Nawku Hpung Shiga 19 March 2024

Nhtoi: 13-3-2024 Karai Kasang a shaman Chyeju a marang e anhte kaja ai lam ni (virtue) hpe lu mai nga ai nga nna Wa Sarabyin tsun dat ai Shiga.

 Wa Sarabyin Francis Kawn Lai Wa sai bat Laban Masum ya shani hta Shawa Masha ni hkrum shaga ai ten kam sham ai hpung masha ni hpe Karai Kasang a shaman chyeju a marang e anhte a shani shagu na magam bungli ni hpe gaja ai lam de galai shai sa wa na matu n gun jaw tsun sharin lai wa ai.

Wa Sarabyin Francis kawn Lai Wa sai Bat masum ya jahpawt Shawa masha ni hte rau Vatican hta hkrum shaga ai shaloi “ anhte ni gaja ai lam ni ma hkra hpe bai (discover) sawk tam nna bai tatut hkan galaw (practise)” na matu aja wa tsun shadum lai wa ai.

Wa Sarabyin kawn shi hta “cold” byin taw nga ai majaw Shawa Masha ni rau hkrum shaga ai hta shawng nnan hku nna Vatican Secretariat of State kaw na Jau Pierluigi Kawn shi a malai hku shiga hti shalai ya mat na lam hpe tsun lai wa ai. Lai wa sai shata law law hta shi kawn vice hte seng ai hpe grau madung da nna tsun lai wa ai majaw Lai wa sai bat masum ya shani gaw galai shai ai “transition” hku nna “virtue” hte seng ai lam hpe tsun jahta ai (discussion) galaw nna tsun lai wa ai.

Wa Sarabyin kawn “anhte shinggyim masha ni a masin salum gaw n kaja ai lam ni hpe koi gam galaw na hte anhte hpe bu hpung mawn sumli ai ntsa lam ni hpe ginghka nna gunglau ai lam ni hpe sha myit hta bang da chye nga ai, rai tim anhte ni n dai lam ni yawng hpe ninghkap kau lu nga ai hpe tsun sharin lai wa ai.

Wa Sarabyin kawn anhte shinggyim Masha ni ngu ai gaw kaja ai lam ni hpe jahpring shazup na matu hpan da hkrum ai ni rai nga ai hpe tsun lai wa ai.

Anhte ni shangai ai kaw na gara gaw anhte a matu kaja ai ngu ai hpe chye da ai lam hte seng nna “permanent disposition” nkau hpe anhte ni madu lu nga ai hpe tsun lai wa ai.

Wa Sarabyin kawn ndai zawn mungkan ga a mayak jamjau ai lam ni hpe hkrum nga ai anhte a mau hpa mabyin lam ni hta anhte ni gaw gaja ai lam (virtue) hpe kalang bai tam nna (rediscover) tatut hkan sa let akyu hpyi ra ai lam hpe tsun lai wa ai. Wa Sarabyin kawn ndai zawn htenza nga ai mungkan ntsa hta anhte ni gara hku hkrang shapraw nga ai hpe dum chye ra nga ai, dai gaw “Karai Kasang a anhte a ntsa e galoi mung nga nga shi a hkrang nsam (image) rai nga ai hpe tsun lai wa ai.

Wa Sarabyin kawn anhte hpe “gaja ai lam(concept of virtue) ngu ai hpe nang gara hku lachyum hta la nna hkrang shapraw nga ai kun?” ngu ai hpe atsawm sha myit sumru yu na matu san lai wa ai.

Wa Sarabyin kawn kahtawlik makam masham Catholic nawku hpung hta “virtue” a lachyum hpe ngang kang ai hte kadun dawk hku nna “kaja ai lam hpe hkan sa galaw na myit galoi mung bang da ra ai” hpe (Laika masat.1803) kaw tsun da ai hpe tsun lai wa ai.

Dai majaw ndai kyang gaja lam (virtue) gaw kam mara byin wa ai (or) sumsing lamu kaw nna kaja ai lam pra pra rai nna hkrat wa ai lam nrai nga ai hpe tsun lai wa ai.

Wa Sarabyin kawn “virtue is something else” tsun da nga ai hpa majaw nga yang mara galaw ai masha (criminals) ni pi gaja ai lam hpe galaw chye nga ai lam hpe “book of God” ngu ai hta tsun shapraw da nga ai. “kaja ai lam ngu ai gaw masha langai a chye myit chye mang ai kaw nna byin wa ai lam rai nga ai, dai gaw anhte a myit kata kaw nna byin wa ai lam ni rai nga ai hpe madi madun ya nga ai lam tsun sanglang dan lai wa ai.”

Wa Sarabyin kawn virtue ngu ai gaw “anhte ni myit asan sha hte galoi mung galaw nga ai lam rai nga ai” (a habitus of freedom) hte anhte ni myit asan sha rau galaw shagu anhte ni kaja ai lam hpe galaw na matu lata ai gaw “virtue” re ai lam hpe aja wa tsun da nga ai.

Wa Sarabyin kawn akyang kaja ai lam (virtue) hte seng nna anhte ni hkaja nna chye lu na gaw yu maya hku n mai nga ai, shi hta hkridun byin nga ai lam hpe tsun da nga ai. “Anhte hkristan ni a matu shawng nnan anhte hpe atsam jaw ai gaw “Karai Kasang a shaman chyeju” rai nga ai, anhte ni kashin kamun hkam ai a marang e chyoipra wenyi gaw anhte a wenyi hta bungli galaw nna anhte hpe gaja ai lam hte rau nga sa ai prat hta lam woi ya nga ai hpe tsun lai wa ai.”

“Anhte hkristan ni gade daram wa tinang a mayak mahkak lam ni hpe n lu tawt lai hpe mu chye nna hkrap myi prwi ni hte rau chyoipra wenyi hpang de sit shang kyu hpyi lai wa ga ai kun” raitim Karai Kasang gaw anhte a matu gaja ai lam ni hpe galaw japring shazup ya nga ai hte anhte ni hkamla lu nga ai gaw anhte a matu sumla nhprang “sketch” langai hpa sha rai nga ai.

“Anhte a nga sat nga Sa ai ga sadi jaw ai lam ni gaw anhte hpe Chyeju de galoi mung lam woi nga ai. Wa Sarabyin kawn anhte hpe ganing re ai lam ni gaw “anhte a (Virtue) kyang Lai kaja hpe grow and cultivate shangun ai” ngu ai moi shawng de na hpaji chye ai ni tsun sharin shaga wa ai ni hpe nmai malap kau ai lam tsun lai wa ai. Bai nna ndai zawn byin na matu Chyoipra wenyi kaw nna hpaji bennya chyeju hpe shawng hpyi ra ai lam mung tsun lai wa ai lam Vertican shiga dap kawn nna shana dat ma ai.

By; Fr. Patrick Nawlang Zau Jat Awng

https://www.vaticannews.va/en/pope/news/2024-03/pope-at-angelus-we-can-acquire-virtue-through-god-grace.html