''Kaw Si Hpang Gara Ai Ni A Hkrap Madai Ai Nsen Gaw Lamu Du Hkra Ngoi Lung Nga Sai'' Nga Nna Wa Sarabyin Franics Hku Nna  N-gu Mam Hte Seng Ai Myit Hkrum Lam A Matu Garum Hpyi Lajin Lai  Ai Lam

  ''kaw si hpang gara ai ni a hkrap madai ai nsen gaw lamu du hkra ngoi lung nga sai'' nga nna Wa Sarabyin Franics hku nna  n-gu mam hte seng ai myit hkrum lam a matu garum hpyi lajin lai  ai lam

  Wa sarabyin Francis gaw Black Sea kaw na nnan hpang nna n-gu mam gam garan ai lam hpe bai gaw gap galaw sa wa lu na matu myit dum akyu hpyi ya ai hte  Russia Federation mung hpawng mungdan na ahkang aya lu ai ni hpang de garum hpyi lagin ai hte kaw si hpang gara hkrum sha nga ai masha law law hpe kaja wa mung hkye mawoi la lu na re lam mung tsun lai wa ai.

Sarabyin Pope Franics gaw lai wa sai laban shani na angelus na hpang jahtum daw e tsun lai wa ai hta ''hpyen wa a aru hkrum sha nga ai Ukraine mungdan , hte majan byin ai shara ni gaw yawng hten za hkrum ai zawn mam ni du hkra nkaja mat ma ai a majaw'' matut akyu hpyi garum ya na matu saw shaga lai wa ai. grau nna gaw Russia gumsan magam mungdan hte Ukraine mungdan lahkawng a lapran e lapran masha hku di tawn da ai Turkyi hte U.N ni a lapran e san tawn da ai myit hkrum lam kaw nna ginra buga kata e nga ai sanghpaw daru ni kaw na Mam ni hpe htaw wa htaw sa galaw nga ai Black Sea ngu ai hka lam hten za mat ai hta shi a myit tsang myit yawn ai lam stun shaga lai wa ai.

   ''Black Sea hka hkrun lam  nnan bai hpang lu na hte n-gu malu masha ni hpe atsawn sha shimlum ai hte htaw shalai lu na matu nanhte nye a kahpu kanau ni rai nga ai Russia Federation mung hpawm mungdan na daru magam ahkyang aya lu ai ni hpang de hpyi lajin dat lu nngai''.

 Wa Sarabyin tsun ai hta  mam gaw shinggyin masha ni hpe jaw sha na matu Wa Karai Kasang hku nna jaw ya ai kumhpa rai nna me dai hpe e jahkrit shama nga ai majan a majaw jahten sharun ai lam ni gaw Karai Kasang hpe tara tawt lai kau ai mara kaba rai nga ai nga nna Wa Sarabyin hku nna tsun lai wa ai.

 '' hkring kaba hku nna kaw si hpang gara hkrum nga ai anhte a kahpu kanau ni a hkrap madai nsen gaw Sumsing Mungdan de du hkra ngoi kadu nga ai ''.

Lai wa sai aten shiga laika sara  ni hte hkrum shaga ai lam hta United Nations Secretary-General Antonio Guterres gaw mam ni hpe htaw shalai ai hta

Balck Sea Iniative nnan hpang wa ai lam hten za mat ai a majaw hka daru ni hta n lu hkring sa ai hte mam hte sanghpaw hta htaw sa ai gunrai ni mung hten mat wa ai lam ni hte seng nna mara shagun ai lam tsun lai wa ai.

 ndai nhtoi Galu mahkang gaw mungkan ting hte grau nna bawng ring galu kaba wa nga sai mungdan ni hte matut mahkai ai lam hta grau kaba ai hku hkra machyi wa shangun na hpe anhte grai hkrit tsang nga ai lam mung tsun lai wa sai.

Matut nna sha ndai lam gaw  mungkan mung hpawm hpung a nnan hpang ai lam hpe bai asak jahkrung lu na matu ra kadawn nga ai ngu tsun let byin mai ai daram galaw hpang wa ra ai hte bai mungkan gat lawk kaba ngu ai de Ukraine hte Russian malu masha ni hte dat namhpun ni awng dang lam lu wa lu hkra pahkam hkam ya ai lam lu na matu anhte ni byin mai ai daram shakut shaja galaw nga ai lam hpe mung tsun lai wa ai.