San Pra ai Juliana Poi Nhtoi (February 16)

San Pra ai Juliana gaw, tsa ban (3) hta makam masham hpe n nyet ai majaw, sat kau hkrum ai Hkristan masha ni kaw malawm langai mi rai nga ai. Juliana gaw, Hkristan makam masham hta myit maju jung ai majaw, tara maigan masha rai nga ai shi a Kawa hkum nan shi hpe zingri shatsang nhtawm htawng kaw bang kau ai hpe hkrum sai. Juliana gaw, up hkang du Evilasius hte hkungran na mung nyet kau nu ai. Shi hte seng nna mabyin law law tsun hkai ma ai.

Htawng kaw rawng nga ai aten hta satang aw, lamu kaba nsam hte sa du nna Juliana hte gamu hkat ai mabyin mung byin ga ai. Sat kau na daw dan hkrum ai majaw, kahtat la ai wan mang kata de kabai bang kau ai mung hkrum wu ai. dai hpang prut nga ai sau di kata de kabai bang ai hkrum timung, Juliana gaw hpa n byin ai. Jahtum e, shi a shing-gyim asak hpe baw htau daw kau hkrum wu ai.

San Pra ai Juliana a nden ja magrau grang ai myit kasi ni a majaw, masha law law makam masham de gale shang wa ai hte Madu Yesu a matu nden ja ai hpang hkan kaja ni byin tai wa ma ai.

San Pra ai Juliana n nga mat ai hpang, Nawku hpung gaw, shi hpe San Pra ai masha dang dat let, shi a Poi Nhtoi hpe mung, February shata (16) ya shani masat shagrau taw nga ai rai nga ai.

Daini San Pra ai Juliana a Poi Nhtoi hpe Nawku hpung kawn myit dum galaw ya nga ai aten hta, anhte marai hkum shagu hta mung, shi zawn re ai jet ai makam masham hpe hkam la lu u ga matu, lak san akyu hpyi la nga ga law.

By;

Sister Rose Angeline Maran Nang Doi (SFX)

RVA-Kachin Service (Myitkyina)