Bresica Mare na San Pra ai Gaudentius a Poi Nhtoi (October 25) 25 October 2022

Bresica Mare na San Pra ai Gaudentius a Poi Nhtoi (October 25)

San Pra ai Gaudentius hpe Maumwi mausa ka ai sara Rufinus gaw; “Shi a Sak hkrung ten na Hpaji Ning Hkring ni a Sari Shingkang Shingwang Tai Ya ai Wa,” (The Glory of the Doctors of the in Which he lives) nga nna shakawn da ya ai.

San Pra ai Gaudentius gaw, tsa ban (4) hta, Italy Mungdan, Brescia Mare kaw shangai wa ai. Shi a ma prat hta, Brescia mare na, San Pra ai Saradaw Philastrius kaw na, Laika hpaji sharin la lu sai majaw, Shi gaw, San Pra ai Saradaw hpe: “Wa” nga nna shaga wu ai. Sinpraw dan de shi garai n du sa ai aten kaw nna, Shi a makam masham myit kaba ai shiga, sinpraw dan e grai mawng nga ai. Shi gaw, hkaw matsun ai lam hta, grai dang du hkra sharin matsun lu ai majaw, masha law law myit galai shai wa nna, makam masham hpe hkap la ma ai; dai hte maren masha law law gaw, shi kaw na Wenyi hte seng ai hpaji grai sa hpyi hkaja la ma ai.

San Pra ai Saradaw Philastrius nsa hti ai aten hta, Brescia mare kaw San Pra ai Gaudentius n nga ang ai. Shi n nga timung, shawa hpung masha ni gaw, Saradaw Philastrius chyawm gaw: “Dai zawn re ai ahkang aya hte n gying n dan n ngai.” nga nna tsun ai. Raitimung, sinpraw dan na hkrang lang ai Saradaw ni gaw, shawa wuhpung hpyi shawn ai ga hpe hkap la ra ai, nga nna jawm shadum ma ai. Dai majaw, Jau Gaudentius gaw A.D (387) ning hta, Saradaw Ambrose a lata kaw nna Saradaw aya hkam la nu ai.

San Pra ai Saradaw Gaudentius gaw, Shi a ginwang kaw na, Hpung masha ni hpe Sadi sahka myit, shagrit shanem myit hte up hkang zinlum ai; Shi a hpung masha ni law law mung, Shi a kasi hpe hkan shatup la nna, San Pra ai masha ni tai wa ma ai. San Pra ai Saradaw Gaudentius gaw, A.D (410) ning hta, Madu kaw yup pyaw ban sa wa sai rai nga ai.

San Pra ai Saradaw Gaudentius n nga mat ai hpang, Nawku Hpung gaw, Shi hpe San Pra ai Masha dang dat let, Shi a Poi Nhtoi hpe mung, October shata Praw (25) ya shani masat shagrau dat ya sai rai nga ai.

By;

Sister Rose Angeline Maran Nang Doi (SFX)

RVA-Kachin Service (Myitkyina)