Myit Galu Ai Hte Kamsham Ai Gaw Lam Shagu Hpe Masan Sa Shangun Ya Ai Nga Nna Wa Sarabyin Tsun Lai Wa Ai Shiga

Myit galu ai hte Kamsham ai gaw lam shagu hpe masan sa shangun ya ai

Wa Sarabyin Francis kawn bat masum ya Shani shagu na shawa masha ni hte hkrum shaga ai ten hta anhte a nga sat nga sa ai lam hta kaja ai, n kaja ai lam ni hte seng ai nna sharin ya lai wa ai hta “acedia hpe focus da nna, anhte a lagawn lamawn ai myit ni hpe myit galu kamsham ai lam a marang e (patience of faith) sha tawt lai lu mai nga ai lam tsun lai wa ai. Wa Sarabyin kawn matut nna kaja ai hte n kaja ai (virtues and vices) lam hte seng nna tsun sharin ya let Lai wa sai Bat masum ya shani hta Kam sham ai hpung masha ni hpe “anhte mara ni hpe jahkring jahkra yu shalai kau chye nga ai”.

Bai nna anhte ni ndai zawn re ai lam ni hta law malawng gaw lagawn ai myit hpe shara jaw ai lam a majaw rai nga ai hpe mu mada ai lam tsun lai wa ai. Wa Sarabyin kawn “anhte ni tatut hta lagawn lamawn ai lam gaw mabyin hta grau nna akyu Hkam Sha nga ai ", masha langai mi “shamu shamawt ai lam n nga, lagawn lawmaw rai nna nga ai (or) myit lawm ai lam n nga ai wa hpe Lagawn ai Masha (Lazy) ngu tsun ma ai lam hpe tsun san lang dan lai wa ai. Dai lam hpe moi na hpaji rawng ai anhte a jiwoi jiwa ni a sharin shaga tsun da lai wa ai lam gaw “acedia” ngu ai “hpa hpe mung myit n lawm n sawn” ai kawn na hpang wa ai lam re ai hpe mung tsun san lang dan lai wa ai. Wa Sarabyin Francis kawn “lagawn ai ngu ai gaw hkrit ra htum masha hpe hkalem ai lam” re ai hpe matsing da na matu tsun shadum let, “aten hpe majoi shalai kau nna ya she myit malai lu taw ai hte dai a hpang hta nga taw ai ramma ni gaw “la hpa nnga na daram” byin taw sai lam hpe mung tsun shadum lai wa ai.

Wa Sarabyin kawn anhte ni hpe “grai nan ba shangun ai aten ahkyin ni mung lagawn lamawn ai hte lai she lai, gara hku mung hkam sharang na zawn nre ai shani nhtoi gaw” anhte hpe “noonday demon” ngu ai Wa a myit maju gang da hkrum ai (grip) zawn byin nga ai lam hpe tsun san lang dan lai wa ai. Matut nna Wa Sarabyin kawn Jau Evagrius ka da lai wa ai hta “hkrum hkrang hte myit lahkawng yan hku yu tim ,lam lama ma e anhte a myit masin hpe tsa dan e myit daw shangun ai zawn lam ni byin chye nga ai hpe kalang bai tsun shapraw dan lai wa ai hpe chye lu ai. Matut nna Wa Sarabyin kawn “acedia” hpe manat nna hkawm sa nga ai ni gaw tinang a prat hpe dan dan dawn dawn hkrat sum ai hpe byin shangun nga ai,” “ bai nna tinang a hkum hpe tau nna si shangun kau”ai hte bung nga ai lam tsun shadum lai wa ai.

Wa Sarabyin kawn ju shingna byin shangun ai n kaja ai lam ni hpe tsun ai zawn “master of spirituality” hte seng ai anhte a matu ahkyak dik rai nga ai “patience of faith” hpe mung tsun dan lai wa ai hpe chye lu ai. “U ga shara hta nga mayu ai rai tim” Karai kasang gaw anhte hpe ndai shara rai sai ngu masat ya ai hpe yin la let hkap la nna nga chye ra ai lam hpe Wa Sarabyin tsun shadum lai wa ai. Wa Sarabyin kawn Jau tsun lai wa ai hta na “Cell ni gaw anhte prat a matu Sara kaja dik rai nga ai hpa majaw nga yang shani shagu na Karai Kasang hte seng ai tsawra myit ni hpe atsawm sha tsun dan ya ai hte anhte a hkum hta nprai nna rawng nga ai ni re ai hpe tsun lai wa ai. Wa Sarabyin kawn shi a sharin shaga ai lam hpang jahtum daw de “the battle of acedia” dawdan ya ai lam langai re ai majaw shi hta nga ai mahkra hpe dang kau ra na “It must be won at all costs” ngu nna tsun lai wa ai. “Wa Sarabyin kawn ndai lam law law hte seng nna Nawku Hpung a labau hta San pra ai masha ni pi ndai “battle” ngu na Hkumhkrang myit Masin Majan lam ngu na hpe n lahpawt nna galaw shakut lai wa ai hpe tsun san lang dan lai wa ai. Wa Sarabyin kawn

Laziness ngu na lagawn lamawn lam a majaw hkalem hkrum nga ai ni gaw “tinang hkum tinang a ga sadi kaji ni hpe sha zing hkang shadik ai lam (maintain) galaw nga ra ai, myit mada da ai lam ngu na Goal bandung ngu na hpe masat da ra ai, rai tim anhte hpe agung alau amyu myu kaw na galoi mung n kabai da ai Madu Yesu hpe anhte ni Kam sham shamyet shanat let shi hta n gun la nna matut hkawm sa wa ra ai lam tsun lai wa ai. Hpang jahtum hku nna Wa Sarabyin kawn anhte hpe “acedia” a majaw san jep nna jam jau hkrum tim anhte a makam “faith” a value nanu ngu hpe nsum hkra galaw ra ai. “maga mi hku tsun ga nga yang” “true faith” jet ai Kam sham lam ngu ai gaw anhte shinggyim masha ni a makam rai nga ai majaw anhte a prat hta nsin chip rai nna hpa hpe mung nmu ai ten ni nga wa ai raitim shagrit shanyem ai myit hte anhte kamsham (humble believe) nga ra ai lam hpe tsun shadum lai wa ai.