Alexandria Mare na San Pra ai Catherine a Poi Nhtoi (November 25)

St. Catherine of Alexandria (November 25)

San Pra ai Catherine hpe Engpyt Mungdan, Alexandria mare kaw, A.D 287 shangai chyinghkai wa ai rai nga ai.

Shi a asak (18) ning du ai hte shi a daidaw buga hta Madu a Kabau Gara Mungga hpe pu ba ai lam n nga ai sha galaw hkaw matsun lai wa sai rai nga ai. Dai zawn rai nna, Madu a Kabu Gara Mungga hpe hkaw tsun ai majaw, Hkawhkam Maximus pawt nna, htawng hta sharen da ai hkrum nu ai. Raitimung, shi myit n htum ai sha, hkawhkam jan hte htawng sin ai ni hpe Hkristan makam masham de gayin wa hkra mungga hkaw wu ai. Dai zawn shi Mungga hkaw ai majaw, hpang jahtum makam masham a majaw sak kau hkrum wu ai.

Dai majaw, San Pra ai Catherine gaw, asak grai naw kaji yang n nga mat wa ai rai nga ai.

San Pra ai Catherine n nga mat ai hpang, Nawku hpung gaw, shi hpe San Pra ai masha dang dat let, shi a poi nhtoi hpe November shata (25) ya shani hta galaw ya ai rai nga ai.

San Pra ai Catherine a Labau hpe hti hkaja yu yang, shi gaw, tinang lu da sai makam masham hpe gara shara kaw mi du du, n hkrit n tsang sakse hkam ra ai lam hpe shadum ya nga ai. Anhte a prat hta mung, tinang lu da sai makam masham hpe gara aten hta raitim, sakse hkam lu ai ai ni byin tai lu hkra shakut sa wa ga law.

By;
Sister Rose Angeline Maran Nang Doi (SFX)
RVA-Kachin Service (Myitkyina)

Add new comment

2 + 4 =