Garum Shingtau Ai Lam Tsawra Myit Ngu Ai Gaw Anhte A Kata Hta Rawng Nga Chyoipra Ai Wenyi A Bungli Rai Nga Ai

Wa Sarabyin Francis kawn lai wa sai bat masum ya shani Shawa Masha  ni hte hkrum shaga ai ten hta “charity” tsawra myit a lam hpe tsun shadum nna, theological virtue ngu ai gaw Karai kasang kaw na sa wa ai lam re ai hte shi hpe anhte ni galoi mung ding yang tsawra lu na hte anhte a makau htingbu ni hpe Karai Kasang tsawra ai zawn anhte mung tsawra lu na lam hpe tsun lai wa ai.

Wa Sarabyin Francis kawn Bat masum ya shani shagu na Shawa Masha ni hte hkrum shaga ai ten Kaja ai lam hte n kaja ai lam hte seng nna sharin shaga ai hta Lai wa sai bat hta  mung theological virtue  masum hta na “charity” Tsawra myit a lam hpe matut nna shadum sharin ya lai wa ai hpe chye lu ai.

Wa Sarabyin kawn San. Pawlu a corintu hpung masha ni hpe tsun shadum lai wa ai mungga rai nga ai “faith, hope and love” hte seng ai hpe bai myit dum sumru yu let dai masum hta na “tsawra myit” gaw kaba htum rai nga ai hpe tsun lai wa ai. Wa Sarabyin kawn ndai ga si ni  gaw “the celebration of Eucharist” Missa hkungga nawng Jau ai ten hta garan ginhka hkrum nga ai hte jam jau jam hkau hkrum lai wa ai Corinth hpung masha ni hpe tsun ai lam re hpe matsing hpa hku nna bai tsun lai wa ai.

Wa Sarabyin kawn “Kadai chye lu na rai Corinthu uhpung masha ni hta mara galaw da ai hpe shanhte gaw mara galaw shut ai lam n nga ai she shadu ma ai” hpe tsun lai wa ai. Lama na dai hku myit la ai rai yang “shanhte manghkang nga ai hpe Kasa Paulu a mara shagun tsun ai lam hpe” n chye na ya lu ai hpe mu lu nga ai.Kasa Paul kawn shanhte hkum shanhte gaw masha ni a ntsa hta kaja nga ai, tsawra nga ai ngu shadu da ai majaw Karai Kasang kaw na sa ai jet ai tsawra myit  (true charity) ngu ai hte “challenge” galaw lai wa ai hpe chye lu ai.

 Wa Sarabyin Francis kawn Kasa Paulu gaw Corinthu hpung masha ni hte daini na ten du hkra anhte ni kashuk kashak byin nga ai hpe myit yu nga ai, theological virtue hte seng ai matu mara lam alak mi n nga ai dai gaw Karai Kasang kaw na anhte kaw du wa ai lam langai sha san san rai nga ai hpe tsun lai wa ai.Wa Sarabyin kawn mungkan ntsa hta nga ai masha shagu hte,hkristan hpung masha ni gaw “Mungkan hta nga ai tsawra hkrang amyu myu hpe lu hkrang shapraw nga ai” “romatic love,love of friend,country and humanity” re ai hpe tsun san lang dan lai wa ai.

Wa Sarabyin Francis kawn daini ten hta kaba dik gaw tsawra myit “Love” rai nga ai, dai gaw Karai Kasang kaw na sa wa ai hte shi hta npawt madung da nna shi hpe anhte ni tsawra lu ai hte anhte a htingbu wa hpe shi zawn tsawra lu na lam re ai hpe tsun lai wa ai. 

Ndai gaw mai kaja ai Tsawra myit “virtue of charity” rai nga ai anhte a manang hte nta masha ni hpe sha tsawra ai nre sha anhte tsawra na yak ai masha ni hpe mung tsawra ai lam rai nga ai. Wa Sarabyin kawn ndai gaw “theological” Karai Kasang hte seng ai lam rai nga ai” hpa majaw nga yang “ndai lam gaw Karai Kasang kaw na sa wa ai, dai hpe anhte kata hta rawng nga ai Chyoipra ai wenyi bungli galaw ai lam” re ai hpe tsun lai wa ai.

Wa Sarabyin kawn Bum ntsa hta tara hkaw ai lam hpe bai myit shingran shangun let Madu Yesu kawn  tsawra myit a lam hpe theological  a tsawra ai lam (charity) galaw ai hpe myit la shangun ai lam re hpe madun dan lai wa ai. Ndai lam hpe anhte ni Karai Kasang hta sha manoi nga ai nrai yang hkan sa na yak ai “virtue” mai kaja lam langai rai nga ai hpe tsun lai wa ai.

Raitim anhte ayan na Tsawra ai lam (normal love) hta Lai Jan ai hte shinggyim masha a Tsawra Chye ai salum gaw “Hkristan tsawra myit ahpum ginshum da ai gaw n tsawra nan rai tim hkap la Chye nna mara dat ya ai hte anhte hpe matsa mawa galaw ai ni hpe shaman ya ai”lam ni re ai hpe tsun lai wa ai. Ndai tsawra myit gaw anhte a matu nmai byin na daram ja ai tsawra myit rai  nga tim, anhte hta ngam nga na tsawra myit langai rai nga ai hpe tsun lai wa ai.

Wa Sarabyin kawn anhte ni a  hpang jahtum na aten hta “anhte ni a nawng na zawn tsawra chye ai (generic love) hta sha dawdan jeyang na nre sha  anhte a garum shingtau chye ai lam (charity) mung azing ayang daw dan hkrum na re ai hpe tsun shadum let hpum dim dat nna “ngai nanhte hpe teng teng tsun made ga, nye kahpu kanau ni kaw na kaji htum wa hpe galaw ya ai lam gaw ngai hpe galaw ya ai lam rai nga ai”Madu Yesu tsun lai wa ai ga hpe kahtap nna bai tsun shadum lai wa ai.

https://www.vaticannews.va/en/pope/news/2024-05/pope-at-audience-charity-is-the-work-of-the-holy-spirit-in-us.html