India Mungdan Na Hka Tsinyam Hkrum Masha Ni A Matu Wa Sarabyin Akyu Hpyi Ya

India Mungdan hta byin nga ai hka lim hka kaba mang hkang a majaw tsimyam hkrum nga ai masha ni a matu myit npyaw yawn hkyen lawm nga ai nga nna tsun let tsinyam hkrum masha ni a matu Wa Sarabyin Francis akyu hpyi ya dat nga ai. Vatican amu madu Cardinal Pietro Parolin ta masat htu nna India Mungdan asuya hpang de shagun jaw dat ai Wa Sarabyin a laika hta lahta na zawn tsun shana dat ai lam rai nga ai.

Ndai laman India Mungdan a Dingda maga daw hta laja lana marang kaba matut manoi htu nga ai a majaw hka lim hka kaba, sharut gyi lam ni byin pru nga ai hta, n law htum masha marai 184 si hkrum sai hte, kaga sen 4 jan mung shim ai shara de htawt si da hkrum nga ma ai.

Wa Sarabyin a laika hta, “India Mungdan a dingda maga, Kerala, Karnataka, Maharashtra hte Gujarat mungdaw ni hta byin hkrum nga ai hka lim hka kaba, sharut gyi lam shiga ni na lu nga ai hte, masha law law asak si hkrum, hka kaba sharut gyi ai hta dum nta ni lawm mat wa nna masha law law jam hkrum hkrum nga ma ai shiga ni na lu ai majaw myit npyaw yawn hkyen lawm nga ai, hkala hkrum ai ni hte yawm hkyen hkrum nga ai dum nta mash ani yawng a matu Wa Sarabyin akyu hpyi ya nga ai” nga nna Cardinal Perolin ta masat htu shagun dat ai laika hta tsun dat nga ai.       

Sawng dik ai shara gaw Kerala Mungdaw hta re, dais hara hta masha marai 76 si hkrum sai hte, kaga sen 3 daram mung htawt sit da hkrum nga ma ai, bai Karnataka Mungdaw hta mung, marai 40 si hkrum sai the, sen 6 daram mung htawt sit nga ra nga ma ai, ng anna Vatican shiga dap kaw nna shana dat nga ai.   

Source : Vatican News