpe pyi sak kau ma ai.

Ndai chyum mungga daw hpe bai n htang myit sumru yu let Wa sarabyin Francis gaw lamu ga shap ai ni hpe “shanhte ni lu la ai ahkaw ahkang hpe pyi chyeju dum ra nga ai,chyeju dum na malai shanhte a myit hta law hpa ai hte matai htang na chyu sha myit ai a majaw shanhte ni hpe lam shut shangun mat wa ai, bai nna kaja hka jaw ra ai gaw shanhte rai tim ta tut hta gaw shanhte hpe bungli jaw ai madu hpe mahtang shanhte hpe hka jaw ra ai (debt) masha zawn mu chye shangun wa ai” ngu tsun lai wa ai.

Dai zawn myit rawng wa ai a majaw shanhte ni gaw lamu ga shap ai masha kawn masha sat ai masha byin wa ai hpe Wa sarabyin  tsun shadum lai wa ai.

Ndai chyum laika hpe la kap nna masha gaw tinang hkum hkrai lu galaw ai hpe myit hta yin la mat yang chyeju dum na hpe malap wa chye ai hpe Madu Yesu gaw ja chyum mungga hta shadum da nga ai lam hpe tsun san lang dan lai wa ai. Ndai zawn re ai lam hte laikyang ni anhte a myit hta rawng wa ai rai yang myit dik ai lam n nga , chye na ai lam ni n nga , nju ndawng ai myit ni law wa ai hte hpang jahtum hta masha asak hpe sat ai lam ni du hkra byin chye ai wa hpe tsun lai wa ai.

Anhte ni chyeju dum n chye ai myit ni a majaw zingri zingrat ai lam ni hpe byin shangun ai, rai tim anhte ni a myit hta chyeju dum ai myit nga ai a marang e anhte hta simsa ai hpe bai lu la ai lam tsun lai wa ai.

Wa sarabyin kawn anhte hpe tinang hkum tinang hte anhte ni yawng hpe nanhte a prat hte makam masham nanhte ni hta lu malu mahkra gaw Karai Kasang kaw na jaw ya ai chyeju kum hpa ni rai nga ai hpe sawn dinglik yu na matu saw shaga nga ai, dai chyeju ni hpe anhte chyeju bai htang mayu ai rai yang anhte ni mung “chyeju kaba sai ngu ai ga hpe” tsun chye ra nga ai.

Wa sarabyin kawn “shani shagu anhte a myit masin hta chyeju dum chye na matu” Karai Kasang a hpung shingkang hpe galoi mung shakawn kungdawn nga ai Kanu Maria anhte hpe garum ya rit ngu, kyu hpyi ga tsun let ga hpum dim da tsun lai wa ai.

Add new comment

15 + 5 =