Laban Shani Na Karai Mungga

Hkristu hta tsawra hkungga ai nu wa hpu nau ni ndai laban shaning B a Pranwan ladaw 25 rai nga ai.

Rochester kaw tsi sara kaba chales Marunise  hte shi a kawa hte kahpu kanau ni pawng nna tsi seng langai hpaw tawn da ai,dai tsi gawk gaw grai mung mying kaba lai wa ai rai nga ai, lani mi na nhtoi hta uropa dan na du sa wa ai tsi hte seng ai tsi sarawin kaba ni gaw ya na zawn tsi tsi lajang ai lam hta mying ningtawn ai tsi sarawin kaba Dr..Marunise a nta hta sa du shanu lai wa ai. Dai zawn sa shanu lai wa ai ten tsi sarawin kaba ni gaw shanhte yup ai gawk chying hka shawng kaw shanhte shoe hpanat ni hpe raw tawn da nna yup ra de shang yup mat ai..shanhte a htung gaw dai zawn sadu ai manam ni a shoe hpanat ni hpe nta na shangun ma ni gaw  atsawm sha kashin shatsawm da ya ai lam hpe galaw ya ai rai nga ai..ngut nna dai shana yup ra shang hpang hkrat ai Dr. Marun gaw shangun ma ni yup mat sai re majaw  shangun ma ni hpe  bai nsharawt sai sha shi hkum nan shoe hpanat hpe atsawm sha kashin rai nna yup ra shang lai wa ai lam rai nga ai.

Ndai mabyin hpe anhte hku na mu lu na gaw tsi sarawin kaba wa mi ting raitim shagrit shanem ai myit hte ndai bat na madu tsun da ai mungga hte maren prat hta tatut hkan shadik nga ai hpe mu lu ai. Grau mayu ai wa kadai raitimung n lang a hpang na hte nlang a ali ama tai u ga..ngu nna tsun da ai mungga mung nga nga ai.

Ndai bat jachyum mungga shawng daw hta the seffering servant ngu ai nni nhkri hkam nchyang mayam wa ngu na gaw madu yesu rai nga ai. Masha yawng a matu si hkam ai a marang e madu yesu gaw masha yawng a shangun ma tai wa ra ai. Kasa 3:13.26 4:27,30 hta e madu yesu gaw yawng a shangun ma hte seng ai lam tsun dai ai hpe mu lu na rai nga ai.

Madu Hkristu gaw shi a myit masa hpe kasa ni kaw bang ya na matu grai yak lai wa ai rai tim hpang jahtum chyoi pra wenyi a garum ya chyeju a majaw nawku hpung a shawng sarabyin ngu na kasa petru gaw madu yesu a shangun ma ngai kasa simon petru ngu ai lam 2petru 1:1 tsun da ai hpe mu lu ai. Shi a sagu hpung masha hkristan ni hpe shi zawn myit masa nga na matu saw shaga dat ai lam hpe 1Petru 5:5 Kasa Pawlu mung shi a shagun laika ni hta madu Yesu a shangun ma, kabu gara shiga a shangun ma, nanhte a shangun ma ngai nga nna tinang hkum tinang tsun tawn da ai hpe mu lu ai.

Hkahtawlik nawku hpung a ahkyak dik baw rai nga ai wa sarabyin a shagrau amying shing teng ngu na gaw servant of servant.ngu ai shangun ma ni a shangun ma rai nga ai a majaw Sarabyin shagu gaw tinang a nawku hpung hpe lik la yu reng up hkang nga ai ten matsun shadum laika ni ka shapraw shagu hpang jahtum e shangun ma a shangun ma ngai nga nna ka let masat mahkret sen htu ai rai nga ai. Kun dinghku kata na shangun ma ngu na ni gaw kanu yan kawa rai nga ai.

 Ndai bat na mungga gaw anhte yawng nchyang mayam myit nga ra ai lam hpe tsun mayu ai gaw nrai nga ai zawn anhte shada da a lapran hta e shagrit shanem ai myit hte tsawra hkungga pawn ba madi shadaw  let daw jau hkat chye na matu rai nga ai..htuk manu ai hku tsun ga nga yang shada da garum shingtau hkat na ahkyak nga ai shangun ma myit rawng ai wa gaw kaba taw ai mi raitim lam shagu hta atsawm sha rai bungli chye galaw ai.

Tsawra myit hte hpring ai masha ni hta shada daw jau ai lam n law hkraw ai..garum ai lam ni n law hkraw ai. Tsun mayu ai lachyum gaw tinang a prat hta ta tut ap nawng dau jau ai lam n law,  garum nlaw, jaw n law rai nga ai. Maga mi bai rai yang gaw myit tsaw nga ai ni gaw masha wa hpe n lu sak jaw ap nawng nga ai....tsawra myit kaba nna shangun ma hkrang hte  magam bungli ni hta galaw chye ai wa a matu tinang lu tawn da ai arung arai ni tinang lu tawn da ai ahkaw ahkang tinang lu tawn da ai nhprang sut rai ni hpe tinang shara lu na matu.. tinang ahkaw ahkang lu na matu hkrup mara n jai lang ai sha tinang n re jasam wa hpe daw jau ai lam hta  masha wa a mai kaja lam.. masha wa a rawt jat lam masha law law a akyu hkam la lu na matu jai lang chye ya nga ai  karai kasang gaw masha a arawng aya tsang madang hpe n yu ai sha  masha ni a  myit masin kraw lawang hpe galoi mung yu nga ai anhte shinggyim masha ni hpe arawng tsaw shangun ai lam gaw masha wa hpe garum na matu daw jau na matu sharawng ai myit hte jin jin rai nga taw ai lam mahtang rai nga ai.

