“Machyi kaba hkrum nga ai Mungkan lamu ga hta nga ai anhte ni hkam ja jahpai hpai na hkum nga ga!” ngu Wa Sarabyin Francis, Mungkan a shingra maka makau grupyin masat nhtoi hta tsun shadum da ai shiga

Shaning shagu (World Environment Day) Mungkan a Shingra maka makau grupyin masat nhtoi hpe June 5 shani galaw na matu masat da ai. 2020 shaning na World Environment Day hpe Colombia mungdan kaw galaw na matu masat da lai wa sai raitim, Chyam bra Covid 19 tsin-yam a majaw online lam hku sha galaw la lu mat ai.

Wa Sarabyin Colombia Gumsan magam (President) Ivan Duque hpe bat manga ya shani shagun ai laika hta “Shingra maka hte mungkan hta nga ai tu matu, hkrung mahkung yawng hpe makawp maga ai gaw anhte hta akyu ara hkam la na matu re” ngu ka da nga ai.

“Machyi kaba hkrum nga ai Mungkan ga hta nga ai anhte ni hkam ja jahpai hpai na nmai nga ga ai!” ngu mung ka da nga ai.

Mungkan ga hpe machyi hkra shangun ai gaw anhte hkum hpe machyi hkra kaba bying shangun ai lam sha re. Makawp maga ai gaw akyu ara kaba jaw ai hte du na shaning ni hta hkam ja nga ai hpe mu mada hkra shakut ra ga ai.

Mungkan ga hkrap ai nseng grai kaba taw sai majaw anhte ni azim sha nmai nga taw sai.

Galu kaba na matu ngu mying la, tinang tinggyen a matu nangmak lawhpa myit hte jahten sharun lam galaw, mungkan ga hpe amyat htuk ai lam hpe galaw na aten nrai sai.

Yawng gaw anhte myit mang galaw ai hta sha madung tai nga ai. Anhte mungkan ga hpe hkam ja lam jaw na aten hte ahkaw ahkang naw lu ga ai. Dai hku galaw shakut ai gaw anhte a aru arat ni hpe sili wunli ngam jaw da ai rai nga ai.

Wa Sarabyin Francis shi hkum nan ka da ai “Laudato Si” matsun magam hkan shatup ai (5) lang ngu na shaning mung rai nga ai. Laudato Si bat magam hpe lai wa sai May 16 – 24 lapran hta galaw saga ai.

#pope #message

#rvakachinservice

https://www.vaticannews.va/en/p ope/news/2020-06/pope-francis-sends-message-to-colombia-world-environment-day.html