Masha Shagu Gaw Ra Rawng Gawng Kya Ai

Tinang a myi hta rawng ai hpun tawng hpe n myit yu ai mi, na a nhpu nnau a myi hta rawng ai nbun hpe hpa rai yu nga ata?

Daini na chyum laik hta anthe ni hpu nau wa a ra rawng gawng kya ai hpe mu ai shaloi grai jahpoi asawng chye nga ga ai. Manang wa hpe jahpyak ai, shi a gawng kya ai lam ni hpe tsun shtan chye ga ai. Kaja wa nga yang, tinang mung mara n chye galaw a ni? Kaga ni hta grau shut chye ai ni n rai a ni? Grau tim nga chye ai re. Raitim dai tinang shut chye ai lam hpe gaw mara ngu nna n mu mada chye ga ai. Madu a hkum madu gaw dingman ai wa ngu hkap la chye ga ai.

Masha shagu gaw ra rawng gawng kya ai ni hkrai sha rai nga ai hpe n mai malap nga ai. Madu Yesu tsun ai gaw tinang a mara hpe gaw n mu nna, kaga wa a ra rawng gawng kya ai mara kaji hpe chyu sha, nang mu mada nga nni? Tinang a mara hpe myit malai let shakut sa nga ga law.