Simsa Ai Lam Gaw Lani Jang Lana Jang E Byin Tai Wa Ai Baw Nrai Nga Ai 

Wa Sarabyin Francis kawn St.Peter shawa pa kaba hta shim lam (security) bungli galaw nga ai police officer ni hte rau hkrum ai zup hpawng hta “nsin kata hta rawng nga ai anhte shinggyim masha ni satan hte hkrum wa ai ten hta tsap taw nna yu nga ai hku nre ai sha lama mi hku bai nhtang galaw ra nga ai lam hpe tsun lai wa ai.” Wa Sarabyin Francis kawn Lai wa sai bat kru ya jahpawt hta the Inspectorate of public security hte zing hkang lit nga ai (maintaining) hte seng ai Police officers ni hte rau hkrum shaga lai wa ai hpe chye lu ai.

Ndai Policemen ni gaw Italian State a matu magam gun ai ni rai nga ai shanhte gaw Vatican Gendarmerie hte Swiss Guard ni rau nbung ai sha St.Peter shawa pa kaba shara hta nre ai sha Vatican wall ngu ai kaw aha magam lit hpe gun hpai galaw nga ai lam re hpe chye lu ai. Wa Sarabyin Francis kawn bungli hpe myit galu ai hte sadi dung nna galaw ya nga ai balik du ni hpe chyeju dum ai ga tsun nna hpaw hpang Lai wa ai, shanhte gaw sa du ai shawa masha ni shim lum ai hte simsa nna kam sham myit hte rau kyu hpyi ai lam hpe atsawm lu la hkra shimlum lam hpe mung jaw ya nga ai lam tsun lai wa ai. Wa Sarabyin kawn ndai magam bungli ni hta na a “atsam, zai Nyan , myit zim ai, myit maju jung ai hte chye na ai atsam ni (courage,tact,steady nerves, attention and understanding) ra kadawn nga ai lam tsun lai wa ai. Bai nna mung Vatican de sa du ai masha ni hpe “ra ai hta hkan nna lam madun ya ai, mayak hkrum nga ai ni nga yang mung karum ya nga ai” Balik du ni hpe mung chyeju dum ai lam hpe tsun lai wa ai.

Wa Sarabyin Francis kawn Police officers ni hpe Police hte seng ai magam bungli nkau hpe tang madun garum hpyi lai wa ai hpe chye lu ai. “Matut nna St.John XVIII kawn tara masa lit hkam du (law enforcement officers) ni a magam bungli galaw ai ni gaw masha u ga ni yawng hta kyang lailen (moral), bai nna tinang hkum hte asak hpe ap nawng tawn da ai lam ni galaw da ra ai hpe Matsing hta ka tawn da ai lam tsun lai wa ai”. Dai zawn re majaw shanhte hpe “ gaja ai magam gun, wuhpung wuhpawng a simsa lam hpe gaw gap ai masha (good servant and Peace builder of society) ngu tsun shaga ai lam re hpe tsun lai wa ai. Wa Sarabyin kawn ndai lam ni gaw kalang marang anhte ni grai ra kadawn nga ai lam ni hpe atsawm sha lachyum shadawng ya lu ai hte anhte hpe n gun jaw ya nga ai lam ni re ai hpe tsun lai wa ai. Matut na Wa Sarabyin kawn anhte wuhpung wuhpawng hta simsa ai lam ni, gaja ai lam ni gaw lani lana jang e byin tai wa ai lam nre, shi hkrai shi byin tai wa ai lam nre ai hpe mung tsun shadum lai wa ai.

 Bai nna anhte masha ni nsin hta rawng nga ai ten hta mayak lam ni hkrum sha nga ai, satan a gunglau lam a majaw jam jau hkrum ai ni hpe mu yang tsap yu na shalai kau ai hku nre sha tinang hkum nan hkyen mawai ai hta shang lawm nna dai tsin yam kaw na lawt lu hkra anhte ni karum chye ai masha ni nga ra ai hte dai zawn re ai lam ni nbyin hkra makawp maga chye ai lit nga ra ai lam hpe tsun shadum lai wa ai.