San Pra ai Andrew Dung-lac hte Manang ni a Poi Nhtoi (November 24)

St. Andrew Dung Lac and Companions_(November 24)

San Pra ai Andrew Dung-lac gaw, Vietnam mungdan hte Nawku Hpung a matu, shi a asak hpe n lahpawt ai sha galai kau ya ai Vietnam Jau langai mi mung rai nga ai. Shi hte maren si hkam mat wa ai ni gaw, Vietnam Mungdan, Nawku Hpung a matu asak jaw mat wa masai.

Madu a Kabu Gara Shiga gaw, Vietnam mungdan de, tsa ban (16) n nan daw kaw nna du nga sai re. Sinpraw dan na masha malawng maga gaw, Sasana magam gun hpung ni a chyeju majaw makam masham hpe shanhte a asak hte galai kau ma ai. Tsa ban (18) hta buga hte maigan sasana magam gun ni law law tara sakse tai si hkam lai wa sai rai nga ai.

Ndai zawn makam masham a majaw, si hkam ai ni ni kaw na marai (117) hpe 1988 ning, June shata (19) ya shani, dai aten na Wa Sarabyin Yawhan Pawlu (II) gaw, San Pra ai masha nga nna masat shagrau dat ya sai.

Ndai masat shagrau poi lamang kaw lawm ai Sanpra ai masha ni gaw, San Pra ai Jau Andrew Dung-lac hte kaga Vietnam Jau marai (36), Vietnam Hpung masha ni marai (59), Spain hte Fransik Saradaw ni marai (8), Uropa dan na Jau ni Marai (13) rai ma ai. Shanhte a makam masham hpe sadi dung ai majaw, shagrau ya ai hku nna, 1989 ning, November shata (24) ya shani Nawku Hpung tinang a shata hti laika kaw, makam masham a majaw, sat kau hkrum ai shanhte a mying ni hpe shalawm da ya sai rai nga ai.

Daini Nawku hpung gaw, San Pra ai Andrew Dung-lac hte Manang ni a Poi Nhtoi hpe galaw nga ga ai hte maren, anhte a myit masin hta mung, tinang lu da sai Makam Masham hpe kaning re ai aten hta mi raitim, gwi gwi sakse hkam lu na atsam jaw ya rit ga matu, lak san akyu hpyi la nga ga law.

By;
Sister Rose Angeline Maran Nang Doi (SFX)
RVA-Kachin Service (Myitkyina)

Add new comment

6 + 3 =