San Francis Desel gaw arawng kaba lu ai  ngu ai gaw kade daram kaba ai ngu ai lam n rai nga ai. Kaba ai tsawra myit galaw lai wa ai lam ni mahtang sha karai kasang a man hta arawng kaba shangun ai nga nna tsun lai wa ai.

Hkristan langai byin wa na matu  n nga n mai gaw shangun ma zawn  shagrit shanem ra ai ngu nna gaw ntsun mayu ai raitim Madu Yesu zawn ra kadawn ai masa lam amyu myu hta karai kasang sharawng awng ai hte maren hkan nna kangka ai hku gun hpai nna ap nawng daw jau chye na matu gaw ra nan ra nga ai.

Anhte a prat gaw arawng nga ai ni tai na matu ya wa jau tsun dan mat lam manga hpe rau jawm myit jawm sumru yu nga ga.

Kangai hta e masha wa a ntsa e dang sha mayu ai myit kyang lai len ni n kaja ai gaw masha wa hpe madang nga ai de n du shangun nga ai. Masha wa a ntsa e tsawra myit da nna ap nawng daw jau ai lam madaw sha masha hpe madang tsaw shangun nga ai. Dai majaw madang tsaw ai de du shangun ai lam gaw shagrit shanem chye ai hte daw jau ai lam rai nga ai.

Lahkawng hta gaw n san n seng ai myit yaw shada lam ni hte daw jau ai lam n galaw na matu bai koi yen na matu ra nga ai. Ndai hpe mu nna  ndai galaw dat ai lam ngu ai gaw nbyin ging nga ai. tinggyeng a matu sha tinang gaw awng dang mayu ai,mying kaba mayu ai a  majaw n jaw n teng ai myit yaw shada lam ni, n san nseng ai lam ni hte daw jau ai amu galaw ai lam hta na na n hkam lu na re. Bai hpang jahtum e dum bri dumbra rai ai hku sha byin hkrum nga ai dai majaw n dai zawn myit ni hpe mung koi gam ra nga ai.

Masum hta gaw  san seng ai myit masin gaw tinang hkum tinang manu shadan chye ai lam rai nga ai byin ra na ngu ai tinang a myit mung tinang hkum tinang grau kam shangun wa ai.. lam rai nga ai.

Mali hta gaw karai kasang a lam hpe mahtang anhte lata la ra na rai nga ai. Madu Yesu hpe sha tinang prat a matu kasi kamang wa hku nna sha lata la na ahkyak nga ai.

Hpang jahtum gaw madu yesu a lam gaw tsawra myit hte ap nawng daw jau ai lam rai nga ai ndai shi madu a tsawra ai lam gaw htani htana sumsing mungdan de du hkra galaw ya nga ai. Up hkang ai wa a ahkang aya gaw uhpung uhpawng shagu a matu ra nan ra ai lam rai nga ai. Matsun ai lam gaw ap anwng daw jau na matu sha rai nga ai. Uhpung uhpawng shagu hta up hkang ai ahkaw ahkang gaw ra kadawn nga sai nga yang kam mara galaw ai lam ni gaw dai uhpung hta byin wa nna e uhpung kata nga ai masha shagu mung nru n ra byin hpang wa chye ai rai nga ai.

Dai majaw ahkaw ahkang a hpyen kaba ngu na gaw tingkyeng myit rai nga ai. Tinang hkum hpe sha tsawra wa ai...dai zawn masha gaw tinang hta kaba ai wa a ahkaw ahkang hte matsun ai lam ni hpe madat mara ai lam n nga wa ai lam amyu myu hku htan tsun nna galoi mung nyet taw ai wa rai nga ai.

san Mother  Teresa gaw akyu hpyi ai a apu asi gaw tsawra myit tsawra myit a apu asi gaw a ap nawng daw jau ai lam re nga nna tsun lai wa ai. Yak hkak nna ra kadawn taw nga ai wa hpe lama ma jaw dat u,kade mi kaji ai rai mi rai rai shi a matu aten jaw nna tsawra myit madun u, ga shaga u,madat ya u,hpa majaw anhte yawng gaw karai kasang a kashu kasha ni rai nga ai.

Lu tawn da sai karai kasang a shaman chyeju ni hpe gam garan ai lam mung grai ahkyak nga ai. Hpa majaw ndai hku byin taw nga ai ra taw ai ngu nna aput angun n galaw taw ai sha htingbu wa  ra kadawn ai lam ni hpe mahtang jahpring ya dat u. Hpa galaw ya lu ai galaw dat ya u...karai kasang gaw mai kaja ai wa rai nga ai. Mai kaja lam mahkra gaw karai kasang hte grau nna ni htep shangun nga ai. Dai majaw mai kaja ai lam galaw na matu aten jaw ga,dai zawn mai kaja ai lam gaw sumsing a zaw mung rai nga ai.

Masha ni gaw gade mi anya ai mi rai rai,shanhte hpe tsawra u,shiga madat nu wa hpu nau ni yawng gum rawmg gum tawng ai myit n nga ai sha, shagrit shanem chye ai myit masin hte sak hkrung hkawm sa nga lu myit ga yawng hpe karai kasang shaman ya u ga.

Akyu hpyi saga oh hpan madu  karai kasang e chyeju mahakra matu chyeju dum ai hte nang wa hpe grau nna kam sham tsawra chyechyang lu ai hte nang wa a kabu gara shiga hpe anhte a sak hkrung lam hta hkaw tsun sak se hkam lu na matu ra kadawn nga ai myit yan marai hte n gun atsam chyeju ni hpe mung jaw ya rit anhte a madu hkristu a marang e hpyi nyem nga ga ai.