San Pra ai Ansegisus (July 20)

San Pra ai Ansegisus gaw, Fransik mung kaw, 770 ning hta shangai chyinghkai wa ai. Asak (18) ning du ai shaloi, Fontanelle Tawra Jawng kaw laika hpaji sharin hkaja nga yang, shi a grai ning tawn ai atsam hpe mu lu ma ai. Charlemagne hkawhkam e shi hpe lit jaw da ai Rheims mare na San Pra ai Sixtus hte Chalens mare makau na San Pra ai Menge Tawra Jau jawng ni hpe gram galai ya lai wa sai. Dai hpang shi gaw, Flay mare na, San Pra ai Germer Tawra Jau jawng kaw na Jau kaba lit hpe shatsam hkrum sai. Hkawhkam a hpaji jaw lit hkam amu gun nga ai ten hta mung, mung masa hte seng ai dat kasa amu law law gun hpai lai wa sai.

 

Hkawhkam kaba Louis hte Debonair up hkang ten hta shi gaw Luxeuil mare na ni hpe manga ning tup grai ayak ahkak rai lu gram ya ai hpang, Fontanelle jawng de bai du wa ai. Shi bai du ai A.D 823 ning a hpang jawng dai grai rawt jat mat wa sai. Fransik Hkawhkam ni jawm madi shadaw ya nna shawa masha ni kaw du mat wa ai rit kawp tara laika gaw, San Pra ai Ansegisus shakut ka lajang da ai hkan sa tara laika buk rai nga ai.

 

Shi lit gun nga ai aten hta mying kaja wa ai jawng manga mung shi gram shading sharai ya ai majaw rai nga ai. Shi a atsam dat myit, san seng san pra ai sat lawa ni hpe mu nna, masha law law Karai Kasang hpang de gale shang wa ma ai. San Pra ai Ansegisus gaw, A.D 833 ning, July shata (20) ya shani hta Madu kaw yup pyaw ban sa mat wa sai rai nga ai.

 

Dai majaw, anhte Nawku hpung kaw nna mung, daini July (20) ya shani hpe San Pra ai Ansegisus a Poi Nhtoi hpe ding yang galaw ya nga ai rai nga ai.

 

By;

Sister Rose Angeline Maran Nang Doi (SFX)

RVA-Kachin Service (Myitkyina)

Add new comment

8 + 8 =