San Pra ai Gelasius (I) a Poi Nhtoi (November 21) 21 November 2022

San Pra ai Gelasius (I) a Poi Nhtoi (November 21)

San Pra ai Cecilia gaw, African amyusha rai nna, tsa ban (5) hta Roma mare kaw shangai chyinghkai wa ai rai nga ai. Roma mare kaw sha, shi Jau tai wa ai. A.D (492) ning, March shata praw (1) ya shani hta, Sarabyin aya dang da ai hkrum sai. Shi gaw, san seng chyoi pra ai, shawang tsawra myit kaba ai, hpaji kungzet ai hte dingman tara hte seng nna grai mying kaba ai Sarabyin mung rai nga ai. Nawku hpung gaw, Prefaces (San pra, san pra….rai n tsun shi yang Jau hpyi ai) akyu hpyi ga hte Sacramentu ni hte seng ai akyu hpyi ga ni (Orations for Sacramentories) hpe ka lajang da ai gaw, Wa Sarabyin Gelasius re ngu nna hkap la nga ga ai re.

Wa Sarabyin Gelasius gaw, Nawku Hpung kata na gram shading sharai ra ai lam ni hpe mung, woi galaw da ya sai. Tara maigan ni a htung lai hte poi lamang kaw nna hpung masha ni hpe myit su ai ladat hte makawp maga da ya ai. Shada myit hkrum lam, simsa lam hpe mung ding man tara hkrang, myit su ai ladat hte atsawm myit sumru yu nna woi zinlum la chye ai.

Wa Sarabyin Gelasius gaw, A.D (496) ning hta, Madu kaw yup pyaw ban sa mat wa sai rai nga ai.

Wa Sarabyin Gelasius n nga mat wa ai hpang, Nawku Hpung gaw, Shi hpe San Pra ai Masha dang dat let, shi a Poi Nhtoi hpe November shata (21) ya shani ngu masat da ya sai rai nga ai.

Daini Nawku Hpung gaw, Wa Sarabyin Gelasius a Poi Nhtoi hpe galaw nga ga ai aten hta, anhte marai hkum shagu mung, Wa Sarabyin Gelasius zawn, kadun la ai shing gyim prat hta yawng hpe chye woi awn zinlum lu ai, simsa lam hpe shabyin ya lu ai, myit su myit kawp ai ni byin tai lu hkra shakut nga ga law.

By;

Sister Rose Angeline Maran Nang Doi (SFX)

RVA-Kachin Service (Myitkyina)