San Pra ai Harvey a Poi Nhtoi (June 17)

San Pra ai John Francis Regis gaw, Tsa ban (6) grup yin hta sak hkrung nga pra lai wa ai nna, Fransik Mungdan, Brittany Ginwang na mying kaba ai San Pra ai Masha malawm langai mi mung rai nga ai. Shi hpang de, myi machyi ai ni laksan garum akyu hpyi la mai nga ai.

Shi gaw, shangai wa ai aten kaw nna myi n mu ai wa rai nga ai. Shi a kawa gaw, Ga Shagawp hte Laka gag rai chye ai English amyu sha rai nga ai. Raitimung, shi grai naw kaji ai aten hta shi a Kawa n nga mat sai rai nga ai.

Harvey, shi a asak (7) ning du ai shaloi shi a kanu gaw, makam masham grai rawng ai Arzian mying ai masha kaw, shi a kasha Harvey hpe ap tawn kau da nhtawm Tawra Jawng kaw tara sa shatup sa nga mat ai.

Dai hpang, Harvey gaw, Tawra Jau Jawng kaw nga ai Kawa di kaw sa nga nna jawng ra ai amu hte sun amu ni hta sa du garum la ai. Shi gaww, Jau n rai timung, dai Jau Jawng na lithkam kaba tai wa sai. Harvey a majaw, Tawra Jau Jawng grai rawt jat galu kaba wai sai rai nga ai. Grau nna, dai jawng hpe Harvey kawn Finitere ginwang, Lanhorneau mare de htawt dat shaloi, dai jawng gaw Fransik Mungdan ting hta mying grai kaba mat wa sai.

San Pra ai Harvey gaw, shara shagu de Kabu Gara Shiga hkaw shabra hkawm ai hte lamik kumla law law madun ya ai shaman chyeju lu la nu ai.

Shi gaw, A.D (550) ning hta, Conover the Tyrant “Conover Mazut” hpe laja lana ning hkap ai wuhpung kaw na malawm langai mi mung rai nga ai.

San Pra ai Harvey gaw, A.D (556) ning hta, Madu kaw yup pyaw ban sa mat wa sai rai nga ai.

Shi n nga mat ai hpang, Nawku Hpung gaw, Shi hpe San Pra ai Masha dang dat let, Shi a Poi Nhtoi hpe mung, June shata (17) ya shani ngu masat shagrau dat ya sai rai nga ai.

By;

Sister Rose Angeline Maran Nang Doi (SFX)

RVA-Kachin Service (Myitkyina)