Karai Kasang Gaw Anhte Hpe Mara Kaw Na Dat Ya Ai Hte Pawnba La Nga Ai

Karai Kasang Gaw Anhte Hpe Mara Kaw Na Dat Ya Ai Hte Pawnba La Nga Ai

Wa Sarabyin Francis kawn lai wa sai Laban ya shani na Missa hkungga hta Karai Kasang gaw anhte hpe grai tsawra ai majaw  hpa n byin ai masha ni Rai myit Dai nga (condemn) nna mara n shagun ai, rai tim shi gaw anhte ni marai langai pi n ngam hkra hkye hkrang la na matu sha myit rai nga ai.

Lama na anhte ni hta mara a majaw shingnrai shut kataw ai a majaw myit yawn hkrum nga ai rai yang Madu Yesu gaw anhte a matu hparan ya ai hte  pawn ba la na matu jin jin rai nga ai. Ndai gaw Wa Sarabyin Francis kawn San Peter shawa pa kaba hta du sa ai kam sham ai hpung masha ni hpe shadum jahpran let n-gun jaw ai mungga rai nga ai.

Lai wa sai laban shani na hti ang ai yawhan a kau Gara shiga hta Nicodemus a lam hpe mu lu ai..Wa Sarabyin kawn Hpareshe ni gaw Madu Yesu a lamik kumla hpe mu nna shi gaw Karai Kasang dat dat ai Sara wa re ngu sawn la ai lam hpe tsun lai wa ai, dai majaw Madu Yesu hpang de Nicodemus  Sa hkrum ai hpe Masha ni nmu na matu shana de sha sa nna hkrum lai wa ai lam Rai nga ai..

Karai Kasang gaw shi hpe hkap tau la nna shi hte ga shaga let shi gaw anhte hpe je yang daw dan na matu sa du ai nre ai hte anhte hpe hkye hkrang la na matu sa du ai mahtang re ai lam tsun shapraw dan lai wa ai.

“Wa Sarabyin Francis kawn anhte ni ndai lam hpe jahkring mi myit sumru yu ga, Madu Yesugaw anhte hpe Je yang dawdan na matu nre ai sha hkye hkrang la na matu sa du ai lam rai nga ai.”“Wa Sarabyin kawn anhte gadai mung “hpringzup ai nrai” dai majaw anhte ni gaw “mara kap ai ni rai nga ai” (sinners), raitim  Karai Kasang hte anhte a matu mau hpa tsawra ai lam hpe lapran hku nna hpa n lu je bat nga ai.Wa Sarabyin kawn Karai Kasang a man hta anhte ni makoi magap da ai lam n ra ai hte shi gaw anhte hpe lata madi mara shagun ai lam n galaw ai sha anhte hpe pawn ba ai hte hkye hkrang la ai amu hpe sha galaw nga ai lam tsun sanglang dan lai wa ai.“Madu Yesu gaw anhte hpe jam jau ai de du shangun ai hte anhte hpe je yang daw dan na lam hpe n ra sharawng nga ai, shi gaw anhte langai hpra hkat sum nna mat mat na hpe n ra nga ai wa re ai hpe tsun lai wa ai.”

Wa Sarabyin kawn anhte ni law law lang masha ni hpe daw dan ai (or) shatan nhkan galaw ga ai ni rai na re raitim anhte ni matut nna sak hkrung hkawn Sa ai lam hta Madu Yesu anhte hpe tsawra myit madun dan ai zawn anhte mung masha ni hpe tsawra  myit hte kanawn mazum lu na matu Karai Kasang kaw kyu hpyi sit shang ra nga ai hpe n gun jaw tsun lai wa ai.

Wa Sarabyin kawn “Karai Kasang gaw anhte marai hkum ngau shagu hpe myi chyaw yu nga ai dai gaw anhte hpe jam jau ai de du shangun ai lam n re ai sha, shi gaw anhte a matu nhtoi tai nna anhte a myit kata na gaja ai lam hte n gaja ai lam ni hpe mu chye shangun ai hte shi a chyeju a marang e anhte ni hpe shamai ya ai hte galai shai ya nga ai lam hpe tsun lai wa ai.

Wa Sarabyin Francis kawn kam sham ai hpung masha ni hpe Karai Kasang a tsawra myit hpekasi la nna masha ni hpe tsawra na hte anhte shada da tsawra chye na hkat na matu chyoi pra ai Kanu Maria kaw akyu hpyi let shangut lai wa ai hpe chye lu ai.