Shagrit Shanem Ai Myit Hte Gumrawng Ai Myit Hpe Ninghkap Kau Ga

Wa Sarabyin Francis kawn lai wa sai bat  masum ya shani na shawa masha ni hte hkrum shiga ai ten hta gumrawng ai myit a mara hte dai hpe ninghkap lu na matu anhte ni hta shagrit shanem ai myit rawng ra ai lam hpe tsun lai wa ai. Anhte a gumrawng ai myit masin hpe nyet kau lu na matu ndai lusha gam ladaw hta grau nna hkan sa shatup nga ga nga nna lai wa sai bat masum ya jahpawt na shawa masha ni hte rau Vatican kaw hkrum shaga ai shaloi Wa Sarabyin Francis n’gun jaw tsun shadum lai wa ai. Wa Sarabyin hkum nau n pyaw ai majaw shi a malai laika hpe hti shalai ya na matu Vatican secretariat of State kaw na Father Pierluigi Giroli hpe shatsam lai wa ai lam chye lu ai.

Roma kaw nshung ta htum nna ginhtawng ta de du shang wa sai re majaw (spring) San Peter Shawa pa kaba hta shawa masha ni hte hkrum ai shara hpe Vatican VI Hall de htawt sit sa wa na re hpe chye lu ai. Wa Sarabyin kawn shawa masha ni garai n shamu shi yang shi shawng masha wuhpung nga ai lapran de sa kawan ai lam galaw lai wa ai hpe chye lu ai. Gumrawng ai lam a gawng kya lam (The vice of pride) Wa Sarabyin kawn gumrawng ai myit (pride) a n kaja ai kyang lailen (vice) hpe tinang hkum tinang san jep yu na matu tsun shadum lai wa ai. Ndai n kaja ai kyang lailen (vice) hpe anhte ni ntsa lam hku nna tinang hkum hpe ladu shalai hkrak dum ai (excessive splendor) ngu mai tsun nga ai, dai hpe anhte ni tinang hkum tinang madang grai tsaw dum ai, tinang hkum tinang grai rai dum, tinang hkum tinang gawngba ai myit (self-exaltation,conceit and vanity) ni hku nna mu chye lu nga ai. Dai lam hku nna Wa Sarabyin gaw Madu Yesu anhte hpe sadi jaw tsun da ai masha a salum hta byin nga ai lam ni re hpe tsun shapraw lai wa ai.

Shakawng ai myit (vainglory)gaw masha hta byin ai ana re ai hpe tsun lai wa ai. dai gaw gumrawng ai a majaw htenza hkrum ai lam law law hte shingdaw yang ana kachyi sha naw rai nga ai (still childish disease) hpe tsun lai wa ai.

Karai Kasang hte tsan gang ai -  Wa Sarabyin Francis kawn n kaja ai gawng kya lam (vices) yawng hta na “pride” gumrawng ai myit gaw hkawhkam Jan (queen) re ai hpe tsun lai wa ai. Ndai zawn re ai kaw “accident” ang sha-a lam ngu n nga ai bai “Divine Comedy” ngu ai sumla hkrung kaw Dante gaw ndai zawn re ai hpe “Ngarai ngu ai” (purgatory) hta yawng a shawng (first level) shara hta tawn da ai hpe mu lu nga ai. Ndai zawn (vice) n kaja ai lai hte hkawm ai ni gaw Karai Kasang hte teng sha tsan gang na re ai hpe Wa Sarabyin  tsun shadum  lai wa ai. Bai nna ndai tsadan (evil) hpe ninghkap dang kau lu na matu anhte hkritsan ni hkrum sha ai mayak lam mahkra hta aten hte atsam dat ai lam grai nga ra ai hpe mung tsun lai wa ai. Tsadan a maw lanyet ai (evil) kata hta sawng dik ai mara gaw Karai Kasang hte bung ai ngu n -gawn n-sawn tsun ai lam re ai hpe Wa Sarabyin kawn tsun shadum lai wa ai. Bai nna npawt nhpang laika hta na “Adam hte Eve” yan a mara hpe yu ga, “gunglau ai wa gaw ndai nam si sha yang nan lahkawng a myi hpaw wa nna Karai Kasang hte bung wa ai ngu tsun ai hpe”(Gen: 3;5) shan lahkawng mung dai hpe kaja wa byin wa na re ngu yaw shada let sha kau hkrup ai a mara rai nga ai (sin of pride) hpe tsun lai wa ai. (Spirituality) Wenyi lam Yan hte seng ai laika ka shara ni ka da ai hta shani shagu na anhte a nga sa ai prat hta gumrawng ai myit rawng ai a majaw masha langai hte langai kanawn mazum ai hpe jahten sharun ya ai re nga nna tsun ai hpe mu lu ai.

 Wa Sarabyin kawn arawng nga ai masha hpe anhte ni gaw aloi sha shakawng na hpe dum chye nga ai.  Gumrawng ai myit nga ai masha ni rau kanawn yu yang chye na re, shanhte hpe nang kachyi mi daram tsun shadum ai (or) shi hpe hkra machyi ai lam n nga ai (remark) matsing masat jaw ai rai yang bai masha langai ngai shi a arawng hpe wa hkra ai zawn nang hpe shapau nna nang hpe bai nhtang kanawn na hpe tsun lai wa ai. “pride” Gumrawng ai myit a majaw hkam sha nga ai masha hpe kachyi mi sha galaw ya mai ai hpe hpaji jaw tsun da nga ai. Shanhte hpe shaga na n mai byin ai, sharai na mung nloi nga ai hpa majaw nga yang shanhte gaw shanhte hkum shanhte nmu mada ai lam byin nga ai majaw rai nga ai hpe tsun lai wa ai. Anhte ni lu galaw ya ai lam langai gaw myit galu ya ra ai lam rai nga ai hpa majaw nga yang lani mi hta shanhte a gumrawng ai myit ni (edifice) htenza mat ai hkrum na ra ai. Kabu gara shiga hta Madu Yesu gaw  gumrawng  chye ai masha law law hte kanawn nga ai, dai hta anhte masha ni kade wa mi makoi magap ai rai tim Karai Kasang gaw anhte a n kaja ai kyang lailen ni hpe shapraw ya lu nga ai. “hkye hkrang la ai lam” (salvation) ngu ai gaw anhte ni shagrit shanem ai lam rai nga ai nga nna Wa Sarabyin tsun lai wa ai.