San Pra ai Francis Caracciolo a Poi Nhtoi (June 4) 04 June 2023

San Pra ai Francis Caracciolo a Poi Nhtoi (June 4)

San Pra ai Francis Caracciolo gaw, 1563 ning, October shata (13) ya shani, Italy Mungdan, Naples Mare kaw shangai chyinghkai wa ai rai nga ai.  

Shi gaw, John Austine Adorno hte Fabriccius Caracciolo yan hte rau “Order fo the Regular Clerics Minor” mying ai Magam Gun Wuhpung hpe gaw de hpang dat wu ai. Shi gaw kaji ai aten kaw nna Jau grai tai mayu ai wa mung rai nga ai. Shi a myit da ai hte maren Jau tai wa ai aten hta mung, sat shamyit kau na matu daw dan hkrum tawn sai mara lu ai ni hpe laksan shakut garum jaw ya wu ai.

Shi a mying madung gaw, Ascanio ngu ai re; raitimung, Assisi mare na, San Pra ai Francis hpe shakawn shagrau nna Frncis ngu shamying la nu ai. Shanhte de hpang taw ai Magam Gun Wuhpung a ningbaw John Augustine Adorno a hkang galai tai wa ai shaloi Spain Mungdan de Makam Masham hkrun lam hpe grai yak hkak ai lam lapran sa du kau da ai. San Pra ai Jau Francis gaw, Spain Hkawhkam Philip (II) up hkang ai aten hte Shi a kasha hkang galai ai kasha Philip (III) aten hta shan wa hte rau Spaing Mungdan kaw Nawku Hpung galu kaba rawt jat lam a matu, Nawku Jawng ni law law gaw gap da ya sai.

San Pra ai Francis Caracciolo gaw, Agnone mare na, Oratorian Fathers Jau ni a jawng hta e 1608 ning, June shata praw (4) ya shani, Madu kaw yup pyaw ban sa mat wa sai rai nga ai.

Shi n nga mat ai hpang, 1769 ning, June shata praw (4) ya shani hta, Dai aten na Wa Sarabyin Clement (XIV) kawn shanhte hpe A lu ai masha dang dat sai rai nga ai.

Dai hpang, 1807 ning, May shata (24) ya shani hta, dai aten na, Wa Sarabyin Pius (VII) kawn shanhte hpe San Pra ai Masha hku nna tang dat let, Shi a Poi Nhtoi hpe mung, June shata praw (4) ya shani hta masat shagrau dat ya sai rai nga ai.

By;

Sister Rose Angeline Maran Nang Doi (SFX)

RVA-Kachin Service (Myitkyina)