Karai Kasang A Man Hta Dingnye Lu Ai Ni N tai Ga

Daini na kabu gara shiga hta Karai Kasang tsun ai ga gaw, anhte ni a sak hkrung ai lam hte kaga ga rai nga ai ngu hkam sha nga ai. Matsan jam jau ai ni Karai Kasang a mungdan gaw nanhte a mungdan re. Kawsi hpang gara hkrum ai ni hkru kat hkra sha lu na, Lusu ai ni, mani sum sai re ai ni, dingnye lu na. Madu Karai Kasang a mungga gaw matsan jam jau ai ni, zingri zingrat bawng dung hkrum ai ni a matu gaw kabu pyaw hpa rai nga ai. Namak law hpa ai, myit marin ai ni matu gaw n kaja ai shiga tai nga ai. Dai majaw anhte marai shagu mung, Karai Kasang a man hta dingnye lu ai ni n tai ga. Sut gan law law lu ai ni mung n lu ai ni zawn sha nga u. Htani htana asak lu na matu ding ding man man rai nga nna alu atan sak jaw ai lam hpe galaw let hkawm sa nga ga law.