Anhte A Wenyi Majan Hta Awng Dang Lam Lu La Na Matu Karai Kasang A Shaman Chyeju Gaw Karum Ya Nga Ai Nga Nna, Wa Sarabyin Tsun Lai Wa Ai Shiga

Anhte A Wenyi Majan Hta Awng Dang Lam Lu La Na Matu Karai Kasang A Shaman Chyeju Gaw Karum Ya Nga Ai Nga Nna, Wa Sarabyin Tsun Lai Wa Ai Shiga

Wa Sarabyin kawn bat shagu na shawa masha ni hte hkrum ai hta kaja ai lam hte n kaja ai nga sat nga sa ra ai lam (vices and virtues) hte seng nna tsun lai wa ai, bai nna anhte a prat hta hkrum Sha taw nga ai wenyi lam yan mayak mahkak ni hpe chyeju hkamla ai ladaw hku nna galaw na ahkaw ahkang anhte hpe jaw taw nga ai hpe tsun lai wa ai.

Wa Sarabyin Fracis kawn Lai wa sai Bat Masum ya shani na shawa hte hkrum shaga ai hta anhte a wenyi majan (spiritual combat) hpe madung da nna kaja ai hte n kaja ai nga sat nga sa ra ai lam (vieces and virtues) hpe gabaw langai hku la nna tsun shadum lai wa ai.

Wa Sarabyin kawn anhte Christan prat hta galoi mung “mayak n hkrum ai sha ding yang nga sa ai shing nrai nannan sha re ai prat” ngu ai n nga ai, dai majaw galoi mung shakut shaja hkawm sa nga ra ai (continuous combat) lam hpe tsun lai wa ai.

Anhte hkristan ni shawng nnan hku nna kashin kamun sau hte kashin kamun hkamla ai hta sama nlawm ai gaw anhte a prat hta mayak gaw hkrum ra nga ai hpe tsun shadum nga ai lam hpe tsun lai wa ai.

Anhte ni hpung nnan shang na matu kashin kamun (Baptism) hkam la nna hkristan hpung
masha byin wa ai hte anhte a prat hta mayak mahkak n nga mat sai n re ai hpe asan sha mu chye shangun mayu ai (Christian is not spared from struggle), “anhte nga pra ai mungkan prat ndai hta masha shagu gaw mayak lam ni hpe tawt lai lu na matu shakut nga ra ai hte san jep ra nga ai” hpe tsun shadum lai wa ai.

Anhte ni hta agung alau ni hkrum sha nga ai a majaw Karai Kasang a shaman cheyju anhte hta e tawt lai galaw lu na ahkaw ahkang jaw nga ai lam mung rai nga ai. Bai San pra ai masha Anthony mung “temptation nnga ai nga yang anhte ni hta hkye hkrang la ai lam mung nlu na re” nga nna e tsun lai wa ai.

Wa Sarabyin kawn nsin kata hta sha rawng mat nna “tinang a mara hpe tinang hkrai hparan nga ai” hkristan hpung masha ni gaw kaja ai hte n gaja ai hpe n chye gin hka mat ai ni re ai hpe tsun lai wa ai.
“anhte ni yawng gaw mara a majaw matsan mayan rai nga nna galai shai lu na lam hpe ra gadawn nga ai ni hkrai rai nga ai hpe dum chye nga na matu hte Karai Kasang kaw na shaman chyeju hpe hpyi ra nga ai, bai nna shi a tsawra matsan dum njin ai tsawra myit kaba gaw anhte ni a mara ma hkra hta grau nga ai lam re ai hpe galoi mung myit hta dum nga ra ai lam hpe” tsun lai wa ai.

Wa Sarabyin Francis kawn Madu Yesu kashin kamun hkam lai wa ai zawn anhte mung Karai
Kasang a tsawra matsan dum ai myit hpe nhkrit ai hte sha kashin kamun hkam la ra ai lam hpe tsun dan lai wa ai. Yesu kashin kamun hkam ngut ai hpang Tsadan gaw gung lau na nga Madu Yesu hpe zaibru Jang mali (desert) de woi mat hkrum ai. Dai majaw Wa Saranbyin kawn anhte mung shi hkrum sha lai wa ai mabyin zawn anhte bai hkrum wa yang na matu shajin da ra nga ai, “bai nna Prat ngu ai gaw shing jawng ra ai lam ni, shakut shaja ra ai lam ni, lam nshe ni, myit ai hte n bung ai lam ni, n mu lu ai agung alau ni hte prat hte nhtan shai ai nsen ni rau galaw da” nga ai hpe tsun shadum ai lam rai
nga ai.

Wa Sarabyin Francis kaw anhte hkristan hpung masha ni hpe n bung sawng re ai lam ni hta
hkawm sa na matu saw shaga nga ai. “gawng ai myit masin gaw shagrit shanyem na hpe saw
shaga nga ai,(pride challenges humility),pawt sindawng ai gaw garum kahtau ai lam hpe saw
shaga nga ai (hatred contrast charity), tengman ai wenyi a kabu gara ai gaw yawng hkyen
myit ru ai lam rai nga ai (sadness oppose the true joy of spirit), myit masin ja ai gaw Matsan
dum ai myit hpe nyet kau chye ai.

Anhte a nga sat nga sa ai lam ni hpe (vices and virtue) bai myit sawn sumru yu ai a marang ai
anhte ni gaw kaja ai hte n kaja ai a lapran na n mu lu ai sumri hpe tawt lai lu mai nga ai lam
tsun lai wa ai.

Kahtap nna Wa Sarabyin kawn kaja ai hte n gaja ai nga sat nga sa lam hpe bai myit sawn
sumru yu ai hta anhte ni gaw shinggyim masha re ai a majaw u-ga sak hkrung nga ai baw ni hte shai nga
ai gaw anhte gaw tinang hkrai tinang myit sawn sumru daw dan chye ai ni re a majaw anhte a
myit masin hpe Karai Kasang hta hpaw da let Chyoipra San Seng ai lam de hkawm sa wa na matu tsun
lai wa ai.

Wa Sarabyin Francis kawn hpang jahtum hku na anhte a (spiritual combat) Wenyi Majan lam hta anhte a prat
hta kaja ai lam ni chyu sha wenyi asak jaw ya ai lu ai Karai Kasang kaw na shaman chyeju ni hpe
hkamla lu ai zawn n kaja ai lam ni hpe galai shai nna hkawm sa nga na hpe tsun lai wa ai.